മനീഷിന്റെ രണ്ടാം മെഡൽ പുരുഷ വിഭാഗം 10 മീറ്റർ എയർ പിസ്റ്റൾ എസ്എച്ച്1 വിഭാഗത്തിൽ ഇന്ത്യയുടെ മനീഷ് നർവാൾ ഇന്നലെ വെള്ളി മെഡൽ സ്വന്തമാക്കി. 234.9 പോയിന്റുമായാണ് മനീഷിന്റെ വെള്ളി. ദക്ഷിണകൊറിയയുടെ ജിയോങ്ഡു ജോയ്ക്കാണ് (237.4) സ്വർണം.
2020 ടോക്കിയോ പാരാലിന്പിക്സിൽ മിക്സഡ് 50 മീറ്റർ പിസ്റ്റൾ എസ്എച്ച്1ൽ മനീഷിനു സ്വർണം ലഭിച്ചിരുന്നു. പാരാലിന്പിക്സിലെ ആദ്യ വ്യക്തിഗത മെഡലാണ് മനീഷ് പാരീസിൽ സ്വന്തമാക്കിയത്.
പ്രീതിക്ക് ചരിത്ര നേട്ടം വനിതാ 100 മീറ്റർ ടി35 ഇനത്തിലൂടെ പ്രീതി പാൽ ഇന്ത്യൻ അക്കൗണ്ടിൽ ചരിത്ര മെഡലും എത്തിച്ചു. ഈ ഇനത്തിൽ ഇന്ത്യക്കായി പാരാലിന്പിക്സിൽ മെഡൽ സ്വന്തമാക്കുന്ന ആദ്യ താരമായി പ്രീതി പാൽ. 14.21 സെക്കൻഡിലാണ് പ്രീതി 100 മീറ്റർ ടി35 ഫിനിഷിംഗ് ലൈൻ കടന്നത്.
ചൈനയുടെ സിയ സൗ (13.58), ത്വിൻസിവൻ ഗൗ (13.74) എന്നിവർ സ്വർണവും വെള്ളിയും സ്വന്തമാക്കി. 2024 കോബെ ലേക പാരാ അത്ലറ്റിക്സ് ചാന്പ്യൻഷിപ്പിൽ പ്രീതി വെങ്കലമണിഞ്ഞിരുന്നു.