ആം ആദ്മി പാർട്ടി നേതാക്കളടക്കം ഇത് സമൂഹമാധ്യമങ്ങളിൽ പ്രചരിപ്പിച്ചിരുന്നു. ബിജെപിയുടെ കൊള്ളക്കാരായി ഇഡി പ്രവർത്തിക്കുന്നുവെന്ന് കേജരിവാൾ വാദത്തിനിടയിൽ കോടതിയിൽ പറഞ്ഞിരുന്നു. ഈ ശബ്ദരേഖ ഹാഷ് ടാഗുകളോടെ സമൂഹമാധ്യമത്തിൽ പ്രചരിപ്പിച്ചു. എന്നാൽ വീഡിയോ കോണ്ഫറൻസിലൂടെ കോടതി നടപടിയിൽ പങ്കെടുക്കുന്നവർക്ക് അത് റിക്കാർഡ് ചെയ്യാനോ പ്രചരിപ്പിക്കാനോ അനുവാദമില്ല.
ഡൽഹി ഹൈക്കോടതി ഇതുമായി ബന്ധപ്പെട്ട മാർഗരേഖകൾ നേരത്തേ പുറത്തിറക്കിയിരുന്നു. ഇതിന്റെ പരസ്യമായ ലംഘനമാണ് നടന്നിരിക്കുന്നതെന്ന് ഹർജിയിൽ ആരോപിക്കുന്നു. വിഷയവുമായി ബന്ധപ്പെട്ട് പ്രത്യേക അന്വേഷണസംഘം കൂടുതൽ അന്വേഷണം നടത്തണമെന്നും ഹർജിയിൽ ആവശ്യപ്പെടുന്നുണ്ട്.