നി​ല​മ്പൂ​രി​ല്‍ മ​ണ​ല്‍​ക്ക​ട​ത്തി​നെ​തി​രേ ശ​ക്ത​മാ​യ ന​ട​പ​ടി​യു​മാ​യി പോ​ലീ​സ്
Tuesday, September 10, 2024 5:05 AM IST
നി​ല​മ്പൂ​ര്‍: നി​ല​മ്പൂ​ര്‍ മേ​ഖ​ല​യി​ല്‍ മ​ണ​ല്‍​ക്ക​ട​ത്ത് ത​ട​യാ​ന്‍ ശ​ക്ത​മാ​യ ന​ട​പ​ടി​യു​മാ​യി പോ​ലീ​സ്. ചാ​ലി​യാ​ര്‍ പു​ഴ​യു​ടെ​യും കു​റു​വ​ന്‍ പു​ഴ​യു​ടെ​യു​മെ​ല്ലാം ക​ട​വു​ക​ള്‍ കേ​ന്ദ്രീ​ക​രി​ച്ചാ​ണ് നി​ല​മ്പൂ​ര്‍ പോ​ലീ​സ് ന​ട​പ​ടി ശ​ക്ത​മാ​ക്കു​ന്ന​ത്.

പ​രി​ശോ​ധ​ന ശ​ക്ത​മാ​ക്കി കു​റ​ഞ്ഞ ദി​വ​സ​ങ്ങ​ള്‍​ക്കു​ള്ളി​ല്‍ പോ​ലീ​സ് പി​ടി​ച്ചെ​ടു​ത്ത​ത് ഏ​ഴ് വാ​ഹ​ന​ങ്ങ​ളാ​ണെ​ന്ന് സി​ഐ മ​നോ​ജ് പ​റ​യ​ട്ട പ​റ​ഞ്ഞു. മ​മ്പാ​ട് കൂ​ളി​ക്ക​ല്‍ ക​ട​വി​ല്‍ നി​ന്നാ​ണ് ഇ​ന്ന​ലെ രാ​വി​ലെ മ​ണ​ല്‍ നി​റ​ച്ച ടി​പ്പ​ര്‍ ലോ​റി പി​ടി​കൂ​ടി​യ​ത്. സി​ഐ​യു​ടെ നേ​തൃ​ത്വ​ത്തി​ലു​ള്ള സ്ക്വാ​ഡാ​ണ് പ​രി​ശോ​ധ​ന ന​ട​ത്തി​യ​ത്.

ജി​ല്ലാ പോ​ലീ​സ് മേ​ധാ​വി എ​സ്. ശ​ശി​ധ​ര​ന് ല​ഭി​ച്ച ര​ഹ​സ്യ​വി​വ​ര​ത്തെ തു​ട​ര്‍​ന്നാ​യി​രു​ന്നു പ​രി​ശോ​ധ​ന. പോ​ലീ​സി​നെ ക​ണ്ട് ടി​പ്പ​ര്‍ ലോ​റി ഉ​പേ​ക്ഷി​ച്ച് ഡ്രൈ​വ​ര്‍ ര​ക്ഷ​പ്പെ​ട്ടു. മ​ണ​ല്‍​ക​ട​ത്ത് ത​ട​യാ​ന്‍ പ്ര​ത്യേ​ക സ്ക്വാ​ഡ് രൂ​പീ​ക​രി​ച്ചി​ട്ടു​ണ്ടെ​ന്നും നി​ല​മ്പൂ​ര്‍ സി​ഐ മ​നോ​ജ് പ​റ​യ​ട്ട പ​റ​ഞ്ഞു. ചാ​ലി​യാ​ര്‍ പു​ഴ​യു​ടെ മ​മ്പാ​ട് ഭാ​ഗ​ത്തെ ക​ട​വു​ക​ളാ​ണ് മ​ണ​ല്‍​വേ​ട്ട സം​ഘ​ത്തി​ന്‍റെ പ്ര​ധാ​ന കേ​ന്ദ്ര​ങ്ങ​ള്‍.

ഇ​വി​ടെ നി​ന്നാ​ണ് ജി​ല്ല​യ്ക്ക് അ​ക​ത്തേ​ക്കും പു​റ​ത്തേ​ക്കും മ​ണ​ല്‍​ക​ട​ത്ത്. മ​ണ​ല്‍​ക​ട​ത്ത് റീ​ല്‍ ഇ​ട്ട് നി​ല​മ്പൂ​ര്‍ പോ​ലീ​സി​നെ വെ​ല്ലു​വി​ളി​ച്ച​തും റീ​ല്‍​സ് ഇ​ട്ട​വ​രെ പി​ടി​കൂ​ടി തി​രി​ച്ച് റീ​ല്‍​സ് ഇ​ട്ട് പോ​ലീ​സ് കൈ​യ​ടി നേ​ടി​യ​തും മ​മ്പാ​ട് ഭാ​ഗ​ത്തെ മ​ണ​ല്‍ ക​ട​ത്തി​ന്‍റെ ഭാ​ഗ​മാ​യാ​ണ്.
Copyright @ 2018 , Rashtra Deepika Ltd.