ലെക്‌സസ് ഇന്ത്യക്ക് 14% വില്പന വളര്‍ച്ച
Thursday, November 14, 2024 11:47 PM IST
കൊച്ചി: ലെക്‌സസ് ഇന്ത്യ കഴിഞ്ഞ വർഷത്തെ അപേക്ഷിച്ച് ഈവര്‍ഷം ഒക്‌ടോബര്‍ വരെയുള്ള കാലയളവില്‍ 43 ശതമാനം വില്പന വളര്‍ച്ച കൈവരിച്ചു. കഴിഞ്ഞ മാസം ലെക്‌സസ് ഇന്ത്യയുടെ മൊത്തം വില്പനയുടെ 58 ശതമാനവും ലെക്‌സസ് ഇഎസ് മോഡലായിരുന്നു.
2017ല്‍ ഇന്ത്യയില്‍ അരങ്ങേറ്റം കുറിച്ച ലെക്‌സസ് ഇന്ത്യ, ഈവര്‍ഷം ജൂണ്‍ ഒന്നു മുതല്‍ വില്‍ക്കുന്ന എല്ലാ പുതിയ ലെക്‌സസ് മോഡലുകള്‍ക്കും ഒരു ഇന്‍ഡസ്ട്രിഫസ്റ്റ് എട്ടു വര്‍ഷം അല്ലെങ്കില്‍ 160,000 കി.മീ വാഹന വാറന്‍റിയും പുതിയതായി നല്‍കുന്നുണ്ട്.
ഫെബ്രുവരി ഒന്നിന് ആരംഭിച്ച അഞ്ചു വര്‍ഷത്തെ റോഡ്‌സൈഡ് അസിസ്റ്റന്‍സ് പ്രോഗ്രാമും ഇതിന്‍റെ ഭാഗമായി ഉപഭോക്താക്കള്‍ക്ക് നൽകിവരുന്നു.