പ​ത്ത​നം​തി​ട്ട @43 : സാ​ധ്യ​ത​ക​ള്‍ ഏ​റെ; പ്ര​തീ​ക്ഷ​ക​ള്‍ ബാ​ക്കി
Friday, November 1, 2024 7:01 AM IST
പ​ത്ത​നം​തി​ട്ട: 1982 ന​വം​ബ​ര്‍ ഒ​ന്നി​ന് രൂ​പീ​കൃ​ത​മാ​യ പ​ത്ത​നം​തി​ട്ട ജി​ല്ല​യു​ടെ 43-ാം പി​റ​ന്നാ​ള്‍ ഇ​ന്ന്. ആ​ല​പ്പു​ഴ ജി​ല്ല​യി​ലെ തി​രു​വ​ല്ല താ​ലൂ​ക്കും കൊ​ല്ലം ജി​ല്ല​യി​ലെ പ​ത്ത​നം​തി​ട്ട താ​ലൂ​ക്കും ഇ​ടു​ക്കി​യു​ടെ ഭാ​ഗ​മാ​യി​രു​ന്ന ശ​ബ​രി​മ​ല​യും ചേ​ര്‍​ത്ത് പു​തി​യ ഒ​രു ജി​ല്ല രൂ​പീ​ക​രി​ക്കു​ക​യാ​യി​രു​ന്നു.
കേ​ര​ള​ത്തി​ന്‍റെ ആ​ത്മീ​യ ത​ല​സ്ഥാ​ന​മെ​ന്ന വി​ശേ​ഷ​ണ​മു​ള്ള പ​ത്ത​നം​തി​ട്ട​യു​ടെ പ്ര​ധാ​ന ആ​ക​ര്‍​ഷ​ണീ​യ​വും തീ​ര്‍​ഥാ​ട​ന കേ​ന്ദ്ര​ങ്ങ​ളാ​ണ്.

പ്ര​കൃ​തിര​മ​ണീ​യ​ത​യി​ലും സാം​സ്‌​കാ​രി​ക സ​മ്പ​ന്ന​ത​യി​ലും ഈ ​നാ​ട് സ​മ്പു​ഷ്ട​മാ​ണ്. മ​റ്റൊ​രു ജി​ല്ല​യ്ക്കും അ​വ​കാ​ശ​പ്പെ​ടാ​നാ​കാ​ത്ത ഒ​ട്ട​ന​വ​ധി പ്ര​ത്യേ​ക​ത​ക​ള്‍ പ​ത്ത​നം​തി​ട്ട​യ്ക്കു​ണ്ട്. 2642 ച​തു​ര​ശ്ര കി​ലോ​മീ​റ്റ​റാ​ണ് ജി​ല്ല​യു​ടെ വി​സ്തൃ​തി​യെ​ങ്കി​ല്‍ ഇ​തി​ല്‍ 1390.73 ച​തു​ര​ശ്ര കി​ലോ​മീ​റ്റ​റും വ​ന​മേ​ഖ​ല​യാ​ണ്. കേ​ര​ള​ത്തി​ലെത​ന്നെ ഏ​റ്റ​വും വ​ലി​യ വ​നം ഡി​വി​ഷ​നാ​യ റാ​ന്നി​യും കോ​ന്നി​യും പ​ത്ത​നം​തി​ട്ട​യു​ടെ ഭാ​ഗം.

അ​തി​ര്‍​വ​ര​മ്പു​ക​ള്‍ മാ​റി​ക്കൊ​ണ്ടേ​യി​രി​ക്കും

പ​ത്ത​നം​തി​ട്ട ജി​ല്ല​യു​ടെ അ​തി​ര്‍​ത്തി​യും താ​ലൂ​ക്കു​ക​ളു​ടെ​യും പ​ഞ്ചാ​യ​ത്തു​ക​ളു​ടെ​യും വി​ഭ​ജ​ന​ങ്ങ​ളും എ​ല്ലാം ഇ​പ്പോ​ഴും പൂ​ര്‍​ണ​ത​യി​ല്‍ എ​ത്തി​യി​ട്ടി​ല്ല. പ​ല ഘ​ട്ട​ങ്ങ​ളി​ലും കീ​റി​മു​റി​ച്ച് ഇ​വ ശ​രി​യാ​ക്കാ​ന്‍ ശ്ര​മ​ങ്ങ​ള്‍ ന​ട​ത്തി​യെ​ങ്കി​ലും പ​രാ​തി​ക​ളും പ​രി​ഭ​വ​ങ്ങ​ളും ബാ​ക്കി​യാ​ണ്.
ജി​ല്ല രൂ​പീ​ക​രി​ക്കു​മ്പോ​ള്‍ നി​ല​വി​ലു​ണ്ടാ​യി​രു​ന്ന തി​രു​വ​ല്ല, പ​ത്ത​നം​തി​ട്ട താ​ലൂ​ക്കു​ക​ള്‍ വി​ഭ​ജി​ച്ച് പു​തി​യ താ​ലൂ​ക്കു​ക​ള്‍ രൂ​പീ​ക​രി​ച്ചു.

പ​ത്ത​നം​തി​ട്ട താ​ലൂ​ക്കി​ല്‍നി​ന്ന് റാ​ന്നി, കോ​ഴ​ഞ്ചേ​രി, അ​ടൂ​ര്‍ താ​ലൂ​ക്കു​ക​ള്‍ 1983ല്‍ ​നി​ല​വി​ല്‍വ​ന്നു. തി​രു​വ​ല്ല താ​ലൂ​ക്ക് വി​ഭ​ജി​ച്ച് മ​ല്ല​പ്പ​ള്ളി താ​ലൂ​ക്ക് രൂ​പീ​ക​രി​ച്ചു. 2013ല്‍ ​കോ​ഴ​ഞ്ചേ​രി താ​ലൂ​ക്കി​ല്‍നി​ന്നു കോ​ന്നി​യും പി​റ​വി​യെ​ടു​ത്തു.

റാ​ന്നി താ​ലൂ​ക്കി​ല്‍നി​ന്ന് ചി​റ്റാ​ര്‍, സീ​ത​ത്തോ​ട് വി​ല്ലേ​ജു​ക​ളും അ​ടൂ​രി​ലെ ഏ​നാ​ദി​മം​ഗ​ല​വും കൂ​ട​ലും കോ​ന്നി​യു​ടെ ഭാ​ഗ​മാ​യി. കോ​ന്നി​യി​ലേ​ക്കു ചേ​ര്‍​ത്ത മൈ​ല​പ്ര, വ​ള്ളി​ക്കോ​ട് വി​ല്ലേ​ജു​ക​ള്‍ ക​ഴി​ഞ്ഞ​വ​ര്‍​ഷം തി​രി​കെ കോ​ഴ​ഞ്ചേ​രി​യു​ടെ ഭാ​ഗ​മാ​ക്കി.

പ​ത്ത​നം​തി​ട്ട കേ​ന്ദ്ര​മാ​ക്കി​യാ​ണ് നി​ല​വി​ല്‍ കോ​ഴ​ഞ്ചേ​രി താ​ലൂ​ക്ക്. എ​ന്നാ​ല്‍ കോ​ഴ​ഞ്ചേ​രി, പ​ത്ത​നം​തി​ട്ട എ​ന്നി​ങ്ങ​നെ ര​ണ്ട് താ​ലൂ​ക്കു​ക​ള്‍ ഉ​ണ്ടാ​ക​ണ​മെ​ന്ന ആ​വ​ശ്യം ജി​ല്ലാ രൂ​പീ​ക​ര​ണ ഘ​ട്ട​ത്തി​ലേ ഉ​ള്ള​താ​ണ്. ഇ​തി​പ്പോ​ഴും ന​ട​ന്നി​ട്ടി​ല്ല. നി​ല​വി​ലെ കോ​ഴ​ഞ്ചേ​രി താ​ലൂ​ക്കി​ന്‍റെ ആ​സ്ഥാ​നം പ​ത്ത​നം​തി​ട്ട​യാ​ണ്. പ​ത്ത​നം​തി​ട്ട​യി​ലും കോ​ഴ​ഞ്ചേ​രി​യി​ലും ഓ​രോ താ​ലൂ​ക്കു​ക​ളു​ടെ ആ​സ്ഥാ​ന​മാ​കേ​ണ്ട​വ​യാ​ണ്. ഇ​തി​നു​ള്ള നിർദേ​ശം റ​വ​ന്യു​വ​കു​പ്പ് മു​ന്‌​പേ ന​ല്‍​കി​യ​താ​ണ്. നി​ര്‍​ദേ​ശ​ങ്ങ​ള്‍ ഏ​റെ​ക്കു​റെ അം​ഗീ​ക​രി​ച്ച​താ​ണെ​ങ്കി​ലും സ​ര്‍​ക്കാ​രി​ന്‍റെ സാ​മ്പ​ത്തി​കസ്ഥി​തി മോ​ശ​മെ​ന്ന കാ​ര​ണ​ത്തി​ല്‍ പു​തി​യ താ​ലൂ​ക്കു​ക​ള്‍ രൂ​പീ​ക​രി​ക്കു​ന്നി​ല്ല. ജി​ല്ലാ അ​തി​ര്‍​ത്തി​യാ​യ പാ​ട​ത്ത് സ്‌​കൂ​ളും ഗ്രൗ​ണ്ടും ര​ണ്ട് ജി​ല്ല​ക​ളി​ലാ​യാ​ണ് സ്ഥിതിചെയ്യു ന്നത്.

രാ​ഷ്‌ട്രീയസ​മ്മ​ര്‍​ദം പ​ണ്ടേ പോ​യ്മ​റ​ഞ്ഞു

രാ​ഷ്‌ട്രീയസ്വാ​ധീ​ന​ത്തി​ലൂ​ടെ​യാ​ണ് പ​ത്ത​നം​തി​ട്ട ജി​ല്ല​യു​ടെ പി​റ​വി. 1981ല്‍ ​കെ.​ ക​രു​ണാ​ക​ര​ന്‍റെ നേതൃ​ത്വ​ത്തി​ല്‍ രൂ​പീ​ക​രി​ച്ച ഇ​ട​ക്കാ​ല മ​ന്ത്രി​സ​ഭ​യ്ക്ക് സ്വ​ത​ന്ത്ര​നാ​യ കെ.​കെ. നാ​യ​ര്‍ ന​ല്‍​കി​യ പി​ന്തു​ണ​യി​ലാ​ണ് പ​ത്ത​നം​തി​ട്ട​യു​ടെ പി​റ​വി. കെ. ​ക​രു​ണാ​ക​ര​ന്‍ കെ.​കെ. നാ​യ​ര്‍​ക്ക് മ​ന്ത്രി​സ്ഥാ​നം വാ​ഗ്ദാ​നം ചെ​യ്‌​തെ​ങ്കി​ലും അ​ദ്ദേ​ഹം അ​തു നി​ര​സി​ക്കു​ക​യും പ​ക​രം പ​ത്ത​നം​തി​ട്ട ജി​ല്ല രൂ​പീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ടു​ക​യു​മാ​യി​രു​ന്നു.

കെ.​കെ. നാ​യ​രു​ടെ ആ​വ​ശ്യം അം​ഗീ​ക​രി​ച്ച് മി​നി മാ​ത്യു ക​മ്മീ​ഷ​നെ നി​യോ​ഗി​ച്ചു. ക​മ്മീ​ഷന്‍റെ ശി​പാ​ര്‍​ശ പ്ര​കാ​രം 1982ല്‍ ​ക​രു​ണാ​ക​ര​ന്‍ വീ​ണ്ടും അ​ധി​കാ​ര​ത്തി​ലെ​ത്തി​യ​തി​നു പി​ന്നാ​ലെ പ​ത്ത​നം​തി​ട്ട ജി​ല്ല​യു​ടെ പ്ര​ഖ്യാ​പ​ന​വു​മാ​യി. സ്വ​ത​ന്ത്ര​നാ​യി​രു​ന്ന കെ.​കെ. നാ​യ​ര്‍ അ​തു​വ​ഴി യു​ഡി​എ​ഫി​ന്‍റെ ഭാ​ഗ​വു​മാ​യി.

എ​ന്നാ​ല്‍ അ​ന്നു​ണ്ടാ​യി​രു​ന്ന രാ​ഷ്്‌ട്രീയ സ്വാ​ധീ​ന​വും സ​മ്മ​ര്‍​ദ​വും പി​ല്‍​ക്കാ​ല​ത്ത് പ​ത്ത​നം​തി​ട്ട​യ്ക്കു നി​ല​നി​ര്‍​ത്താ​നാ​യി​ല്ല. അ​സം​ബ്ലി മ​ണ്ഡ​ല​ങ്ങ​ളു​ടെ പു​ന​ര്‍​വി​ഭ​ജ​ന​ത്തി​ലൂ​ടെ ഉ​ണ്ടാ​യ ന​ഷ്ടം ഇ​പ്പോ​ഴും പ​ത്ത​നം​തി​ട്ട​യു​ടെ ദുഃഖ​മാ​യി നി​ല​നി​ല്‍​ക്കു​ന്നു. ജി​ല്ലാ ആ​സ്ഥ​ന​മാ​യ പ​ത്ത​നം​തി​ട്ട​യു​ടെ പേ​രി​ല്‍ ഒ​രു നി​യ​മ​സ​ഭാ മ​ണ്ഡ​ല​മി​ല്ല.

കേ​ര​ള​ത്തി​ല്‍ വ​യ​നാ​ടും പ​ത്ത​നം​തി​ട്ട​യും മാ​ത്ര​മാ​ണ് ഇ​ത്ത​ര​ത്തി​ല്‍ സ്വ​ന്തം എം​എ​ല്‍​എ​മാ​രി​ല്ലാ​ത്ത ആ​സ്ഥാ​ന​ങ്ങ​ള്‍. 2009ലെ ​മ​ണ്ഡ​ല പു​ന​ര്‍​വി​ഭ​ജ​നം പ​ത്ത​നം​തി​ട്ട​യ്ക്കു ന​ഷ്ട​ങ്ങ​ള്‍ മാ​ത്ര​മാ​ണു​ണ്ടാ​ക്കി​യ​ത്. ജ​ന​സം​ഖ്യാ​നു​പാ​തി​ക​മാ​യി​ട്ടാ​ണ് വി​ഭ​ജ​നം ന​ട​ന്ന​തെ​ന്നു പ​റ​യു​ന്പോള്‍ മൂ​ന്ന് നി​യ​മ​സ​ഭാ മ​ണ്ഡ​ല​ങ്ങ​ള്‍ പ​ത്ത​നം​തി​ട്ട ജി​ല്ല​യ്ക്കു ന​ഷ്ട​മാ​യി. പ​ത്ത​നം​തി​ട്ട, ക​ല്ലൂ​പ്പാ​റ നി​യ​മ​സ​ഭാ മ​ണ്ഡ​ല​ങ്ങ​ളും പ​ത്ത​നം​തി​ട്ട​യി​ല്‍ ഭാ​ഗി​ക​മാ​യി ഉ​ണ്ടാ​യി​രു​ന്ന പ​ന്ത​ള​വും ന​ഷ്ട​മാ​യി. ഇ​തി​ലൂ​ടെ പ​ദ്ധ​തി വി​ഹി​ത​ത്തി​ല്‍​ അ​ട​ക്കം കു​റ​വു​ണ്ടാ​യി.

പ​ത്ത​നം​തി​ട്ട​യു​ടെ പേ​രി​ല്‍ സ്വ​ന്ത​മാ​യി ഒ​രു പാ​ര്‍​ല​മെ​ന്‍റ് മ​ണ്ഡ​ലം ഉ​ണ്ടാ​യി എ​ന്ന​തു മാ​ത്ര​മാ​ണ് പു​ന​ര്‍​വി​ഭ​ജ​ന​ത്തി​ലെ ഏ​ക നേ​ട്ടം. താ​ലൂ​ക്ക് ആ​സ്ഥാ​ന​മാ​യ മ​ല്ല​പ്പ​ള്ളി​ക്ക് നി​യ​മ​സ​ഭാ മ​ണ്ഡ​ല പ​ദ​വി ന​ഷ്ട​മാ​യ​തോ​ടെ വി​ക​സ​നരം​ഗ​ത്തും പി​ന്നി​ലാ​യി. റാ​ന്നി, തി​രു​വ​ല്ല എം​എ​ല്‍​എ​മാ​രു​ടെ പ​രി​ധി​യി​ലാ​ണ് താ​ലൂ​ക്ക് പ്ര​ദേ​ശ​ങ്ങ​ള്‍. താ​ലൂ​ക്കി​ന്‍റെ പൊ​തു​വാ​യ ആ​വ​ശ്യ​ങ്ങ​ള്‍​ക്ക് ആ​രു​ടെ​യും ശ്രദ്ധ ​ ഉ​ണ്ടാ​കു​ന്ന​തു​മി​ല്ല.

പു​ന​ര്‍​വി​ഭ​ജ​നം കാ​ത്ത് ത​ദ്ദേ​ശ സ്ഥാ​പ​ന​ങ്ങ​ള്‍

റാ​ന്നി ബ്ലോ​ക്ക് പ​ഞ്ചാ​യ​ത്തി​ല്‍ ഉ​ള്‍​പ്പെ​ടു​ന്ന ചി​റ്റാ​ര്‍, സീ​ത​ത്തോ​ട് പ്ര​ദേ​ശ​ങ്ങ​ള്‍ കോ​ന്നി നി​യ​മ​സ​ഭ മ​ണ്ഡ​ല പ​രി​ധി​യി​ലും കോ​ന്നി താ​ലൂ​ക്കി​ലു​മാ​ണ്. ചി​റ്റാ​ര്‍ കേ​ന്ദ്ര​മാ​ക്കി ഒ​രു വി​ക​സ​ന ബ്ലോ​ക്ക് എ​ന്ന ആ​വ​ശ്യ​വും നി​ല​നി​ല്‍​ക്കു​ന്നു. മ​ല്ല​പ്പ​ള്ളി ബ്ലോ​ക്കി​ലെ പ​ഞ്ചാ​യ​ത്തു​ക​ളും ര​ണ്ട് നി​യ​മ​സ​ഭ മ​ണ്ഡ​ല​ങ്ങ​ളു​ടെ പ​രി​ധി​യി​ലാ​ണ്. മ​ല്ല​പ്പ​ള്ളി താ​ലൂ​ക്കി​ലെ വ്യ​ത്യ​സ്ത മ​ണ്ഡ​ല​ങ്ങ​ളി​ലാ​ണ്.

വി​സ്തൃ​ത​മാ​യ ആ​റ​ന്മു​ള നി​യ​മ​സ​ഭ മ​ണ്ഡ​ല​ത്തി​ല്‍ ബ്ലോ​ക്കു​ക​ള്‍ ക​യ​റി​യി​റ​ങ്ങി​ക്കി​ട​ക്കു​ക​യാ​ണ്. കേ​ര​ള​ത്തി​ല്‍ ത​ന്നെ ഏ​റ്റ​വു​മ​ധി​കം വോ​ട്ട​ര്‍​മാ​രു​ള്ള മ​ണ്ഡ​ല​മാ​ണ് ആ​റ​ന്മു​ള. ഇ​ല​ന്തൂ​ര്‍, കോ​യി​പ്രം, പ​ന്ത​ളം ബ്ലോ​ക്കു​ക​ള്‍ ആ​റ​ന്മു​ള​യു​ടെ പ​രി​ധി​യി​ലു​ണ്ട്. പ​ന്ത​ളം കേ​ന്ദ്ര​മാ​ക്കി ന​ഗ​ര​സ​ഭ രൂ​പീ​ക​രി​ച്ചെ​ങ്കി​ലും ബ്ലോ​ക്ക് പ​ഞ്ചാ​യ​ത്ത് ഇ​പ്പോ​ഴു​മു​ണ്ട്. ഒ​രു ഡ​സ​നോ​ളം ഗ്രാ​മ​പ​ഞ്ചാ​യ​ത്തു​ക​ള്‍ വി​ഭ​ജ​നം കാ​ത്തു​കി​ട​ക്കു​ക​യാ​ണ്. വി​സ്തൃ​ത​മാ​യ പ​ഞ്ചാ​യ​ത്തു​ക​ളാ​ണി​വ. ജ​ന​സം​ഖ്യ കു​റ​വെ​ങ്കി​ലും പ​ഞ്ചാ​യ​ത്തു​ക​ളു​ടെ വി​സ്തൃ​തി​യാ​ണ് വി​ഷ​യം.

യു​വ​ത വി​ദേ​ശ​ത്തേ​ക്ക്

വി​ദേ​ശ രാ​ജ്യ​ങ്ങ​ളി​ലേ​ക്ക് ഓ​രോ കാ​ല​ഘ​ട്ട​ത്തി​ലു​മു​ണ്ടാ​കു​ന്ന കു​ടി​യേ​റ്റ​ങ്ങ​ളി​ല്‍ പ​ങ്കാ​ളി​ക​ളാ​കു​ന്ന​വ​രി​ല്‍ ഏ​റെ​യും പ​ത്ത​നം​തി​ട്ട​ക്കാ​രാ​ണ്. മ​ലേ​ഷ്യ​ന്‍, സിംഗപ്പൂര്‍ കു​ടി​യേ​റ്റം മു​ത​ല്‍ ഗ​ള്‍​ഫ് രാ​ജ്യ​ങ്ങ​ളി​ലും അ​മേ​രി​ക്ക​യി​ലു​മു​ള്ള കു​ടി​യേ​റ്റ​വു​മെ​ല്ലാം പ​ത്ത​നം​തി​ട്ട​ക്കാ​ര്‍ വേ​ണ്ടു​വോ​ളം ആ​സ്വ​ദി​ച്ച​വ​രാ​ണ്.

ഇ​തി​ലൂ​ടെ കേ​ര​ള​ത്തി​ന്‍റെ പ്ര​വാ​സി നി​ക്ഷേ​പ​ത്തി​ല്‍ ന​ല്ലൊ​രു പ​ങ്കും ഒ​രു​കാ​ല​ത്ത് പ​ത്ത​നം​തി​ട്ട​യി​ലാ​യി​രു​ന്നു. ഇന്നി​പ്പോ​ള്‍ യൂ​റോ​പ്യ​ന്‍ രാ​ജ്യ​ങ്ങ​ളി​ലേ​ക്കും മ​റ്റു​മാ​യി ഏ​റ്റ​വു​മ​ധി​കം കു​ടി​യേ​റ്റം ന​ട​ക്കു​ന്ന ജി​ല്ല​യും പ​ത്ത​നം​തി​ട്ട​യാ​ണ്. വി​ദ്യാ​ര്‍​ഥി​ക​ളും യു​വാ​ക്ക​ളും പി​ന്നാ​ലെ അ​വ​രു​ടെ കു​ടും​ബ​ങ്ങ​ളു​മൊ​ക്കെ​യാ​യി കു​ടി​യേ​റ്റ സം​സ്‌​കാ​രം പു​രോ​ഗ​മി​ക്കു​ക​യാ​ണ്. ഒ​രു​കാ​ല​ത്ത് ഗ​ള്‍​ഫ് രാ​ജ്യ​ങ്ങ​ളി​ല്‍ പ​ണി​യെ​ടു​ത്തി​രു​ന്ന​വ​രാ​ണ് ജി​ല്ല​യു​ടെ സാ​ന്പ​ത്തി​ക​സ്ഥി​തി​യെ മെ​ച്ച​പ്പെ​ടു​ത്തി നി​ര്‍​ത്തി​യി​രു​ന്ന​തെ​ങ്കി​ല്‍ യൂ​റോ​പ്യ​ന്‍ രാ​ജ്യ​ങ്ങ​ളി​ലേ​ക്കു​ള്ള കു​ടി​യേ​റ്റം മാ​ന​വ​വി​ഭ​വ​ശേ​ഷി ന​ഷ്ട​മാ​ക്കു​ക​യാ​ണ്. വ​യോ​ധി​ക​രു​ടെ നാ​ടാ​യി പ​ത്ത​നം​തി​ട്ട മാ​റു​മോ​യെ​ന്ന ആ​ശ​ങ്ക ബാ​ക്കി.

ജ​ന​സം​ഖ്യാ വ​ള​ര്‍​ച്ച​യി​ല്‍ മൈ​ന​സ് രേ​ഖ​പ്പെ​ടു​ത്തി​യ നാ​ടാ​ണ് പ​ത്ത​നം​തി​ട്ട. കാ​ര്‍​ഷി​ക സം​സ്‌​കാ​ര​വും വ്യാ​വ​സാ​യി​ക മേ​ഖ​ല​യു​മെ​ല്ലാം ത​ള​ര്‍​ച്ച​യു​ടെ വ​ക്കി​ലാ​ണ്. പ്ര​തീ​ക്ഷ​ക​ള്‍ ബാ​ക്കി നി​ല്‍​ക്കു​ന്ന​ത് ടൂ​റി​സം, ഉ​ന്ന​ത വി​ദ്യാ​ഭ്യാ​സം മേ​ഖ​ല​ക​ളി​ലാ​ണ്. മെ​ച്ച​പ്പെ​ട്ട റോ​ഡു​ക​ളും റെ​യി​ല്‍, വ്യോ​മ ഗ​താ​ഗ​ത​വും അ​ടി​യ​ന്ത​ര പ്രാ​ധാ​ന്യ​ത്തോ​ടെ വി​ക​സി​ച്ചെ​ങ്കി​ലേ ഇ​നി​യു​ള​ള കാ​ലം പ​ത്ത​നം​തി​ട്ട​യു​ടെ സ്വ​പ്ന​ങ്ങ​ള്‍​ക്കു ചി​റ​കു മു​ള​യ്ക്കൂ.
Copyright @ 2018 , Rashtra Deepika Ltd.