മ​ല​പ്പു​റം ജി​ല്ലാ പ​ഞ്ചാ​യ​ത്തി​ന് വ​യോ​സേ​വ പു​ര​സ്കാ​രം
Thursday, September 12, 2024 4:57 AM IST
മ​ല​പ്പു​റം: വ​യോ​ജ​ന​ങ്ങ​ളു​ടെ ക്ഷേ​മ​വും സു​ര​ക്ഷ​യും ഉ​റ​പ്പു​വ​രു​ത്തു​ന്ന​തി​നാ​യി വി​വി​ധ പ​ദ്ധ​തി​ക​ളും പ​ദ്ധ​തി​യേ​ത​ര പ്ര​വ​ര്‍​ത്ത​ന​ങ്ങ​ളും ന​ട​പ്പാ​ക്കു​ന്ന ത​ദ്ദേ​ശ സ്ഥാ​പ​ന​ങ്ങ​ള്‍​ക്ക് സം​സ്ഥാ​ന സ​ര്‍​ക്കാ​രി​ന്‍റെ സാ​മൂ​ഹി​ക​നീ​തി വ​കു​പ്പ് ന​ല്‍​കു​ന്ന ഈ ​വ​ര്‍​ഷ​ത്തെ വ​യോ​സേ​വ അ​വാ​ര്‍​ഡി​ന് മ​ല​പ്പു​റം ജി​ല്ലാ പ​ഞ്ചാ​യ​ത്ത് അ​ര്‍​ഹ​മാ​യി. ഒ​രു ല​ക്ഷം​രൂ​പ​യും പ്ര​ശ​സ്തി​പ​ത്ര​വും മെ​മ​ന്‍റോ​യും അ​ട​ങ്ങി​യ​താ​ണ് അ​വാ​ര്‍​ഡ്.

ജി​ല്ല​യി​ല്‍ വ​യോ​ജ​ന​ങ്ങ​ള്‍​ക്കാ​യി ന​ട​പ്പാ​ക്കി​യ നി​ര​വ​ധി മാ​തൃ​കാ​പ​ര​മാ​യ പ​ദ്ധ​തി​ക​ള്‍ പ​രി​ഗ​ണി​ച്ചാ​ണ് പു​ര​സ്കാ​രം. കേ​ര​ള സാ​മൂ​ഹി​ക​നീ​തി, ഉ​ന്ന​ത​വി​ദ്യാ​ഭ്യാ​സ​വ​കു​പ്പ് മ​ന്ത്രി ആ​ര്‍. ബി​ന്ദു​വാ​ണ് വി​വി​ധ ത​ദ്ദേ​ശ സ്ഥാ​പ​ന​ങ്ങ​ള്‍​ക്കു​ള്ള അ​വാ​ര്‍​ഡു​ക​ള്‍ പ്ര​ഖ്യാ​പി​ച്ച​ത്.

ക​ഴി​ഞ്ഞ മൂ​ന്ന് വ​ര്‍​ഷ​മാ​യി വ​യോ​ജ​ന​ങ്ങ​ള്‍, ഭി​ന്ന​ശേ​ഷി​ക്കാ​ര്‍, സ​മൂ​ഹ​ത്തി​ല്‍ അ​വ​ശ​ത അ​നു​ഭ​വി​ക്കു​ന്ന മ​റ്റു വി​ഭാ​ഗ​ങ്ങ​ള്‍ എ​ന്നി​വ​ര്‍​ക്ക് നി​ര​വ​ധി പ​ദ്ധ​തി​ക​ള്‍ ജി​ല്ലാ പ​ഞ്ചാ​യ​ത്ത് ആ​വി​ഷ്ക​രി​ച്ച് ന​ട​പ്പാ​ക്കി​യി​രു​ന്നു.

വ​ള​വ​ന്നൂ​ര്‍ ജി​ല്ലാ ആ​യു​ര്‍​വേ​ദ ആ​ശു​പ​ത്രി​യി​ല്‍ ജി​ല്ലാ പ​ഞ്ചാ​യ​ത്ത് ഒ​രു കോ​ടി രൂ​പ ചെ​ല​വി​ല്‍ നി​ര്‍​മി​ച്ച കെ​ട്ടി​ട സ​മു​ച്ച​യ​ത്തി​ല്‍ അ​ത്യാ​ധു​നി​ക സൗ​ക​ര്യ​ങ്ങ​ളോ​ടെ വ​യോ​ജ​ന ചി​കി​ത്സാ​കേ​ന്ദ്രം സ്ഥാ​പി​ച്ചു.

60 വ​യ​സി​നു മു​ക​ളി​ല്‍ പ്രാ​യ​മു​ള്ള​വ​രെ ബാ​ധി​ക്കു​ന്ന എ​ല്ലാ​ത്ത​രം രോ​ഗ​ങ്ങ​ള്‍​ക്കും മി​ക​ച്ച ആ​യു​ര്‍​വേ​ദ ചി​കി​ത്സ​യും മ​രു​ന്നു​ക​ളും ഇ​വി​ടെ ന​ല്‍​കു​ന്നു​ണ്ട്. ഇ​തി​നാ​യി സ്ത്രീ​ക​ള്‍​ക്കും പു​രു​ഷ​ന്‍​മാ​ര്‍​ക്കും അ​ഞ്ച് സ്പെ​ഷാ​ലി​റ്റി കി​ട​ക്ക​ക​ള്‍ വീ​ത​മു​ള്ള വാ​ര്‍​ഡു​ക​ള്‍ സ​ജ്ജീ​ക​രി​ക്കു​ക​യും പ്ര​ത്യേ​ക തെ​റാ​പ്പി​സ്റ്റു​ക​ളെ​യും കെ​യ​ര്‍​ടേ​ക്ക​ര്‍​മാ​രെ​യും ക്ര​മീ​ക​രി​ക്കു​ക​യും ചെ​യ്തു.

വ​യോ​ജ​ന​ങ്ങ​ള്‍​ക്ക് വ്യാ​യാ​മ​ത്തി​നാ​യി ജി​ല്ല​യി​ല്‍ ത​ന്നെ ആ​ദ്യ​ത്തെ പ്ര​ത്യേ​ക വ്യാ​യാ​മ​പാ​ത​യും ഓ​പ്പ​ണ്‍ ജിം​നേ​ഷ്യ​വും തി​രു​നാ​വാ​യ​യി​ല്‍ സ്ഥാ​പി​ച്ച​ത് ഏ​റെ ശ്ര​ദ്ധേ​യ​മാ​യ പ​ദ്ധ​തി​യാ​യി​രു​ന്നു.

ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ല്‍ വ​യോ​ജ​ന​ങ്ങ​ളു​ടെ മാ​ന​സി​ക ഉ​ല്ലാ​സ​ത്തി​നും ആ​രോ​ഗ്യ സം​ര​ക്ഷ​ണ​ത്തി​നു​മാ​യി കൂ​ടു​ത​ല്‍ ഓ​പ്പ​ണ്‍ ജിം​നേ​ഷ്യ​ങ്ങ​ളും ഹാ​പ്പി​നെ​സ് പാ​ര്‍​ക്കു​ക​ളും ആ​രം​ഭി​ക്കു​ന്ന പ​ദ്ധ​തി​ക്ക് ജി​ല്ലാ പ​ഞ്ചാ​യ​ത്ത് തു​ട​ക്ക​മി​ട്ടു. വ​യോ​ജ​ന​ങ്ങ​ള്‍​ക്ക് ഒ​ത്തു​കൂ​ടു​ന്ന​തി​നും സം​തൃ​പ്തി​യോ​ടെ പ​ക​ല്‍ സ​മ​യം ചെ​ല​വി​ടു​ന്ന​തി​നും ജി​ല്ല​യു​ടെ വി​വി​ധ സ്ഥ​ല​ങ്ങ​ളി​ല്‍ പ​ക​ല്‍ വീ​ടു​ക​ളും സ്ഥാ​പി​ച്ചു.

വ​യോ​ജ​ന​ങ്ങ​ള്‍​ക്കാ​യി പ്ര​തി​വ​ര്‍​ഷം പ​ത്ത് ല​ക്ഷം രൂ​പ വ​ക​യി​രു​ത്തി ജി​ല്ല​യി​ലെ 46 ഗ്രാ​മ​പ​ഞ്ചാ​യ​ത്തു​ക​ളി​ലാ​യി ന​ട​പ്പാ​ക്കി​യ ഹോ​മി​യോ​പ​തി​ക് ഹോം ​കെ​യ​ര്‍ പ​ദ്ധ​തി​യാ​ണ് മ​റ്റൊ​രു ശ്ര​ദ്ധേ​യ​മാ​യ പ​ദ്ധ​തി. 1600 ല​ധി​കം രോ​ഗി​ക​ള്‍​ക്കാ​ണ് ഈ ​പ​ദ്ധ​തി​യു​ടെ പ്ര​യോ​ജ​നം നേ​രി​ട്ട് ല​ഭി​ക്കു​ന്ന​ത്.

മ​ല​പ്പു​റം ജി​ല്ല​യെ സ​മ്പൂ​ര്‍​ണ വ​യോ​ജ​ന സൗ​ഹൃ​ദ ജി​ല്ല​യാ​യി മാ​റ്റി​യെ​ടു​ക്കു​ന്ന​തി​നു​ള്ള പ്ര​വ​ര്‍​ത്ത​ന​ങ്ങ​ളു​മാ​യാ​ണ് മു​ന്നോ​ട്ട് പോ​കു​ന്ന​തെ​ന്നും അ​വാ​ര്‍​ഡ് മു​ന്നോ​ട്ടു​ള്ള പ്ര​യാ​ണ​ത്തി​ന് ഊ​ര്‍​ജം പ​ക​രു​ന്ന​താ​ണെ​ന്നും പ്ര​സി​ഡ​ന്‍റ് എം.​കെ. റ​ഫീ​ഖ, വൈ​സ് പ്ര​സി​ഡ​ന്‍റ് ഇ​സ്മാ​യി​ല്‍ മൂ​ത്തേ​ടം എ​ന്നി​വ​ര്‍ അ​റി​യി​ച്ചു.
Copyright @ 2018 , Rashtra Deepika Ltd.