കാഞ്ഞിരപ്പള്ളി: പൊടിമറ്റം സെന്‍റ് ജോസഫ്‌സ് കെസിവൈഎം യൂണിറ്റിന്‍റെ നേതൃത്വത്തില്‍ മുന്‍കാല കെസിവൈഎം പ്രവര്‍ത്തകരുടെ സംഗമം തിരികെ-24 നടത്തി. യൂണിറ്റ് ഡയറക്ടര്‍ ഫാ. സജി പൂവത്തുകാട് ഉദ്ഘാടനം ചെയ്തു.
കഴിഞ്ഞ 25 വര്‍ഷക്കാലയളവിൽ യൂണിറ്റിന്‍റെ ഭാഗമായിരുന്ന 150 തോളം പേർ പരിപാടിയിൽ പങ്കെടുത്തു. കെസിബിസി യുവജനവർഷത്തോടനുബന്ധിച്ചാണ് പരിപാടി നടത്തിയത്. കെസിവൈഎമ്മിൽ പ്രവർത്തിച്ച വിവിധ മേഖലകളിൽ പ്രവർത്തിക്കുന്ന മുൻകാല പ്രവർത്തകർ പുതുതലമുറയുമായി അനുഭവങ്ങൾ പങ്കുവച്ചു. മുൻ യൂണിറ്റ് ഡയറക്ടർ ഫാ. തോമസ് പഴവക്കാട്ടിൽ, ഇടവകയിൽ നിന്നുള്ള വൈദികരായ ഫാ. മാത്യു ഒഴത്തിൽ, ഫാ. ജിസ് ആനിക്കൽ, ഫാ. ലിനോസ് ബിവേര ചുള്ളിക്കാപറമ്പിൽ, ഫാ. ജോമിൻ കുര്യൻ നെല്ലിമല, ബ്രദർ അമൽ ജോർജ്, ബ്രദർ ഡോൺസൺ കളപ്പുരയ്ക്കൽ, ഇടവക സെക്രട്ടറി ബെന്നി പാമ്പാടിയിൽ, സാമ്പത്തികസമിതി സെക്രട്ടറി ജോർജ് അരീക്കാട്ടിൽ, ഡിസിഎംഎസ് മേഖല സെക്രട്ടറി സണ്ണി പാമ്പാടിയിൽ, യൂണിറ്റ് പ്രസിഡന്‍റ് ബാബു ബംഗ്ലാവുപറമ്പിൽ, മുൻ രൂപത പ്രസിഡന്‍റുമാരായ സജി കല്ലമ്പള്ളിയിൽ, ബിനു പാറയിൽ, മുൻ രൂപത, മേഖല ഭാരവാഹികൾ തുടങ്ങിയവർ പ്രസംഗിച്ചു. വിവിധ കലാപരിപാടികളും മ്യൂസിക് നൈറ്റും പരിപാടിയോടനുബന്ധിച്ചു നടത്തി.
കെസിവൈഎം ഭാരവാഹികളായ ബിബിൻ തോമസ്, അമല അന്ന ജോസ്, അമൽ സി. ചാക്കോ, ആൽബി ജോസ്, അരുൺ ടോമി, കെസിവൈഎം ആനിമേറ്റർ സിജോ പൊടിമറ്റം തുടങ്ങിയവർ നേതൃത്വം നൽകി.