പ്ര​തി​ഷേ​ധ​ത്തി​നൊ​ടു​വി​ല്‍ പു​ന്ന​പ്ര പ​ര​പ്പി​ല്‍ നെ​ല്ലെ​ടു​പ്പു തു​ട​ങ്ങി
Tuesday, September 26, 2023 11:18 PM IST
അമ്പ​ല​പ്പു​ഴ: ക​ര്‍​ഷ​ക​രു​ടെ പ്ര​തി​ഷേ​ധ​ത്തി​നും കാ​ത്തി​രി​പ്പി​നു മൊടു​വി​ല്‍  പു​ന്ന​പ്ര പ​ര​പ്പി​ല്‍ പാ​ട​ശേ​ഖ​ര​ത്തി​ലെ നെ​ല്ലെ​ടു​പ്പ് ആ​രം​ഭി​ച്ചു.

ചൊ​വ്വാ​ഴ്ച രാ​വി​ലെയാ​ണ് നെ​ല്ലെ​ടു​പ്പു തു​ട​ങ്ങി​യ​ത്. കാ​ല​ടി​യി​ലെ ജെ​ബി​എ​സ് എ​ന്ന ക​മ്പ​നി​ക്കാ​ണ് നെ​ല്ലെ​ടു​ക്കാ​നു​ള്ള അ​നു​മ​തി സി​വി​ല്‍ സ​പ്ലൈ​സ് ന​ല്‍​കി​യി​ട്ടു​ള്ള​ത്.33 ഏ​ക്ക​ര്‍ പാ​ട​ശേ​ഖ​ര​ത്തി​ലെ 22 ഏ​ക്ക​റി​ലെ 450 ക്വി​ന്‍റ​ല്‍ നെ​ല്ലാ​ണ് എ​ടു​ക്കാ​നു​ണ്ടാ​യി​രു​ന്ന​ത്. ഇ​തി​ല്‍ 370 ക്വി​ന്‍റ​ല്‍ നെ​ല്ല് മി​ല്ലു​കാ​ര്‍​ക്ക് ന​ല്‍​കി.

ബാ​ക്കി വി​ത്തി​നാ​യി മ​റ്റ് ക​ര്‍​ഷ​ക​ര്‍ വാ​ങ്ങി.11 ഏ​ക്ക​റി​ലെ 131 ക്വി​ന്‍റ​ല്‍ നെ​ല്ല് ക​ഴി​ഞ്ഞ ദി​വ​സം അ​വ​ലി​നും പൊ​ടി​യ​രി​ക്കു​മാ​യി ക​ര്‍​ഷ​ക​ര്‍ വി​റ്റി​രു​ന്നു. ബാ​ക്കി വ​ന്ന നെ​ല്ലാ​ണ് ചൊ​വ്വാ​ഴ്ച എ​ടു​ത്ത​ത്. ഉ​ച്ച​യോ​ടെ നെ​ല്ലെ​ടു​പ്പ് പൂ​ര്‍​ത്തി​യാ​യി

ഇ​ള​വി​ത്താ​യ മ​നു​ര​ത്ന ക​ഴി​ഞ്ഞ 10 ദി​വ​സം മു​മ്പാ​ണ് കൊ​യ്ത​ത്. കൊ​യ്ത്തി​നി​ടെ ഉ​ണ്ടാ​യ മ​ഴ ക​ര്‍​ഷ​ക​രെ ബു​ദ്ധി​മു​ട്ടി​ലാ​ക്കി.  കൊ​യ്ത് നെ​ല്ല് എ​ടു​ക്കാ​നു​ള്ള ന​ട​പ​ടി സി​വി​ല്‍ സ​പ്ലൈ​സ് വൈ​കി​ച്ച​തോ​ടെ കൂ​ട്ടി​യി​ട്ട നെ​ല്ല് കി​ളി​ര്‍​ത്തും പൂ​പ്പ​ല്‍ ബാ​ധി​ച്ചും ന​ശി​ക്കു​മെ​ന്ന അ​വ​സ്ഥ​യി​ലാ​യി. തു​ട​ര്‍​ന്നാ​ണ് ക​ഴി​ഞ്ഞ​ദി​വ​സം പൊ​ടി​യ​രി​ക്കും അ​വ​ലി​നു​മാ​യി നെ​ല്ല് ക​ര്‍​ഷ​ക​ര്‍​ക്ക് വി​ല്‍​ക്കേ​ണ്ടി വ​ന്ന​ത്.

നെ​ല്ലെ​ടു​ക്കാ​ന്‍ സി​വി​ല്‍ സ​പ്ലൈ​സ് വൈ​കി​ച്ച​ത് ക​ര്‍​ഷ​ക​ര്‍​ക്കി​ട​യി​ല്‍ വ​ലി​യ പ്ര​തി​ഷേ​ധ​ത്തി​ന് വ​ഴി​യൊ​രു​ക്കി​യി​രു​ന്നു. ഇ​ള​വി​ത്താ​ണെ​ന്നും 90 ദി​വ​സം ക​ഴി​ഞ്ഞ് കൊ​യ്യു​മെ​ന്ന വി​വ​ര​വും പാ​ഡി ഓ​ഫീ​സ​റെ അ​റി​യി​ച്ചി​രു​ന്ന​താ​യും ക​ര്‍​ഷ​ക​ര്‍ പ​റ​ഞ്ഞു. എ​ന്നാ​ല്‍ തു​ട​ര്‍​ച്ച​യാ​യു​ള്ള മ​ഴ കൊ​യ്യാ​ന്‍ വൈ​കി​ച്ചു.

എ​ന്നി​ട്ടും നെ​ല്ലെ​ടു​ക്കാ​നു​ള്ള ന​ട​പ​ടി സി​വി​ല്‍ സ​പ്ലൈ​സ് സ്വീ​ക​രി​ച്ചി​രു​ന്നി​ല്ല. അ​പ്പ​ര്‍ കു​ട്ട​നാ​ട്ടി​ലെ ര​ണ്ടാം കൃ​ഷി​യി​ലെ ആ​ദ്യ​വി​ള​വെ​ടു​പ്പാ​യി​രു​ന്നു പ​ര​പ്പി​ല്‍ പാ​ട​ശേ​ഖ​ര​ത്തി​ലേ​ത്. ​ഒ​രു കി​ലോ നെ​ല്ലി​ന് ​സി​വി​ല്‍ സ​പ്ലൈ​സ് ​ന​ല്‍​കു​ന്ന​ത് 28.20 രൂ​പ​യാ​ണ്. എ​ന്നാ​ല്‍, ക​ഴി​ഞ്ഞദി​വ​സം കി​ലോ 25 രൂ​പ​യ്ക്കാ​ണ് അ​വ​ലി​നും പൊ​ടി​യ​രി​ക്കു​മാ​യി ക​ര്‍​ഷ​ക​ര്‍ നെ​ല്ല് കൊ​ടു​ത്ത​ത്.

വി​ത്തി​നു പാ​ക​പ്പെ​ടു​ത്തികൊ​ടു​ക്കാ​നാ​യി​രു​ന്നു ക​ര്‍​ഷ​ക​ര്‍ തീ​രു​മാ​നി​ച്ച​ത്. എ​ന്നാ​ല്‍, കാ​ലം​തെ​റ്റി​യു​ള്ള മ​ഴ ക​ര്‍​ഷ​ക​രെ വ​ല​ച്ചു.20 ക​ര്‍​ഷ​ക​രാ​ണ് ഇ​വി​ടെ കൃ​ഷി ചെ​യ്യു​ന്ന​ത്. ക​ഴി​ഞ്ഞ കൃ​ഷി​യും ക​ര്‍​ഷ​ക​ര്‍​ക്ക് ന​ഷ്ട​മാ​യി​രു​ന്നു. അ​തും ഇ​ള​വി​ത്താ​യി​രു​ന്നു വി​ത​ച്ച​ത്.

മ​റ്റ് പാ​ട​ശേ​ഖ​ര​ങ്ങ​ളി​ല്‍ നെ​ല്ല് പാ​ക​മാ​കു​ന്ന​തി​ന് മു​മ്പാ​യി പ​ര​പ്പി​ല്‍ പാ​ട​ശേ​ഖ​ര​ത്തി​ല്‍ നെ​ല്ല് വി​ള​ഞ്ഞ​തോ​ടെ കി​ളി​ക​ളു​ടെ ശ​ല്യം ഏ​റെ​യാ​യി. കൂ​ട്ട​ത്തോ​ടെ​ത്തി​യ കി​ളി​ക​ള്‍ വി​ള​വ് ന​ശി​പ്പി​ച്ചു. ഇ​തി​നു പി​ന്നാ​ലെ​യാ​ണ് പ്ര​തീ​ക്ഷ​യോ​ടെ ര​ണ്ടാം കൃ​ഷി ഇ​റ​ക്കി​യ​ത്. ഇ​ള​വിത്തായ​തിനാ​ല്‍ കൃ​ഷി​ച്ചെല​വും കു​റ​വാ​യി​രു​ന്നു.

മ​റ്റ് നെ​ല്‍​കൃ​ഷി​യെ അ​പേ​ക്ഷി​ച്ച് ഇ​തി​ന് വ​ള​വും മ​രു​ന്നു​ത​ളി​യും കു​റ​വാ​ണ്. കൂ​ടാ​തെ വ​രി​യും മ​റ്റ് ക​ള​ക​ളും കു​റ​വാ​ണ്. ന​ല്ല വി​ള​വാ​ണ് പ്ര​തീ​ക്ഷി​ച്ചി​രു​ന്ന​തെ​ങ്കി​ലും മ​ഴ​യും നെ​ല്ലെ​ടു​ക്കാ​നു​ള്ള സി​വി​ല്‍ സ​പ്ലൈ​സി​ന്‍റെ അ​നാ​സ്ഥ​യും ക​ര്‍​ഷ​ക​രെ ക​ട​ക്കെ​ണി​യി​ലാ​ക്കി.

Copyright @ 2022 , Rashtra Deepika Ltd.