ഡൽഹി യൂണിവേഴ്സിറ്റി യൂണിയൻ പ്രസിഡന്‍റ് സ്ഥാനം പിടിച്ചെടുത്ത് എൻഎസ്യുഐ
Tuesday, November 26, 2024 2:51 AM IST
ന്യൂഡൽഹി: ഡൽഹി യൂണിവേഴ്സിറ്റി സ്റ്റുഡന്‍റ്സ് യൂണിയൻ തെരഞ്ഞെടുപ്പിൽ പ്രസിഡന്‍റ് സ്ഥാനം പിടിച്ചെടുത്ത് എൻഎസ്യുഐ.
കോൺഗ്രസിന്‍റെ വിദ്യാർഥി പ്രസ്ഥാനമായ എൻഎസ്യുഐ ഏഴു വർഷത്തിനുശേഷമാണ് ഡൽഹി യൂണിവേഴ്സിറ്റി യൂണിയൻ പ്രസിഡന്‍റ് സ്ഥാനം നേടുന്നത്. ജോയിന്‍റ് സെക്രട്ടറിസ്ഥാനവും എൻഎസ്യുഐ നേടി.
ആർഎസ്എസ് പിന്തുണയുള്ള എബിവിപി വൈസ് പ്രസിഡന്‍റ്, സെക്രട്ടറിസ്ഥാനങ്ങൾ നേടി. നേരത്തേ മൂന്നു സീറ്റുകളുമായി എബിവിപിയായിരുന്നു യൂണിയൻ ഭരിച്ചിരുന്നത്.
എൻഎസ്‌യുഐയുചെ റൗണക് ഖത്രി 1300 വോട്ടിന്‍റെ ഭൂരിപക്ഷത്തിനാണു പ്രസിഡന്‍റായി തെരഞ്ഞെടുക്കപ്പെട്ടത്.