നെ​ന്മാ​റ: നെ​ല്ലി​യാ​മ്പ​തി മ​ട്ട​ത്തു​പാ​ടി​യി​ൽ പ​ശു​വി​നെ പു​ലി ആ​ക്ര​മി​ച്ചു. പാ​ടി​ക​ളി​ലെ പ​ശു​ക്ക​ളെ മേ​യാ​ൻ വി​ട്ട മി​ന്നാം​പാ​റ​ക്ക​ടു​ത്തു​ള്ള തേ​യി​ല​ത്തോ​ട്ട​ത്തി​നു അ​രി​കി​ൽ നി​ന്നാ​ണ് പു​ലി പ​ശു​വി​നെ ആ​ക്ര​മി​ച്ച​ത്.

ഇന്നലെ ഉ​ച്ച​യ്ക്കു പ​ന്ത്ര​ണ്ടോ​ടെ​യാ​ണ് സം​ഭ​വം. തേ​യി​ല​ച്ചെ​ടി​ക​ൾ​ക്കു​സ​മീ​പം പ​തു​ങ്ങി​യി​രു​ന്ന പു​ലി പ​ശു​വി​നെ ആ​ക്ര​മി​ക്കു​ക​യാ​യി​രു​ന്നു.

വി​വി​ധ പാ​ടി​ക​ളി​ലെ പ​ശു​ക്ക​ളെ ഒ​ന്നി​ച്ചു കൊ​ണ്ടു​പോ​യി മേ​യ്ക്കു​ന്ന അ​യ്യാ​വ് എ​ന്ന​യാ​ളാ​ണു സം​ഭ​വം ക​ണ്ട​ത്. ഇ​യാ​ൾ ഒ​ച്ച​വ​ച്ച​തി​നെ തു​ട​ർ​ന്നാ​ണ് പു​ലി ഓ​ടി​മ​റ​ഞ്ഞു.

പ​ശു​വി​ന്‍റെ പി​ൻ​കാ​ലി​ലും മു​തു​കി​ലും ക​ഴു​ത്തി​ലും ആ​ഴ​ത്തി​ലു​ള്ള മു​റി​വേ​റ്റു. ച​ന്ദ്ര​മ​ല എ​സ്റ്റേ​റ്റ് മ​ട്ട​ത്തു​പാ​ടി​യി​ലെ ലീ​ല-​ദി​വാ​ക​ര​ൻ ദ​മ്പ​തി​ക​ളു​ടെ ര​ണ്ടു പ​ശു​ക്ക​ളി​ൽ ക​റ​വ​യു​ള്ള ഒ​ന്നി​നെ​യാ​യി​രു​ന്നു പു​ലി പി​ടി​ച്ച​ത്.

ഉ​ച്ച​യ്ക്കു ഒ​രു മ​ണി​യോ​ടെ ഉ​ട​മ​യെ​ത്തി വ​ന​പാ​ല​ക​രെ വി​വ​രം അ​റി​യി​ച്ചു. വ​ന​പാ​ല​ക​രും മൃ​ഗ​ഡോ​ക്ട​റും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി പ​ശു​വി​നു ചി​കി​ത്സ ന​ൽ​കി.

പ്ര​ദേ​ശ​ത്തെ പാ​ടി​ക​ളി​ൽ വ​ള​ർ​ത്തു​ന്ന പ​ശു​ക്കി​ടാ​ങ്ങ​ളെ​യും നാ​യ്ക്ക​ളെ​യും കോ​ഴി​ക​ളെ​യും പ​ക​ൽ​സ​മ​യ​ത്തു കാ​ണാ​താ​വു​ന്ന​തും നി​ത്യ​സം​ഭ​വ​മാ​ണെ​ന്നു പ്ര​ദേ​ശ​വാ​സി​ക​ൾ പ​റ​ഞ്ഞു. ഇ​വ​യെ പു​ലി​ത​ന്നെ​യാ​ണ് പി​ടി​കൂ​ടു​ന്ന​തെ​ന്നും നാ​ട്ടു​കാ​ർ പ​റ​യു​ന്നു.

പ​ട്ടാ​പ്പ​ക​ൽ പു​ലി​യി​റ​ങ്ങി​യ​തോ​ടെ പാ​ടി​ക​ളി​ലു​ള്ള വ​യോ​ധി​ക​രും കു​ട്ടി​ക​ളു​ട​മ​ക്കം എ​ല്ലാ​വ​രും ഭീ​തി​യി​ലാ​ണ്. പാ​ടി​ക​ൾ​ക്കു​സ​മീ​പം കൂ​ടു​സ്ഥാ​പി​ച്ച് പു​ലി​യെ പി​ടി​കൂ​ടി ഉ​ൾ​വ​ന​ത്തി​ൽ കൊ​ണ്ടു​വി​ട​ണ​മെ​ന്നു വ​നം അ​ധി​കൃ​ത​രോ​ട് പ്ര​ദേ​ശ​വാ​സി​ക​ൾ ആ​വ​ശ്യ​പ്പെ​ട്ടു.

പു​ലി​യെ കൂ​ടാ​തെ രാ​പ​ക​ൽ​ഭേ​ദ​മ​ന്യേ കാ​ട്ടാ​ന​യും താ​മ​സ​ക്കാ​ർ​ക്ക് ഭീ​ഷ​ണി​യാ​ണ്.