മും​ബൈ: യു​എ​സ് പ്ര​സി​ഡ​ന്‍ ഷ്യൽ തെ​ര​ഞ്ഞെ​ടു​പ്പി​ൽ ഡോ​ണ​ൾ​ഡ് ട്രം​പി​ന്‍റെ വി​ജ​യ​ത്തെ​ത്തു​ട​ർ​ന്ന് കു​തി​ച്ച ഓ​ഹ​രിവി​പ​ണി ഇ​ന്ന​ലെ താ​ഴേ​ക്കി​റ​ങ്ങി. തു​ട​ർ​ച്ച​യാ​യ ര​ണ്ടു ദി​വ​സ​ത്തെ മു​ന്നേ​റ്റ​ത്തി​നു​ശേ​ഷ​മാ​ണ് വി​പ​ണി​യി​ൽ താ​ഴ്ച​യു​ണ്ടാ​യ​ത്.

മു​ഖ്യ സൂ​ചി​ക​ക​ൾ ഒ​രു ശ​ത​മാ​ന​ത്തി​ല​ധി​ക​മാ​ണ് താ​ഴ്ന്ന​ത്. നി​ഫ്റ്റി 284.70 പോയിന്‍റ് താ​ഴ്ന്ന് 24199.35ലാ​ണ് ക്ലോ​സ് ചെ​യ്ത​ത്. ബി​എ​സ്ഇ സെ​ൻ​സെ​ക്സ് 836.34 പോ​യി​ന്‍റ് ഇ​ടി​ഞ്ഞ് 79541.79ൽ ​വ്യാ​പാ​രം അ​വ​സാ​നി​പ്പി​ച്ചു.

1733 ഓ​ഹ​രി​ക​ൾ മു​ന്നേ​റി​യ​പ്പോ​ൾ 2057 ഷെ​യ​റു​ക​ൾ​ക്ക് ഇ​ടി​വു​ണ്ടാ​യി. 93 ഓ​ഹ​രി​ക​ൾ മാ​റ്റ​മി​ല്ലാ​തെ നി​ന്നു. നി​ഫ്റ്റി ബാ​ങ്ക്, നി​ഫ്റ്റി ഐ​ടി, ബി​എ​സ്ഇ സ്മോ​ൾ​ക്യാ​പ്, ബി​എ​സ്ഇ മി​ഡ്ക്യാ​പ് എ​ന്നി​വ​ട​ങ്ങ​ളി​ലും താ​ഴ്ച പ്ര​ക​ട​മാ​യി.

സെ​ൻ​സെ​ക്സ് 80,563.42ലും ​നി​ഫ്റ്റി 24,489.60ലു​മാ​ണ് വ്യാ​പാ​രം ആ​രം​ഭി​ച്ച​ത്. സെ​ഷ​നി​ൽ സെ​ൻ​സെ​ക്സ് 79,419.34 എ​ന്ന താ​ഴ്ന്ന നി​ല​യി​ലെ​ത്തി​യ​തോ​ടെ വി​പ​ണി​ക​ൾ ഉ​ട​ൻത​ന്നെ വി​ൽ​പ്പ​ന സ​മ്മ​ർദ​ത്തി​ന് വ​ഴ​ങ്ങി.

ബു​ധ​നാ​ഴ്ച അ​മേ​രി​ക്ക​ൻ പ്ര​സി​ഡ​ന്‍റ് തെ​ര​ഞ്ഞെ​ടു​പ്പി​ൽ ട്രം​പ് വി​ജ​യി​ച്ച​താ​ണ് ഇ​ന്ത്യ​ൻ വി​പ​ണി​ക്കു തു​ണ​യാ​യ​ത്. ട്രം​പ് തി​രി​ച്ചു​വ​രു​ന്ന​ത് ഇ​ന്ത്യ​ക്കു ഗു​ണം ചെ​യ്യു​മെ​ന്ന പ്ര​തീ​ക്ഷ​യാ​യി​രു​ന്നു വി​പ​ണി​യി​ൽ പ്ര​ക​ട​മാ​യ​ത്. എ​ന്നാ​ൽ, ഇ​ന്ന​ലെ വ​രാ​നി​രി​ക്കു​ന്ന അ​മേ​രി​ക്ക​ൻ ഫെ​ഡ​റ​ൽ റി​സ​ർ​വി​ന്‍റെ പ​ണ വാ​യ്പ​ന​യ​വും ക​ന്പ​നി​ക​ളു​ടെ മോ​ശം ര​ണ്ടാം​പാ​ദ ഫ​ല​വു​മാ​ണ് വി​പ​ണി​യെ സ്വാ​ധീ​നി​ച്ച​ത്.

നി​ഫ്റ്റി​യി​ൽ അ​പ്പോ​ളോ ഹോ​സ്പി​റ്റ​ൽ​സ് വൻ നേ​ട്ട​മു​ണ്ടാ​ക്കി​. ര​ണ്ടാം​പാ​ദ​ത്തി​ൽ അ​പ്പോ​ളോ ഹോ​സ്പി​റ്റ​ൽ​സ് പ്ര​തീ​ക്ഷ​യേ​ക്കാ​ൾ വ​രു​മാ​ന​വും ലാ​ഭ​വും ഉ​ണ്ടാ​ക്കി​യ​തി​നെ​ത്തു​ട​ർ​ന്ന് ഓ​ഹ​രി 6.55 ശ​ത​മാ​നം ഉ​യ​ർ​ന്നു.

സെ​പ്റ്റം​ബ​ർ പാ​ദ​ത്തി​ൽ ക​ന്പ​നി​യു​ടെ ഏ​കീ​കൃ​ത അ​റ്റാ​ദാ​യം 59 ശ​ത​മാ​നം ഉ​യ​ർ​ന്ന് 395.70 കോ​ടി​യാ​യി. ക​ഴി​ഞ്ഞ വ​ർ​ഷം ഈ ​പാ​ദ​ത്തി​ൽ 248.80 കോ​ടി​യാ​യി​രു​ന്നു. വ​രു​മാ​നം ക​ഴി​ഞ്ഞ വ​ർ​ഷ​ത്തെ 4846.9 കോ​ടി​യി​ൽ​നി​ന്ന് 5589.3 കോ​ടി​യി​ലെ​ത്തി.


ഹി​ൻ​ഡാ​ൽ​കോ​യ്ക്കാ​ണ് വി​പ​ണി​യി​ൽ കൂ​ടു​ത​ൽ ക്ഷീ​ണ​മേ​റ്റ​ത്. 8.49 ശ​ത​മാ​ന​മാ​​ണ് ഇ​ന്ന​ലെ ഇ​ടി​ഞ്ഞ​ത്. യു​എ​സ് ആ​സ്ഥാ​ന​മാ​യു​ള്ള ഉ​പ​ക​ന്പ​നി നൊ​വേ​ലി​സി​ന്‍റെ ര​ണ്ടാ​പാ​ദ​ത്തി​ലെ വ​രു​മാ​നം 18 ശ​ത​മാ​നം ഇ​ടി​ഞ്ഞ​താ​ണ് തി​രി​ച്ച​ടി​യാ​യ​ത്.

നി​ഫ്റ്റി മെ​റ്റ​ലി​ന് ഏ​റ്റ​വും മോ​ശം ദി​ന​മാ​യി​രു​ന്നു. 2.54 ശ​ത​മാ​ന​ത്തി​ന്‍റെ ഇ​ടി​വാ​ണ് നേ​രി​ട്ട​ത്. ഹി​ൻ​ഡാ​ൽ​കോ, അ​ഡാ​നി എ​ന്‍റ​ർ​പ്രൈ​സ​സ് എ​ന്നി​വ​യു​ടെ ഇ​ടി​വ് വി​പ​ണി​യെ ത​ള​ർ​ത്തി. നി​ഫ്റ്റി എ​ന​ർ​ജി, ഇ​ൻ​ഫ്ര, ഓ​ട്ടോ, ഫാ​ർ​മ, ഹെ​ൽ​ത്ത്കെ​യ​ർ, റി​യാ​ലി​റ്റി, ഐ​ടി എ​ല്ലാം ത​ന്നെ ഒ​രു ശ​ത​മാ​ന​ത്തി​നു മു​ക​ളി​ലു​ള്ള താ​ഴ്ച​യി​ലാ​ണ് വ്യാ​പാ​രം അ​വ​സാ​നി​പ്പി​ച്ച​ത്.

നി​ഫ്റ്റി​യി​ൽ ഹി​ൻ​ഡാ​ൽ​കോ, ട്രെ​ന്‍റ്, ശ്രീ​രാം ഫൈ​നാ​ൻ​സ്, ടെ​ക് മ​ഹീ​ന്ദ്ര, ഗ്രാ​സിം ഇ​ൻ​ഡ​സ്ട്രീ​സ് എ​ന്നീ ക​ന്പ​നി​ക​ൾ​ക്കാ​ണ് വ​ലി​യ ന​ഷ്ട​മു​ണ്ടാ​ത്.

അ​പ്പോ​ളോ ഹോ​സ്പി​റ്റ​ൽ​സ്, എ​ച്ച്ഡി​എ​ഫ്സി ലൈ​ഫ്, ടി​സി​എ​സ്, എ​ൽ ആ​ൻ​ഡ് ടി ​എ​ന്നീ ക​ന്പ​നി​ക​ൾ നേ​ട്ട​മു​ണ്ടാ​ക്കു​ക​യും ചെ​യ്തു.

അ​ദാ​നി എ​ന​ർ​ജി സെ​ാലൂ​ഷ​ൻ​സ് ഓ​ഹ​രി പ​ത്തു ശ​ത​മാ​ന​ത്തി​ല​ധി​ക​ം താ​ഴ്ന്നു. മ​റ്റ് അ​ദാ​നി ഗ്രൂ​പ്പ് ഓ​ഹ​രി​ക​ളും ഇ​ന്ന​ലെ ന​ഷ്ട​ത്തി​ലാ​യി​രു​ന്നു.

വി​ദേ​ശ വി​പ​ണി​ക​ൾ

ട്രം​പി​ന്‍റെ വി​ജ​യ​ത്തി​നു പി​ന്നാ​ലെ ര​ണ്ടാം ദി​വ​സ​വും അ​മേ​രി​ക്ക​ൻ വി​പ​ണി​ക​ളാ​യ ഡൗ​‍ ജോ​ണ്‍സ്, എ​സ് ആ​ൻ​ഡ് പി 500, ​നാ​സ്ഡാ​ക് ഓ​ഹ​രി സൂ​ചി​കക​ൾ ര​ണ്ടു ശ​ത​മാ​ന​ത്തോ​ളം നേ​ട്ടം കൈ​വ​രി​ച്ചു. എ​ന്നാ​ൽ യൂ​റോ​പ്പി​ൽ സ​മ്മി​ശ്ര​മാ​യി​രു​ന്നു. ഏ​ഷ്യ​യി​ൽ ജാ​പ്പ​നീ​സ് നി​ക്കേ​യ്, ഹോ​ങ്കോം​ഗ്, താ​യ്‌വാ​ൻ, താ​യ്‌ല​ൻ​ഡ്, ഷാ​ങ്ഹാ​യ് വി​പ​ണി​ക​ളും നേ​ട്ട​ത്തി​ലെ​ത്തി. കൊ​റി​യ​ൻ വി​പ​ണി താ​ഴ്ന്നു.