തു​റ​വൂ​ർ താ​ലൂ​ക്ക് ആ​ശു​പ​ത്രി രോ​ഗാ​വ​സ്ഥ​യി​ൽ ; ചി​കി​ത്സ ല​ഭി​ക്കാ​തെ രോ​ഗി​ക​ൾ
Tuesday, July 2, 2024 11:33 PM IST
തുറ​വൂ​ർ: തു​റ​വൂ​ർ താ​ലൂ​ക്ക് ആ​ശു​പ​ത്രി​യി​ൽ എ​ത്തു​ന്ന രോ​ഗി​ക​ളു​ടെ ദു​രി​തം തു​ട​രു​ന്നു. പ​നി, ചു​മ, മ​റ്റു അ​സു​ഖ​ങ്ങ​ളു​മാ​യി​ട്ടാ​ണ് ദി​വ​സ​വും നൂ​റു​ക​ണ​ക്കി​നു രോ​ഗി​ക​ൾ ആ​ശു​പ​ത്രി​യി​ലെ​ത്തു​ന്ന​ത്. എ​ന്നാ​ൽ, അം​ബ​ര ചും​ബി​ക​ളാ​യ കെ​ട്ടി​ട​ങ്ങ​ൾ നി​ർ​മി​ക്കു​ന്ന​ത​ല്ലാ​തെ സൗ​ക​ര്യ​ങ്ങ​ളൊ​ന്നും ആ​ശു​പ​ത്രി​ക്ക് ഇ​ല്ലാ​ത്ത​ത് രോ​ഗി​ക​ളെ വ​ല​യ്ക്കു​ന്നു.

ഇ​പ്പോ​ഴും റ​ഫ​റ​ൻ​സ് ആ​ശു​പ​ത്രി​യാ​യാ​ണ് തു​റ​വൂ​ർ താ​ലൂ​ക്ക് ആ​ശു​പ​ത്രി പ്ര​വ​ർ​ത്തി​ക്കു​ന്ന​ത്. ചീ​ട്ടെ​ടു​ക്കു​ന്ന​തു മു​ത​ൽ രോ​ഗി​ക​ളു​ടെ ദു​രി​തം ആ​രം​ഭി​ക്കു​ന്നു. മ​ണി​ക്കൂ​റു​ക​ളോ​ളം വെ​യി​ല​ത്ത് ക്യൂനി​ന്നെ​ങ്കി​ൽ മാ​ത്ര​മേ അ​ഡ്മി​ഷ​ൻ​ചീ​ട്ട് ല​ഭി​ക്കു​ക​യു​ള്ളൂ. ഉ​ള്ളി​ൽ ക​യ​റി​യാ​ൽ മ​ണി​ക്കൂ​റോ​ളം അ​ടു​ത്ത ക്യൂ ​നി​ന്നെ​ങ്കി​ൽ മാ​ത്ര​മേ ഡോ​ക്ട​ർ​മാ​രെ കാ​ണാ​ൻ സാ​ധി​ക്കു​ക​യു​ള്ളൂ.

തി​ര​ക്കു​മൂ​ലം രോ​ഗ​ങ്ങ​ൾ പ​റ​ഞ്ഞു മ​രു​ന്നുവാ​ങ്ങാ​ൻ സാ​ധി​ക്കാ​ത്ത അ​വ​സ്ഥ​യാ​ണ് രോ​ഗി​ക​ൾ​ക്ക്. എ​ല്ലാ ഡോ​ക്ട​ർ​മാ​രു​ടെ മു​റി​ക​ളു​ടെ മു​ന്നി​ലും ടോ​ക്ക​ൺ ന​മ്പ​ർ പ്ര​ദ​ർ​ശി​പ്പി​ക്കു​ന്ന ഇ​ല​ക്ട്രോ​ണി​ക് സം​വി​ധാ​ന​ങ്ങ​ൾ ഏ​ർ​പ്പെ​ടു​ത്ത​ണ​മെ​ന്ന ആ​വ​ശ്യ​ത്തി​ന് അ​ധി​കൃ​ത​ർ ഇ​തു​വ​രെ​യും ഒ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല.

കു​ത്ത​ഴി​ഞ്ഞ രീ​തി

ഡ്ര​സിം​ഗ് റൂ​മി​ലും ഇ​ൻ​ജക്ഷ​ൻ റൂ​മി​ലും ഇ​തു​ത​ന്നെ​യാ​ണ് അ​വ​സ്ഥ. ആ​ശു​പ​ത്രി​യി​ൽ രോ​ഗി​ക​ൾ മ​ണി​ക്കൂ​റു​ക​ളോ​ളം നി​ൽ​ക്കേ​ണ്ടി വ​രു​ന്ന​തു മൂ​ലം ഒ​രു രോ​ഗ​വു​മാ​യി വ​രു​ന്ന രോ​ഗി​ക​ൾ പ​ല രോ​ഗ​വു​മാ​യി​ട്ടാ​ണ് ആ​ശു​പ​ത്രി​യി​ൽ നി​ന്ന് പോ​കേ​ണ്ടി​വ​രി​ക.

ആ​വ​ശ്യ​ത്തി​ന് ഡോ​ക്ട​ർ​മാ​ർ ഉ​ണ്ടെ​ങ്കി​ലും പ​ല​പ്പോ​ഴും ഡോ​ക്ട​ർ​മാ​ർ അ​വ​ധി​യി​ൽ പോ​കു​ന്ന​തും ജീ​വ​ന​ക്കാ​രു​ടെ കു​റ​വും ആ​ശു​പ​ത്രി​യു​ടെ പ്ര​വ​ർ​ത്ത​ന​ത്തി​ന്‍റെ താ​ളം തെ​റ്റി​ക്കു​ന്ന​താ​യി രോ​ഗി​ക​ൾ പ​റ​യു​ന്നു. നി​ല​വി​ൽ താ​ത്കാലി​ക ജീ​വ​ന​ക്കാ​രും ആ​ംബു​ല​ൽസ് ​ഡ്രൈ​വ​ർ​മാ​രും ആ​ണ് ആ​ശു​പ​ത്രി​യു​ടെ പ്ര​വ​ർ​ത്ത​നം നി​യ​ന്ത്രി​ക്കു​ന്ന​തെ​ന്ന ആ​ക്ഷേ​പ​വു​മു​ണ്ട്.

ഇ​വി​ടെ​യെ​ത്തു​ന്ന രോ​ഗി​ക​ളോ​ട് ജീ​വ​ന​ക്കാ​ർ തു​ട​ർ​ച്ച​യാ​യി ക​യ​ർ​ത്തു സം​സാ​രി​ക്കു​ന്ന​ത് പ​ല​പ്പോ​ഴും വാ​ക്കേ​റ്റ​ത്തി​നു കാ​ര​ണ​മാ​കു​ന്നു​ണ്ട്. തു​റ​വൂ​ർ താ​ലൂ​ക്ക് ആ​ശു​പ​ത്രി​യു​ടെ പ്ര​വ​ർ​ത്ത​നം കു​ത്ത​ഴി​ഞ്ഞരീ​തി​യി​ൽ ആ​ണെ​ന്നാ​ണ് ആ​ക്ഷേ​പം ഉ​യ​ർ​ന്നി​രി​ക്കു​ന്ന​ത്. പ​ട്ട​ണ​ക്കാ​ട് ബ്ലോ​ക്ക് പ​ഞ്ചാ​യ​ത്തി​ന്‍റെ നി​യ​ന്ത്ര​ണ​ത്തി​ലാ​ണ് ഈ ​ആ​ശു​പ​ത്രി പ്ര​വ​ർ​ത്തി​ക്കു​ന്ന​തെ​ങ്കി​ലും ഇ​പ്പോ​ഴും ചി​ല ത​ത്പരക​ക്ഷി​ക​ളാ​ണ് ഈ ​ആ​ശു​പ​ത്രി​യു​ടെ നി​യ​ന്ത്ര​ണ​വും പ്ര​വ​ർ​ത്ത​ന​ങ്ങ​ളും ന​ട​ത്തു​ന്ന​തെ​ന്നാ​ണ് ആ​ക്ഷേ​പം ഉ​യ​ർ​ന്നി​രി​ക്കു​ന്ന​ത്.

ത​ന്നി​ഷ്ട​പ്ര​കാ​രം
ഭ​ര​ണം

ആ​ശു​പ​ത്രി വി​ക​സ​നസ​മി​തി​യും വെ​റും നോ​ക്കു​കു​ത്തി​യാ​യി മാ​റു​ക​യാ​ണ്. വ​ർ​ഷ​ങ്ങ​ളാ​യി അം​ഗ​ങ്ങ​ളാ​യി​ട്ടു​ള്ള​വ​ർ മാ​ത്ര​മാ​ണ് ഇ​പ്പോ​ഴും ആ​ശു​പ​ത്രി വി​ക​സ​നസ​മി​തി അം​ഗ​ങ്ങ​ളാ​യി തു​ട​രു​ന്ന​ത്. നി​ല​വി​ൽ എം​എ​ൽ​എ​മാ​രു​ള്ള എ​ല്ലാ രാഷ്ട്രീ​യപാ​ർ​ട്ടി​യി​ലെ പ്ര​തി​നി​ധി​ക​ളെ​യും ആ​ശു​പ​ത്രി വി​ക​സ​നസ​മി​തി​യി​ൽ ഉ​ൾ​പ്പെ​ടു​ത്ത​ണ​മെ​ന്ന നി​ർ​ദേ​ശം ഉ​ള്ള​പ്പോ​ഴും പ​ട്ട​ണ​ക്കാ​ട് ബ്ലോ​ക്ക് പ​ഞ്ചാ​യ​ത്ത് ഭ​രി​ക്കു​ന്ന​വ​ർ ത​ന്നി​ഷ്ട​പ്ര​കാ​രം അ​വ​ർ​ക്ക് ഇ​ഷ്ട​പ്പെ​ട്ട​വ​രെ മാ​ത്രം ഉ​ൾ​ക്കൊ​ള്ളി​ച്ചാ​ണ് താ​ലൂ​ക്ക് ആ​ശു​പ​ത്രി വി​ക​സ​ന സ​മി​തി​യു​ടെ പ്ര​വ​ർ​ത്ത​നം മു​ന്നോ​ട്ട് കൊ​ണ്ടു​പോ​കു​ന്ന​ത്.

ആ​ശു​പ​ത്രി​ക്ക് സ്വ​ന്ത​മാ​യി ആം​ബു​ല​ൻ​സ് ഉ​ണ്ടെ​ങ്കി​ലും ഇ​പ്പോ​ഴും രോ​ഗി​ക​ളെ മ​റ്റ് ആ​ശു​പ​ത്രി​യി​ലേ​ക്ക് കൊ​ണ്ടു​പോ​കാ​ൻ പു​റ​ത്തു​നി​ന്ന് ആം​ബു​ല​ൻ​സ് വി​ളി​ക്കേ​ണ്ട അ​വ​സ്ഥ​യാ​ണ്. നി​ര​വ​ധി രോ​ഗി​ക​ൾ രാ​വി​ലെ മു​ത​ൽ ആ​ശു​പ​ത്രി വ​രാ​ന്ത​യി​ൽ വ​ന്ന് ത​ള​ർ​ന്നു​കി​ട​ക്കു​ന്ന​ത് കാ​ണു​ന്ന​ത് നി​ത്യ​സം​ഭ​വ​മാ​യി മാ​റി​യി​രി​ക്കു​ക​യാ​ണ്. അ​ടി​യ​ന്ത​ര​മാ​യി താ​ലൂ​ക്ക് ആ​ശു​പ​ത്രി​യി​ൽ എ​ത്തു​ന്ന രോ​ഗി​ക​ൾ​ക്ക് പൂ​ർ​ണ രീ​തി​യി​ലു​ള്ള ചി​കി​ത്സാ സം​വി​ധാ​നം ഏ​ർ​പ്പെ​ടു​ത്ത​ണ​മെ​ന്ന ആ​വ​ശ്യം ശ​ക്ത​മാ​കു​ന്നു.
Copyright @ 2018 , Rashtra Deepika Ltd.