പത്തനംതിട്ട: സിനിമരംഗത്തുനിന്ന് വിടവാങ്ങിയ ജില്ലയിൽ നിന്നുള്ള കലാകാരൻമാരെ അനുസ്മരിക്കുന്ന " ഓർമപ്പൂക്കൾ " സിനിമാ പ്രേക്ഷക കൂട്ടായ്മയുടെ ആഭിമുഖ്യത്തിൽ നടന്നു.
പത്തനംതിട്ട മിനി സിവിൽ സ്റ്റേഷനു മുന്നിൽ നടന്ന ഓർമപ്പൂക്കൾ വേഗവരയുടെയും, ഓർമയുടെയും ലോകവിസ്മയം ഡോ. ജിതേഷ്ജി ഉദ്ഘാടനം ചെയ്തു. സിനിമ പ്രേക്ഷക കൂട്ടായ്മ ജില്ലാ ചെയർമാൻ സലിം പി.ചാക്കോ അധ്യക്ഷത വഹിച്ചു.
ജില്ലയുടെ പിതാവ് കെ.കെ. നായരെ ഷബീർ അഹമ്മദ് അനുസ്മരിച്ചു. ഓമല്ലൂർ ചെല്ലമ്മ, എം.ജി. സോമൻ, പ്രതാപചന്ദ്രൻ, കവിയൂർ രേണുക, അടൂർ ഭവാനി, അടൂർ പങ്കജം, ആറൻമുള പൊന്നമ്മ, തിലകൻ, ക്യാപ്റ്റൻ രാജു, ആയിരൂർ സദാശിവൻ,
കെ.ജി. ജോർജ്, ഗാന്ധിമതി ബാലൻ, കെ.കെ. ഹരിദാസ് , കോന്നിയൂർ ഭാസി, പി. അയ്യനേത്ത്, കവിയൂർ പൊന്നമ്മ, ഇ.കെ. ശിവറാം, പുല്ലംപള്ളിൽ പി.വി. ഏബ്രഹാം, പന്തളം ത്രിലോക് സുരേന്ദ്രൻ പിള്ള, എം.ജി. ഗോപിനാഥ്, നിസാംറാവുത്തർഎന്നിവരെയാണ് അനുസ്മരിച്ചത് .
ഓമല്ലൂർ ശങ്കരൻ, മാലേത്ത് സരളാദേവി, പി.ബി. ഹർഷകുമാർ, റോബിൻ പീറ്റർ തുടങ്ങിയവർ പ്രസംഗിച്ചു.