മോ​ട്ട​ര്‍ വാ​ഹ​ന​വ​കു​പ്പ് അ​യ​ഞ്ഞു: ഡ്രൈ​വിം​ഗ് ടെ​സ്റ്റ് പു​ന​രാ​രം​ഭി​ച്ചു
Friday, May 17, 2024 11:36 PM IST
ആ​ല​പ്പു​ഴ: മേ​യ് ഒ​ന്നുമു​ത​ല്‍ പു​തി​യരീ​തി​യി​ല്‍ ഡ്രൈ​വിം​ഗ് ടെ​സ്റ്റ് ന​ട​ത്തു​മെ​ന്നു മോ​ട്ട​ര്‍ വാ​ഹ​ന​വ​കു​പ്പ് നി​ര്‍​ബ​ന്ധം പി​ടി​ച്ച​തോ​ടെ സ​മ​ര​ത്തി​ലാ​യ ഡ്രൈ​വിം​ഗ് സ്‌​കൂ​ളു​ക​ള്‍​ക്ക് ആ​ശ്വാ​സ​മാ​യി ഡ്രൈ​വിം​ഗ് ടെ​സ്റ്റ് പു​ന​രാ​രം​ഭി​ച്ചു. വ​കു​പ്പുമ​ന്ത്രി​യു​ടെ പ​രി​ഷ്കാ​ര​വും ഡ്രൈ​വിം​ഗ് സ്‌​കൂ​ളു​ക​ളു​ടെ വി​യോ​ജി​പ്പും ത​മ്മി​ൽ നേ​ർ​ക്കു​നേ​ർ വ​ന്ന​പ്പോ​ൾ ഫ​ല​ത്തി​ൽ സ​മ​ര​ത്തി​ലാ​യി​രു​ന്നു ഡ്രൈ​വിം​ഗ് പ​രി​ശി​ല​ന മേ​ഖ​ല. പ്ര​തി​ഷേ​ധം നീ​ണ്ട​തോ​ടെ ദി​വ​സ​ങ്ങ​ളോ​ളം ടെ​സ്റ്റ് ന​ട​ന്നി​രു​ന്നി​ല്ല. ഡ്രൈ​വി​ംഗ് ലൈ​സ​ന്‍​സി​ന് അ​പേ​ക്ഷി​ച്ചി​രു​ന്ന​വ​ര്‍​ക്ക് ആ​ശ്വാ​സം, ജി​ല്ല​യി​ല്‍ ഡ്രൈ​വി​ംഗ് ടെ​സ്റ്റ് പു​ന​രാ​രം​ഭി​ച്ചു.

ആ​ല​പ്പു​ഴ- 10, 6, മാ​വേ​ലി​ക്ക​ര - 25, 8, ചെ​ങ്ങ​ന്നൂ​ര്‍-28, 21, കു​ട്ട​നാ​ട്-11, 6, ചേ​ര്‍​ത്ത​ല - 3, 1, കാ​യം​കു​ളം- 2, 1 എ​ന്നി​ങ്ങ​നെ​യാ​ണ് ആ​ര്‍​ടി ഓ​ഫീസ്, ഡ്രൈ​വിം​ഗ് ടെ​സ്റ്റി​ല്‍ യ​ഥാ​ക്ര​മം പ​ങ്കെ​ടു​ത്ത​വ​രു​ടെ​യും പാ​സാ​യ​വ​രു​ടെ എ​ണ്ണം.

എ​ല്ലാ ആ​ര്‍​ടി ഓ​ഫി​സു​ക​ളു​ടെ കീ​ഴി​ലും ടെ​സ്റ്റ് ന​ട​ന്നു. ജി​ല്ല​യി​ല്‍ ആ​കെ 79 പേ​ര്‍ ടെ​സ്റ്റി​ല്‍ പ​ങ്കെ​ടു​ത്ത​തി​ല്‍ 43 പേ​ര്‍ ടെ​സ്റ്റ് പാ​സാ​യി ഡ്രൈ​വിം​ഗ് ലൈ​സ​ന്‍​സ് നേ​ടി. പു​തി​യരീ​തി പ്ര​കാ​ര​മു​ള്ള ടെ​സ്റ്റിം​ഗ് ഗ്രൗ​ണ്ട് ഇ​ല്ലാ​ത്ത​തി​നാ​ല്‍ ഇ​ന്ന​ലെ റോ​ഡ് ടെ​സ്റ്റി​ല്‍ 20 പോ​യി​ന്‍റുക​ള്‍ പ​രി​ശോ​ധി​ച്ചു. തു​ട​ര്‍​ന്നു ഗ്രൗ​ണ്ടി​ല്‍ എ​ച്ച് ആ​കൃ​തി​യി​ല്‍ വാ​ഹ​നം ഓ​ടി​ച്ച​തു കൂ​ടി പ​രി​ശോ​ധി​ച്ചാ​ണു ലൈ​സ​ന്‍​സ് അ​നു​വ​ദി​ച്ച​ത്.


ഒ​രു മോ​ട്ട​ര്‍ വാ​ഹ​ന ഓ​ഫീസി​നു കീ​ഴി​ല്‍ ദി​വ​സേ​ന 40 പേ​ര്‍​ക്കാ​കും ഡ്രൈ​വിം​ഗ് ലൈ​സ​ന്‍​സി​നുവേ​ണ്ടി​യു​ള്ള റോ​ഡ്, ഗ്രൗ​ണ്ട് ടെ​സ്റ്റു​ക​ള്‍ ന​ട​ത്തു​ക. ജി​ല്ല​യി​ലെ എ​ല്ലാ ആ​ര്‍​ടി​ഒ​ക​ളി​ലും ര​ണ്ടു മോ​ട്ട​ര്‍ വെ​ഹി​ക്കി​ള്‍ ഇ​ന്‍​സ്‌​പെ​ക്ട​ര്‍​മാ​രു​ണ്ടെ​ങ്കി​ലും ആ​ദ്യഘ​ട്ട​ത്തി​ല്‍ ഒ​രുദി​വ​സം 40 പേ​ര്‍​ക്കു മാ​ത്ര​മേ ടെ​സ്റ്റ് ന​ട​ത്തൂ. ര​ണ്ട് എം​വി​ഐ​മാ​രു​ള്ള ആ​ര്‍​ടി​ഒ​ക​ളി​ല്‍ 80 പേ​ര്‍​ക്കു ടെ​സ്റ്റ് ന​ട​ത്താ​മെ​ന്നാ​ണു മ​ന്ത്രി കെ.​ബി.​ ഗ​ണേ​ഷ് കു​മാ​ര്‍ പ​റ​ഞ്ഞി​രു​ന്ന​ത്. ഒ​രു എം​വി​ഐ, വാ​ഹ​ന​ങ്ങ​ളു​ടെ ഫി​റ്റ്‌​ന​സ് പ​രി​ശോ​ധ​ന​യ്ക്കു പോ​കു​ന്ന​തി​നാ​ലാ​ണു ഡ്രൈ​വിം​ഗ് ടെ​സ്റ്റ് 40 പേ​ര്‍​ക്ക് ആ​യി​ത്ത​ന്നെ നി​ജ​പ്പെ​ടു​ത്തി​യ​ത്.

Copyright @ 2022 , Rashtra Deepika Ltd.