തൃക്കൊടിത്താനം: സെന്‍റ് സേവ്യേഴ്‌സ് ഫൊറോന ദേവാലയത്തില്‍ വിശുദ്ധ ഫ്രാന്‍സിസ് സേവ്യറിന്‍റെ തിരുനാള്‍ നാളെ മുതല്‍ ഡിസംബര്‍ ഒന്നു വരെ ആഘോഷിക്കുമെന്ന് ഫൊറോന വികാരിയും അതിരൂപത വികാരി ജനറാളുമായ മോണ്‍. ആന്‍റണി എത്തക്കാട് അറിയിച്ചു.
നാളെ രാവിലെ ആറിനും ഏഴിനും വിശുദ്ധ കുര്‍ബാന, വൈകുന്നേരം നാലിന് വികാരി മോണ്‍. ആന്‍റണി എത്തക്കാട്ട് കൊടിയേറ്റ് നിര്‍വഹിക്കും. 4.30ന് ആഘോഷമായ വിശുദ്ധ കുര്‍ബാന, നൊവേന, ഫാ. ക്രിസ്റ്റി കൂട്ടുമേല്‍. തുടര്‍ന്ന് പൂര്‍വിക സ്മൃതി, സെമിത്തേരി സന്ദര്‍ശനം, നേര്‍ച്ച വിതരണം.
15 മുതല്‍ 23 വരെ തീയതികളില്‍ രാവിലെ രാവിലെ ആറിനും ഏഴിനും വൈകുന്നേരം 4.30നും വിശുദ്ധ കുര്‍ബാന, 15ന് രാവിലെ ഒമ്പതുമുതല്‍ പതിമ്മൂന്നുമണി ആരാധന. വിവിധ ദിവസങ്ങളില്‍ ഫാ. ജയിംസ് കുന്നത്ത്, ഫാ. ജോയല്‍ പുന്നശേരി, ഫാ. സെബാസ്റ്റ്യന്‍ പുന്നശേരി, ഫാ. നൈജില്‍ തൊണ്ടിക്കാകുഴിയില്‍, ഫാ. സനൂപ് മുത്തുമാക്കുഴിയില്‍, ഫാ. ആന്‍റണി അറയ്ക്കത്തറ, ഫാ. തോമസ് പാറത്തറ, ഫാ. ജേക്കബ് കോയിപ്പള്ളി, ഫാ. സജി ചിറമുഖം, ഫാ. ജെറിന്‍ കാവനാട്ട് എന്നിവര്‍ ശുശ്രൂഷകള്‍ക്ക് കാര്‍മികത്വം വഹിക്കും.
16ന് വൈകുന്നേരം ആറിന് ആര്‍ച്ച്ബിഷപ് മാര്‍ തോമസ് തറയിലിനു സ്വീകരണം. വിവിധ സമുദായ നേതാക്കള്‍ പങ്കെടുക്കും. 17ന് രാവിലെ 5.30നും 7.30നും 9.30നും വിശുദ്ധ കുര്‍ബാന. ഉച്ചകഴിഞ്ഞ് 2.30ന് ന്യൂനപക്ഷ അവകാശ അവബോധന സമ്മേളനം. ഉദ്ഘാടനം ജസ്റ്റിന്‍ പള്ളിവാതുക്കല്‍. വൈകുന്നേരം ആറിന് ജനപ്രതിനിധി സംഗമം.
19 രാവിലെ 9.30ന് സീനിയര്‍ സിറ്റിസണ്‍ സംഗമം. വിശുദ്ധ കുര്‍ബാന, കലാവിരുന്ന്, വൈകുന്നേരം ആറിന് കലാസന്ധ്യ ഫാമിലിയ. 21ന് വൈകുന്നേരം ആറിന് ലയതരംഗം, 22ന് വൈകുന്നേരം ആറിന് ഐഡിയ സ്റ്റാര്‍ സിംഗര്‍ ഫെയിം ജിന്‍സ് ഗോപിനാഥ് നയിക്കുന്ന മെഗാ ഷോ. 23ന് ഉച്ചകഴിഞ്ഞ് രണ്ടിന് ഇടവകയിലെ സമര്‍പ്പിതരുടെ സംഗമം, 5.30ന് കൈലാത്തുപടിയിലേക്ക് പ്രദക്ഷിണം.
പ്രധാന തിരുനാള്‍ ദിനമായ 24ന് രാവിലെ 5.30നും 7.30നും വിശുദ്ധ കുര്‍ബാന, ഫാ. സെബാസ്റ്റ്യന്‍ ചാമക്കാല, ഫാ. സജി പ്ലാപ്പള്ളി എന്നിവര്‍ കാര്‍മികരാകും. 9.30ന് ആഘോഷമായ തിരുനാള്‍ റാസ: ഫാ. ജോസഫ് വേളങ്ങാട്ടുശേരി, വചനസന്ദേശം ഫാ. ജിജോ ഇലവുംമൂട്ടില്‍. വൈകുന്നേരം നാലിന് ആഘോഷമായ വിശുദ്ധ കുര്‍ബാന, വചന സന്ദേശം: ഫാ. റോജിന്‍ തുണ്ടിപ്പറമ്പില്‍. 5.30ന് കിളിമല കുരിശടിയിലേക്ക് പ്രദക്ഷിണം,
വചന സന്ദേശം: ഫാ. ജേക്കബ് കളത്തിവീട്ടില്‍. തുടര്‍ന്ന് ആകാശവിസ്മയം. എട്ടാമിടമായ ഡിസംബര്‍ ഒന്നിന് രാവിലെ ആറിനും 9.30നുംവിശുദ്ധകുര്‍ബാന. തുടര്‍ന്ന് ദേവാലയം ചുറ്റിയുള്ള തിരുനാള്‍ പ്രദക്ഷിണം, കൊടിയിറക്ക്.