പ്രീക്വാർട്ടറിൽ പോലും പ്രവേശിക്കാതെ ജോക്കോവിച്ച് പുറത്തായതോടെ മറ്റൊരു ചരിത്രവും കുറിക്കപ്പെട്ടു. നീണ്ട 22 വർഷത്തിനുശേഷമാണ് റോജർ ഫെഡറർ, റാഫേൽ നദാൽ, നൊവാക് ജോക്കോവിച്ച് ത്രയത്തിൽ ആരും ഗ്രാൻസ്‌ലാം നേടാതിരിക്കുന്നത്.
2024 സീസണിൽ ജോക്കോവിച്ചിന് ഗ്രാൻസ് ലാം കിരീടം ലഭിച്ചില്ല. യുഎസ് ഓപ്പണിൽ 2006നുശേഷം ആദ്യമായാണ് ജോക്കോവിച്ച് മൂന്നാം റൗണ്ടിൽ പുറത്താകുന്നത്. അന്ന് 19-ാം വയസിൽ ലെയ്റ്റണ്‍ ഹെവിറ്റിനോടു പരാജയപ്പെട്ടാണ് ജോക്കോവിച്ച് മൂന്നാം റൗണ്ടിൽ പുറത്തായത്.
സബലെങ്ക പ്രീക്വാർട്ടറിൽ വനിതാ സിംഗിൾസിൽ ബെലാറൂസിന്‍റെ അരീന സബലെങ്ക പ്രീ ക്വാർട്ടറിൽ. മൂന്നാം റൗണ്ടിൽ റഷ്യയുടെ എകറ്റെറിന അലക്സാഡ്രോവയ്ക്കെതിരേ ആദ്യ സെറ്റ് നഷ്ടപ്പെട്ടശേഷം തിരിച്ചുവരവു ജയം സ്വന്തമാക്കിയാണ് സബലെങ്ക പ്രീക്വാർട്ടറിൽ പ്രവേശിച്ചത്.
സ്കോർ: 2-6, 6-1, 6-2.
നിലവിലെ കിരീട ജേതാവായ അമേരിക്കയുടെ കൊക്കൊ ഗൗഫ്, ഏഴാം സീഡ് ചൈനയുടെ ഷെങ് ക്വിൻവെൻ തുടങ്ങിയവരും പ്രീക്വാർട്ടറിൽ പ്രവേശിച്ചു.