അങ്ങാടിപ്പുറം: പരിയാപുരം എഎംഎല്‍പി സ്കൂളിന്‍റെ നൂറാം വാര്‍ഷിക പ്രഖ്യാപനവും ലോഗോ പ്രകാശനവും സ്കൂളിലെ സ്വാതന്ത്യദിനാഘോഷ പരിപാടികളുടെ ഭാഗമായി നടത്തി. നൂറാം വാര്‍ഷിക പ്രഖ്യാപനം ജില്ലാപഞ്ചായത്ത് പ്രസിഡന്‍റ് എം.കെ. റഫീഖ നിര്‍വഹിച്ചു. ലോഗോയായ ’ശതദ്യുതി’ പ്രകാശനം കഥാകൃത്തും ഗാനരചയിതാവുമായ പി.സി. അരവിന്ദന്‍ നിര്‍വഹിച്ചു. പിടിഎ പ്രസിഡന്‍റ് കെ. അബ്ദുള്‍ ബഷീര്‍ അധ്യക്ഷത വഹിച്ചു.
വാര്‍ഡ് അംഗങ്ങളായ വി. സുനില്‍ ബാബു, അനില്‍ പുലിപ്ര, കദീജ, സലാം ആറങ്ങോടന്‍, ഹരിദാസ് മാണിയോട്ട്, അബു ചോലയില്‍, പി.കെ. യൂസുഫ്, ചന്ദ്രന്‍ പോത്തുകാട്ടില്‍, ടി.കെ. സമീര്‍, ഹെഡ്മിസ്ട്രസ് ഇ. ഗൗരി, സ്റ്റാഫ് സെക്രട്ടറി ആരിഫ് കൂട്ടില്‍ എന്നിവര്‍ പ്രസംഗിച്ചു. വിളംബര ഘോഷയാത്രക്ക് കെ.ടി. സുരേന്ദ്രന്‍, എ.പി. ഹസന്‍, കെ.ടി. ഹനീഫ, കെ. വിനോദ്, എ.പി. ഫഹദ്, സൈതലവി കളത്തില്‍, ഷുഹൈബ് കുന്നനാത്ത് എന്നിവര്‍ നേതൃത്വം നല്‍കി.