നാ​ദാ​പു​രം: വി​ല​ങ്ങാ​ട് കെ​ട്ടി​ൽ ഉ​ന്ന​തി​യി​ൽ നി​ന്നു​ള്ള മ​ലി​ന​ജ​ലം റോ​ഡി​ലൊ​ഴു​കു​ന്നു. ഉ​ന്ന​തി​യി​ലെ വീ​ടു​ക​ളി​ൽ നി​ന്നു​ള്ള മ​ലി​ന ജ​ല​മാ​ണ് കോ​ള​നി​ക്ക് മു​ന്നി​ലെ റോ​ഡി​ൽ ഒ​ഴു​കു​ന്ന​ത്. ഈ ​ജ​ലം കു​ടി​വെ​ള്ള സ്രോ​ത​സു​ക​ളി​ലേ​ക്ക് ക​ല​രാ​നു​ള്ള സാ​ധ്യ​ത​യു​ള്ള​തി​നാ​ൽ മേ​ഖ​ല പ​ക​ർ​ച്ച വ്യാ​ധി ഭീ​ഷ​ണി​യി​ലാ​ണ്.

വി​ല​ങ്ങാ​ട് സ്കൂ​ളു​ക​ളി​ലേ​ക്കു​ള്ള വി​ദ്യാ​ർ​ഥി​ക​ളും മ​റ്റ് കാ​ൽ​ന​ട യാ​ത്ര​ക്കാ​രും റോ​ഡി​ലെ മ​ലി​ന​ജ​ല​ത്തി​ലൂ​ടെ​യാ​ണ് സ​ഞ്ച​രി​ക്കു​ന്ന​ത്. വാ​ഹ​ന​ങ്ങ​ൾ പോ​കു​മ്പോ​ൾ മ​ലി​ന​ജ​ലം ശ​രീ​ര​ത്തി​ൽ പ​തി​ക്കു​ന്ന​തും പ്ര​യാ​സ​മു​ണ്ടാ​ക്കു​ന്നു​ണ്ട്. കോ​ള​നി​യി​ൽ നി​ന്നു​ള്ള മ​ലി​ന​ജ​ലം സം​ഭ​രി​ക്കാ​നാ​യി മ​ണ്ണി​ന​ടി​യി​ൽ ടാ​ങ്ക് സ്ഥാ​പി​ക്ക​ണ​മെ​ന്ന് നി​ര​വ​ധി ത​വ​ണ അ​ധി​കൃ​ത​ർ​ക്ക് പ​രാ​തി ന​ൽ​കി​യെ​ങ്കി​ലും ചെ​വി​ക്കൊ​ള്ളു​ന്നി​ല്ലെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. വാ​ർ​ഡ് മെ​മ്പ​ർ, പ​ഞ്ചാ​യ​ത്ത് ആ​രോ​ഗ്യ വി​ഭാ​ഗം എ​ന്നി​വ​രോ​ടെ​ല്ലാം നാ​ട്ടു​കാ​ർ പ​രാ​തി​പ്പെ​ട്ടി​രു​ന്നു. അ​സ​ഹ്യ​മാ​യ ദു​ർ​ഗ​ന്ധം അ​നു​ഭ​വ​പ്പെ​ടു​ന്ന​താ​യും നാ​ട്ടു​കാ​ർ പ​റ​യു​ന്നു.

മ​ഞ്ഞ​പ്പി​ത്തം പോ​ലെ​യു​ള്ള ജ​ല​ജ​ന്യ രോ​ഗ​ങ്ങ​ൾ നാ​ട്ടി​ൽ ശ​മ​ന​മി​ല്ലാ​തെ തു​ട​രു​ന്ന​തി​നി​ട​യി​ലാ​ണ് മ​ലി​ന​ജ​ലം ഒ​ഴു​കി​യെ​ത്തു​ന്ന കാ​ര്യ​ത്തി​ൽ അ​ധി​കൃ​ത​രു​ടെ നി​സം​ഗ​ത. വാ​ണി​മേ​ൽ പ​ഞ്ചാ​യ​ത്തി​ലെ വി​വി​ധ പ്ര​ദേ​ശ​ങ്ങ​ളി​ൽ മ​ഞ്ഞ​പ്പി​ത്തം സ്ഥി​തീ​ക​രി​ച്ചി​ട്ടു​ണ്ട്.