വീരണകാവ് വി​ല്ലേ​ജ് ഓ​ഫീ​സ് ത​റ​ക്ക​ല്ലി​ട​ൽ വി​വാ​ദ​ത്തി​ലേ​ക്ക്
Thursday, October 3, 2024 4:38 AM IST
കാ​ട്ടാ​ക്ക​ട: കാ​ട്ടാ​ക്ക​ട​യി​ൽ പ്ര​വ​ർ​ത്തി​ക്കു​ന്ന വീ​ര​ണ​കാ​വ് വി​ല്ലേ​ജ് ഓ​ഫീ​സ് ത​റ​ക്ക​ല്ലി​ട​ൽ വി​വാ​ദ​ത്തി​ലേ​ക്ക്്. അ​ര​നൂ​റ്റാ​ണ്ടി​ലേ​റെ​യാ​യി വീ​ര​ണ​കാ​വ് വി​ല്ലേ​ജാ​ഫീ​സ് മാ​റ്റു​ന്ന​തി​ൽ വ്യാ​പ​ക​മാ​യ പ്ര​തി​ഷേ​ധമു​ണ്ട്. കാ​ട്ടാ​ക്ക​ട പൊ​തു ച​ന്ത​വ​ള​പ്പി​ലാ​ണ് വീ​ര​ണ​കാ​വ് വി​ല്ലേ​ജ് ഓ​ഫീ​സ് പ്ര​വ​ർ​ത്തി​ക്കു​ന്ന​ത്. ജീ​ർ​ണാ​വ​സ്ഥ​യി​ലാ​യി​രു​ന്ന വി​ല്ലേ​ജാ​ഫീ​സ് മ​ന്ദി​രം ക​ഴി​ഞ്ഞ യു​ഡി​എ​ഫ് സ​ർ​ക്കാ​രി​ന്‍റെ കാ​ല​ത്താ​ണ് പൊ​ളി​ച്ച് പു​തി​യ കെ​ട്ടി​ടം നി​ർ​മിച്ച​ത്.​

പ​രു​ത്തി​പ്പ​ള്ളി തേ​മ്പാ​മൂ​ട് മു​ത​ൽ കാ​ട്ടാ​ക്ക​ട കോ​ള​ജ് ജം​ഗ്ഷ​ൻ വ​രെ നീ​ണ്ടു കി​ട​ക്കു​ന്ന​താ​ണു വീ​ര​ണ​കാ​വ് വി​ല്ലേ​ജ്. ജ​ന​ങ്ങ​ളു​ടെ സൗ​ക​ര്യ​വും ഭ​ര​ണ​സൗ​ക​ര്യ​വും നി​ല​വി​ൽ വീ​ര​ണ​കാ​വ് വി​ല്ലേ​ജ് ഓഫീ​സ് പ്ര​വ​ർ​ത്തി​ക്കു​ന്നി​ട​ത്താ​ണ്. വി​ല്ലേ​ജാ​ഫീ​സി​നോ​ടു ചേ​ർ​ന്നാ​ണ് കാ​ട്ടാ​ക്ക​ട മി​നി സി​വി​ൽ സ്റ്റേ​ഷ​ൻ.

സി​വി​ൽ സ്റ്റേ​ഷ​നി​ലാ​ണ് താ​ലൂ​ക്കാ​ഫീ​സ്, സ​ബ് ര​ജി​സ്ട്രാർ ഓ​ഫീ​സ്, സി​വി​ൽ സ്‌​പൈ​ളെ ഓ​ഫീ​സ്, എം​പ്ലോ​യ്മെന്‍റ് എ​ക്‌​സേ​ഞ്ച് തു​ട​ങ്ങി​യവ പ്ര​വ​ർ​ത്തി​ക്കു​ന്ന​ത്.​ നി​ല​വി​ലു​ള്ള വീ​ര​ണ​കാ​വ് വി​ല്ലേ​ജ് ഓഫീ​സ് പ്ര​വ​ർ​ത്തി​ക്കു​ന്ന ഭൂ​മി പെ​രും​കു​ളം​ വി​ല്ലേ​ജി​ലാ​ണെ​ന്നാ​ണു പു​തി​യ കെ​ട്ടി​ടം നി​ർ​മിക്കാ​ൻ നേ​തൃ​ത്വം ന​ൽ​കു​ന്ന​വ​രു​ടെ വി​ശ​ദീ​ക​ര​ണം.

എ​ന്നാ​ൽ വീ​ര​ണ​കാ​വ് വി​ല്ലേ​ജ് ഓഫീ​സ് നി​ല​വി​ൽ പ്ര​വ​ർ​ത്തി​ക്കു​ന്നി​ട​ത്തുനി​ന്നു മാ​റ്റ​നു​ള്ള നീ​ക്കം ഉ​പേ​ക്ഷി​ക്ക​ണ​മെ​ന്നാ​വ​ശ്യ​പ്പെ​ട്ട് പ​ന്നി​യോട്, തേ​വ​ൻ​കോ​ട്, തേ​മ്പാ​മൂ​ട്, പ​രു​ത്തി​പ്പ​ള്ളി, പേ​ഴും​മൂ​ട്, പൂ​വ​ച്ച​ൽ, പു​ന്നാം​ക​രി​ക്ക​കം, കാ​ട്ടാ​ക്ക​ട, എ​സ്എ​ൻ ന​ഗ​ർ പ്ര​ദേ​ശ​ത്തു​ള്ള നാ​ട്ടു​കാ​രും റ​സി​ഡ​ൻ​സ് അ​സോ​സി​യേ​ഷ​നു​ക​ളും ചേ​ർന്നു സ​മ​രം ന​ട​ത്തു​ന്ന​തി​നു​വേ​ണ്ടി​യു​ള്ള ശ്ര​മ​ങ്ങ​ൾ ആരംഭിച്ചിട്ടുണ്ട്.


വ​സ്തു​വി​ലും വി​വാ​ദം

മ​ഠ​ത്തി​കോ​ണ​ത്താ​ണ് പു​തി​യ കെ​ട്ടി​ടത്തിന് ഇ​ന്ന് ത​റ​ക്ക​ല്ലി​ട​ൽ ന​ട​ക്കു​ന്ന​ത്. ഈ വസ്തുവിലും തർക്കം നിലവിലുണ്ട്. പു​ര​യി​ടം ത​ങ്ങ​ളു​ടെ അ​ധീ​ന​ത​യി​ൽ 100 വ​ർ​ഷ​മാ​യി ക​രം തീ​രു​വ ഉള്ളതാണെന്നും റ​ബ്ബ​ർ കൃ​ഷി ന​ട​ത്തി വ​രു​ന്ന​താണെ ന്നും പൂ​ർ​വി​ക​രി​ൽ നി​ന്നും കൈ​മാ​റ്റം ചെ​യ്തു ലഭിച്ച താണെന്നും ഇപ്പോ ഴത്തെ ഉടമ ബി​ന്ദു മോ​ഹ​ൻ​ദാ​സ് പറയുന്നു.

അഞ്ചു സെ​ന്‍റോ ളം വരുന്ന വ​സ്തു ചി​ല​രു​ടെ ഒ​ത്താ​ശ​യോ​ടെ സർക്കാ ർ ഭൂ​മിയാ​ക്കിയാണ് വി​ല്ലേ​ജ് ഓ​ഫീ​സ് നി​ർ​മാ ണം ന​ട​ത്താ​ൻ പോ​കു​ന്ന​ത് എ​ന്ന് ഉ​ട​മ ബി​ന്ദു മോ​ഹ​ൻ​ദാ​സും ഭ​ർ​ത്താ​വ് മോ​ഹ​ൻ​ദാ​സും പ​റ​യു​ന്നു.​

ത​ങ്ങ​ളു​ടെ അ​റി​വി​ല്ലാ​തെ ഈ പു​ര​യി​ട​ത്തി​ൽ പ്ര​വ​ർ​ത്തി​ക​ൾ പാ​ടി​ല്ലെന്നു ഹൈക്കോ​ട​തി​യി​ൽനി​ന്നും ഇ​ട​ക്കാ​ല ഉ​ത്ത​ര​വും ഉ​ട​മ വാ​ങ്ങി​യി​ട്ടു​ണ്ട്. എ​ന്നാ​ൽ ഇ​ത് അ​വ​ഗ​ണി​ച്ചും മ​റ​ച്ചുവ​ച്ചുമാണു സി​പി​ഐ​യു​ടെ മ​ണ്ഡ​ലം പ്ര​സി​ഡ​ന്‍റ് മു​ൻ​വൈ​രാ​ഗ്യം തീ​ർ​ക്കു​ന്ന​തെ​ന്നും മോ​ഹ​ൻ​ദാ​സും ഭാ​ര്യ​യും പ​റ​യു​ന്നു.​ അ​ര​കോ​ടിയോളം രൂ​പ ചെലവിലാണ് വില്ലേജ് കെട്ടിടം നിർമിക്കുന്നത്.