ഇസാഫ് സ്ത്രീരത്ന പുരസ്‌കാരം ഡോ. ടെസി തോമസിന്
Friday, March 8, 2024 1:09 AM IST
തൃശൂര്‍: ഇസാഫ് ഫൗണ്ടേഷന്‍ ഏര്‍പ്പെടുത്തിയ സ്ത്രീരത്ന ദേശീയ പുരസ്‌കാരത്തിനു ഡിഫന്‍സ് റിസര്‍ച്ച് ആന്‍ഡ് ഡെവലപ്‌മെന്‍റ് ഓര്‍ഗനൈസേഷന്‍(ഡിആർഡിഒ) മുന്‍ ശാസ്ത്രജ്ഞ ഡോ. ടെസി തോമസ് അര്‍ഹയായി.
മിസൈല്‍ വുമണ്‍ ഓഫ് ഇന്ത്യ എന്നറിയപ്പെടുന്ന ഡോ. ടെസി തോമസ് കന്യാകുമാരി ആസ്ഥാനമായ നൂറുല്‍ ഇസ്ലാം സര്‍വകലാശാലയുടെ വൈസ് ചാന്‍സലര്‍കൂടിയാണ്. പുരസ്‌കാരം നാളെ 3.30നു നടക്കുന്ന ഇസാഫിന്‍റെ സ്ഥാപകദിനാഘോഷത്തില്‍ സമ്മാനിക്കും.
പ്രതികൂലസാഹചര്യങ്ങളെ ചെറുത്തുതോല്പിച്ച് തൊഴില്‍രംഗത്തും സമൂഹത്തിലും സ്വന്തമായി ഒരിടം കണ്ടെത്തുകയും ജനങ്ങളുടെ ജീവിതത്തില്‍ സ്വാധീനം ചെലുത്തുകയും ചെയ്ത വനിതകള്‍ക്കാണ് ഇസാഫിന്‍റെ സ്ഥാപകദിനാഘോഷത്തോടനുബന്ധിച്ചാണ് പുരസ്‌കാരം നല്‍കുക.