ചെറുപുഴ: കോൺഗ്രസ് ചെറുപുഴ മണ്ഡലം കമ്മിറ്റി മുൻ ഡിസിസി പ്രസിഡന്‍റ് സതീശൻ പാച്ചേനിയുടെ രണ്ടാം ചരമവാർഷിക ദിനത്തിൽ പുഷ്പാർച്ചനയും അനുസ്മരണവും നടത്തി. ബ്ലോക്ക് പ്രസിഡന്‍റ് മഹേഷ് കുന്നുമ്മൽ ഉദ്ഘാടനം ചെയ്തു. മണ്ഡലം പ്രസിഡന്‍റ് ടി.പി. ചന്ദ്രൻ അധ്യക്ഷത വഹിച്ചു.
ഡിസിസി നിർവാഹക സമിതിയംഗം ആലയിൽ ബാലകൃഷ്ണൻ, ജോൺ ജോസഫ് തയ്യിൽ, സലിം തേക്കാട്ടിൽ, റോമി പി. ദേവസ്യ, തോമസ് കൈപ്പനാനിക്കൽ, ജിജി ജോസഫ്, തോമസ് നാഗനോലിൽ, ബിജു പുളിമൂട്ടിൽ, സുരേഷ് കുതിരുമ്മൽ, കൃഷ്ണൻ കുട്ടി എന്നിവർ പ്രസംഗിച്ചു.
തളിപ്പറമ്പ്: സതീശൻ പാച്ചേനിയുടെ രണ്ടാമത് ചരമവാർഷിക ദിനത്തിൽ ആദരാഞ്ജലികൾ അർപ്പിച്ച് കൊണ്ട് തളിപ്പറമ്പ് ബ്ലോക്ക്, മണ്ഡലം കമ്മിറ്റികളുടെ സംയുക്ത ആഭിമുഖ്യത്തിൽ കോൺഗ്രസ് മന്ദിരത്തിൽ പുഷ്പാർച്ചനയും അനുസ്മരണ യോഗവും സംഘടിപ്പിച്ചു.
ബ്ലോക്ക് കോൺഗ്രസ് പ്രസിഡന്‍റ് എം.എൻ. പൂമംഗലം ഉദ്ഘാടനം ചെയ്തു. മണ്ഡലം കോൺഗ്രസ് പ്രസിഡന്‍റ് ടി.ആർ. മോഹൻദാസ് അധ്യക്ഷത വഹിച്ചു. സൗഷാദ് ബ്ലാത്തൂർ, കുഞ്ഞമ്മ തോമസ്, വത്സല പ്രഭാകരൻ, കെ. രമേശൻ, വി. രാഹുൽ, വി.പി. ഗോപിനാഥൻ, പി.വി. നാണു, വി. അഭിലാഷ്, വി.വി. വേണുഗോപാലൻ, കെ.എൻ. അഷറഫ്, പ്രമീള രാജൻ എന്നിവർ പ്രസംഗിച്ചു.