ഒ​റ്റ​പ്പാ​ലം താ​ലൂ​ക്ക് ആ​ശു​പ​ത്രി കാന്‍റീ​ൻ അ​ട​ഞ്ഞു​ത​ന്നെ
Tuesday, September 17, 2024 1:50 AM IST
ഒ​റ്റ​പ്പാ​ലം: ഒ​റ്റ​പ്പാ​ലം താ​ലൂ​ക്കാ​ശു​പ​ത്രി കാ​ന്‍റീ​ൻ തു​റ​ക്കാ​നാ​യി​ല്ല. ക​രാ​ർ ന​ൽ​കി​യി​ട്ടും തു​റ​ന്ന് പ്ര​വ​ർ​ത്തി​പ്പി​ക്കാ​ത്ത​തി​നാ​ൽ കാ​ന്‍റീ​ൻ ന​ട​ത്തി​പ്പി​ന് വാ​ട​ക​കു​റ​ച്ച് ആ​ളെ ക​ണ്ടെ​ത്താ​ൻ ന​ട​ത്തി​യ ശ്ര​മ​ങ്ങ​ളും വി​ജ​യി​ച്ചി​ല്ല. ദി​വ​സ​വാ​ട​ക 500 രൂ​പ​യാ​ക്കി 15,000 രൂ​പ അ​ടി​സ്ഥാ​ന മാ​സ​വാ​ട​ക​യാ​യി നി​ശ്ച​യി​ച്ചാ​ണ് ക​രാ​റു​കാ​രെ ക​ണ്ടെ​ത്താ​ൻ ശ്ര​മം​തു​ട​ങ്ങി​യ​ത്. ര​ണ്ടു​മാ​സ​ത്തെ വാ​ട​ക​ത്തു​ക മാ​ത്രം നി​ക്ഷേ​പ​മാ​യി സ്വീ​ക​രി​ച്ചാ​ൽ മ​തി​യെ​ന്നാ​ണ് തീ​രു​മാ​നി​ച്ച​ത്.

അ​ങ്ങ​നെ​യെ​ങ്കി​ലും ക​രാ​റെ​ടു​ക്കാ​ൻ ആ​രെ​ങ്കി​ലും എ​ത്തു​മെ​ന്ന പ്ര​തീ​ക്ഷ​യി​ലാ​യി​രു​ന്നു അ​ധി​കൃ​ത​ർ എ​ന്നാ​ൽ ഒ​ന്നു​മു​ണ്ടാ​യി​ല്ല. 26,000 രൂ​പ​യാ​യി​രു​ന്ന വാ​ട​ക​യാ​ണ് ഇ​പ്പോ​ൾ കു​റ​വ് വ​രു​ത്തി​യി​ട്ടു​ള്ള​ത്. അ​തി​നും​മു​മ്പ് വാ​ട​ക 55,000 രൂ​പ​യാ​യി​രു​ന്നു. ക​ഴി​ഞ്ഞ ഡി​സം​ബ​റി​ൽ പ്ര​വ​ർ​ത്ത​നം നി​ർ​ത്തി​യ കാ​ന്‍റീ​ൻ ഒ​മ്പ​തു​മാ​സം ക​ഴി​ഞ്ഞി​ട്ടും അ​ട​ഞ്ഞു​കി​ട​ക്കു​ക​യാ​ണ്. കി​ട​ത്തി​ച്ചി​കി​ത്സ​യി​ലു​ള്ള രോ​ഗി​ക​ൾ കു​റ​ഞ്ഞ​തി​നാ​ൽ വ​ലി​യ​സം​ഖ്യ​ന​ൽ​കി ആ​രും കാ​ന്‍റീ​ൻ ഏ​റ്റെ​ടു​ക്കാ​ൻ ത​യ്യാ​റാ​കു​ന്നി​ല്ലെ​ന്നാ​ണ് പ​റ​യു​ന്ന​ത്.


ഒ​രു​വ​ർ​ഷം മു​മ്പു​വ​രെ ആ​ശു​പ​ത്രി​യി​ൽ മു​ഴു​വ​ൻ കി​ട​ക്ക​ക​ളും നി​റ​ഞ്ഞി​രു​ന്നു. ഡോ​ക്ട​ർ​മാ​രു​ടെ കൂ​ട്ട സ്ഥ​ലം​മാ​റ്റ​ത്തോ​ടെ​യാ​ണ് കാ​ര്യ​ങ്ങ​ളെ​ല്ലാം ത​കി​ടം​മ​റി​ഞ്ഞ​ത്. തി​ര​ക്കു​കു​റ​ഞ്ഞ​തോ​ടെ നേ​ര​ത്തേ കാ​ന്‍റീ​ൻ ന​ട​ത്തി​യി​രു​ന്ന ക​രാ​റു​കാ​ര​ൻ സാ​മ്പ​ത്തി​ക പ്ര​തി​സ​ന്ധി ചൂ​ണ്ടി​ക്കാ​ട്ടി ക​ഴി​ഞ്ഞ ഡി​സം​ബ​റി​ൽ ചു​മ​ത​ല​യൊ​ഴി​ഞ്ഞു. പി​ന്നാ​ലെ ഘ​ട്ടം​ഘ​ട്ട​മാ​യി വാ​ട​ക​നി​ര​ക്കു​കു​റ​ച്ച് ക​രാ​ർ എ​ടു​ത്തി​രു​ന്നെ​ങ്കി​ലും ന​ട​ത്തി​പ്പി​ന് താ​ത്പ​ര്യം കാ​ണി​ച്ചി​ല്ല. ഇ​പ്പോ​ൾ ശ​രാ​ശ​രി 20 ഓ​ളം രോ​ഗി​ക​ൾ മാ​ത്ര​മാ​ണ് കി​ട​ത്തി​ച്ചി​കി​ത്‌​സ​യി​ലു​ള്ള​തെ​ന്നും അ​തു​കൊ​ണ്ടാ​ണ് കാ​ന്‍റീ​ൻ ന​ട​ത്തി​പ്പി​ന് ആ​രും ത​യ്യാ​റാ​കാ​ത്ത​തെ​ന്നും എ​ച്ച്എം​സി യോ​ഗ​ത്തി​ൽ അ​ധി​കൃ​ത​ർ പ​റ​ഞ്ഞി​രു​ന്നു.

തു​ട​രെ​ത്തു​ട​രെ താ​ലൂ​ക്ക് ആ​ശു​പ​ത്രി​ക്കെ​തി​രെ ഉ​ണ്ടാ​കു​ന്ന വി​വാ​ദ​ങ്ങ​ളു​ടെ പ​ശ്ചാ​ത്ത​ല​ത്തി​ൽ സാ​ധാ​ര​ണ​ക്കാ​രാ​യ രോ​ഗി​ക​ൾ ആ​ശു​പ​ത്രി​യെ കൈ​യൊ​ഴി​ഞ്ഞ അ​വ​സ്ഥ​യാ​ണ്. ഇ​തും കാ​ന്‍റീ​ൻ ന​ട​ത്തി​പ്പി​നെ പ്ര​തി​കൂ​ല​മാ​യി ബാ​ധി​ച്ചി​ട്ടു​ണ്ട്.