ദേ​ശീ​യപാ​ത​യി​ൽ പ​ട്ടാ​പ്പ​ക​ൽ കാ​ട്ടാ​ന​യി​റ​ങ്ങി
Sunday, November 17, 2024 3:44 AM IST
കോ​ത​മം​ഗ​ലം: നേ​ര്യ​മം​ഗ​ല​ത്ത് ദേ​ശീ​യ​പാ​ത​യി​ൽ പ​ട്ടാ​പ്പ​ക​ൽ കാ​ട്ടാ​ന​യി​റ​ങ്ങി​യ​ത് ഗ​താ​ഗ​തം ത​ട​സ​പ്പെ​ടു​ത്തു​ക​യും പ​രി​ഭ്രാ​ന്തി പ​ര​ത്തു​ക​യും ചെ​യ്തു. കൊ​ച്ചി-​ധ​നു​ഷ്കോ​ടി ദേ​ശീ​യ​പാ​ത​യി​ൽ നേ​ര്യ​മം​ഗ​ലം വി​ല്ലാ​ഞ്ചി​റ ഇ​റ​ക്ക​ത്തി​ൽ ഇ​ടു​ക്കി റോ​ഡ് ജം​ഗ്ഷ​നി​ലാ​ണ് കാ​ട്ടാ​ന​യി​റ​ങ്ങി​യ​ത്. ഇ​ന്ന​ലെ ഉ​ച്ച​യ്ക്ക് റോ​ഡി​ന് മു​ക​ളി​ലെ വ​ന​ത്തി​ൽ നി​ന്നെ​ത്തി​യ കൊ​മ്പ​ൻ റോ​ഡ​രി​കി​ൽ ത​ങ്ങി​യ​തോ​ടെ ദേ​ശീ​യ​പാ​ത​യി​ലും ഇ​ടു​ക്കി റോ​ഡി​ലും ഗ​താ​ഗ​തം ത​ട​സ​പ്പെ​ട്ട​ത് പ്ര​ദേ​ശ​വാ​സി​ക​ളി​ലും യാ​ത്ര​ക്കാ​ർ​ക്കി​ട​യി​ലും പ​രി​ഭ്രാ​ന്തി ഉ​യ​ർ​ത്തി.

വി​ക​സ​ന​ത്തി​ന്‍റെ ഭാ​ഗ​മാ​യി കോ​ൺ​ക്രീ​റ്റ് മ​തി​ൽ തീ​ർ​ത്ത​തി​നാ​ൽ ദേ​ശീ​യ​പാ​ത​യു​ടെ മ​റു​വ​ശ​ത്തേ​ക്കു പോ​കാ​ൻ ആ​ന​യ്ക്ക് ക​ഴി​ഞ്ഞി​ല്ല. തി​രി​കെ മു​ക​ളി​ലേ​ക്ക് ക​യ​റി​യ ആ​ന കാ​ട്ടി​ൽ ത​ങ്ങു​ക​യാ​ണ്. വി​ല്ലാ​ഞ്ചി​റ​യി​ലും നേ​ര്യ​മം​ഗ​ലം പാ​ല​ത്തി​നു സ​മീ​പം ഫോ​റ​സ്‌​റ്റ് റേ​ഞ്ച് ഓ​ഫി​സി​നു മു​ന്നി​ലും പ​ക​ലും രാ​ത്രി​യും കാ​ട്ടാ​ന​ക​ൾ ത​മ്പ​ടി​ച്ചി​ട്ടു​ണ്ട്. ക​ഴി​ഞ്ഞ ദി​വ​സ​ങ്ങ​ളി​ൽ പ​ക​ൽ ഫോ​റ​സ്റ്റ് റേ​ഞ്ച് ഓ​ഫി​സി​നു മു​ന്നി​ൽ മൂ​ന്ന് ആ​ന​ക​ൾ പ​ന​ക​ൾ മ‌​റി​ച്ചി​ട്ട് മ​ണി​ക്കൂ​റു​ക​ൾ തീ​റ്റ​യാ​ക്കി​യ​ത് പ്ര​ദേ​ശ​വാ​സി​ക​ളെ ഭീ​തി​യി​ലാ​ഴ്ത്തി​യി​രു​ന്നു.

ദേ​ശീ​യ​പാ​ത​യി​ലും ഇ​ടു​ക്കി, കാ​ഞ്ഞി​ര​വേ​ലി റോ​ഡു​ക​ളി​ലും യാ​ത്ര​ക്കാ​ർ​ക്ക് പ​ക​ൽ പോ​ലും ഭ​യാ​ശ​ങ്ക​യി​ല്ലാ​തെ ക​ട​ന്നു​പോ​കാ​ൻ ക​ഴി​യാ​ത്ത സ്ഥി​യാ​ണു​ള്ള​ത്.
Copyright @ 2018 , Rashtra Deepika Ltd.