ഷൊ​ർ​ണൂ​ർ: ഷൊ​ർ​ണൂ​രി​ൽ ട്രെ​യി​നി​ടി​ച്ചു​ മ​രി​ച്ച ക​രാ​ർ തൊ​ഴി​ലാ​ളി​ക​ളു​ടെ കു​ടും​ബ​ങ്ങ​ൾ​ക്കു ന​ഷ്ട​പ​രി​ഹാ​രം ല​ഭി​ക്കാ​ൻ ശു​പാ​ർ​ശ ചെ​യ്യു​മെ​ന്നു ശുചീ​ക​ര​ണ​ത്തൊ​ഴി​ലാ​ളി​ക​ൾ​ക്കു​വേ​ണ്ടി​യു​ള്ള ദേ​ശീ​യ ക​മ്മീ​ഷ​ൻ (സ​ഫാ​യി ക​രം​ചാ​രീ​സ് ക​മ്മീ​ഷ​ൻ) അം​ഗം ഡോ.​പി.​പി. വാ​വ.

തൊ​ഴി​ലാ​ളി​ക​ൾ മ​രി​ച്ച സം​ഭ​വ​ത്തി​ൽ അ​പ​ക​ട​ത്തി​ന്‍റെ ഉ​ത്ത​ര​വാ​ദി​ത്വ​ത്തി​ൽ​നി​ന്ന് ക​രാ​റു​കാ​ര​നും റെ​യി​ൽ​വേ​യ്ക്കും ഒ​ഴി​ഞ്ഞു​മാ​റാ​നാ​കി​ല്ലെ​ന്നും അ​ദ്ദേ​ഹം പ​റ​ഞ്ഞു. അ​പ​ക​ടം​ന​ട​ന്ന ഭാ​ര​ത​പ്പു​ഴ​യ്ക്കു കു​റു​കെ​യു​ള്ള ഷൊ​ർ​ണൂ​രി​ലെ റെ​യി​ൽ​വേ പാ​ല​ത്തി​ൽ പ​രി​ശോ​ധ​ന ന​ട​ത്തി​യ​ശേ​ഷം സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. ശു​ചീ​ക​ര​ണ​ത്തൊ​ഴി​ലാ​ളി​ക​ളു​ടെ അ​വ​സ്ഥ​ക​ൾ പ​ഠി​ക്കു​ക​യും അ​വ പ​രി​ഹ​രി​ക്കാ​ൻ കേ​ന്ദ്ര​സ​ർ​ക്കാ​രി​നു ശു​പാ​ർ​ശ സ​മ​ർ​പ്പി​ക്കു​ക​യും ചെ​യ്യു​ന്ന ക​മ്മീ​ഷ​നാ​ണി​ത്.

ശു​ചീ​ക​ര​ണ​ത്തൊ​ഴി​ലാ​ളി​ക​ൾ പാ​ല​ത്തി​നു​ കു​റു​കെ ന​ട​ക്കു​ന്ന​തു​ ത​ട​യാ​ൻ റെ​യി​ൽ​വേ​യ്ക്കു സാ​ധി​ച്ചി​ല്ല.

ക​രാ​റു​കാ​ര​നോ റെ​യി​ൽ​വേ​യു​ടെ സൂ​പ്പ​ർ​വൈ​സ​റോ കൂ​ടെ​യു​ണ്ടാ​യി​രു​ന്നെ​ങ്കി​ൽ അ​പ​ക​ട​മു​ണ്ടാ​കി​ല്ലാ​യി​രു​ന്നു. പാ​ല​ത്തി​ൽ മാ​ലി​ന്യ​മൊ​ന്നു​മു​ണ്ടാ​യി​രു​ന്നി​ല്ല. ശു​ചീ​ക​ര​ണ​ത്തി​നാ​യി നാ​ലു​പേ​ർ​ക്കും പാ​ല​ത്തി​ലേ​ക്കു​വ​രേ​ണ്ട കാ​ര്യ​മി​ല്ല. ഇ​വ​ർ റോ​ഡു​മാ​ർ​ഗ​മാ​ണ് തി​രി​ച്ചു​പോ​രേ​ണ്ടി​യി​രു​ന്ന​തെ​ന്നു സൂ​പ്പ​ർ​വൈ​സ​ർ​ക്കോ ക​രാ​റു​കാ​ര​നോ നി​ർ​ദേ​ശി​ക്കാ​മാ​യി​രു​ന്നെ​ന്നും ക​മ്മീ​ഷ​ൻ വി​ല​യി​രു​ത്തി.

തൊ​ഴി​ലാ​ളി​ക​ൾ​ക്കു സു​ര​ക്ഷാ​സം​വി​ധാ​ന​ങ്ങ​ളോ ഇ​ൻ​ഷ്വ​റ​ൻ​സ് പ​രി​ര​ക്ഷ​യോ ക​രാ​റു​കാ​ര​ൻ ഏ​ർ​പ്പെ​ടു​ത്തി​യി​രു​ന്നി​ല്ലെ​ന്നും ക​മ്മീ​ഷ​ൻ ക​ണ്ടെ​ത്തി. തു​ട​ർ​ന്ന്, ക​മ്മീ​ഷ​നം​ഗം ഡി​വി​ഷ​ൻ ആ​സ്ഥാ​ന​ത്തും റെ​യി​ൽ​വേ അ​ധി​കൃ​ത​രു​മാ​യി ച​ർ​ച്ച​ന​ട​ത്തി. ഉ​ട​ൻ കേ​ന്ദ്ര​സ​ർ​ക്കാ​രി​നും റെ​യി​ൽ​വേ​യ്ക്കും ഇ​തു​സം​ബ​ന്ധി​ച്ച റി​പ്പോ​ർ​ട്ടു ന​ൽ​കു​മെ​ന്നും തൊ​ഴി​ലാ​ളി​ക​ളു​ടെ കു​ടും​ബ​ത്തി​നു ന​ഷ്ട​പ​രി​ഹാ​ര​ത്തി​ന് ശു​പാ​ർ​ശ​ചെ​യ്യു​മെ​ന്നും ക​മ്മീ​ഷ​നം​ഗ​വും സം​സ്ഥാ​ന നോ​ഡ​ൽ ഓ​ഫീ​സ​ർ അ​ഡ്വ. ഗോ​പി കൊ​ച്ചു​രാ​മ​നും പ​റ​ഞ്ഞു. ഡി​വി​ഷ​ണ​ൽ റെ​യി​ൽ​വേ മാ​നേ​ജ​ർ അ​രു​ൺ​കു​മാ​ർ ച​തു​ർ​വേ​ദി, എ​ഡി​ആ​ർ​എം എ​സ്. ജ​യ​കൃ​ഷ്ണ​ൻ തു​ട​ങ്ങി​യ റെ​യി​ൽ​വേ അ​ധി​കൃ​ത​രും പ​രി​ശോ​ധ​ന​യ്ക്കെ​ത്തി​യി​രു​ന്നു. ന​വം​ബ​ർ ര​ണ്ടി​നു ഉ​ച്ച​യ്ക്കു​ശേ​ഷ​മാ​ണ് ദ​മ്പ​തി​മാ​രാ​യ നാ​ല് ശു​ചീ​ക​ര​ണ​ത്തൊ​ഴി​ലാ​ളി​ക​ൾ ട്രെ​യി​നി​ടി​ച്ചു മ​രി​ച്ച​ത്.