ചി​റ്റൂ​ർ: താ​ലൂ​ക്കി​ൽ ഭ​ക്ഷ​ണ ശാ​ല​ക​ളി​ൽ പ​ഴ​കി​യ മാം​സ​വി​ൽ​പ​ന ന​ട​ത്തു​ന്ന​താ​യി വ്യാ​പ​ക പ​രാ​തി. ഇ​ത്ത​രം മാം​സ​ഭ​ക്ഷ​ണം ക​ഴി​ച്ച പ​ല​ർ​ക്കും വ​യ​റി​ള​ക്കം, ശ​ർ​ദ്ദി, വ​യ​റു​വേ​ദ​ന തു​ട​ങ്ങി​യ​വ അ​നു​ഭ​വ​പ്പെ​ട്ട് ആ​ശു​പ​ത്രി​യി​ൽ ചി​കി​ത്സ തേ​ടി​യി​ട്ടു​ണ്ട്. അ​സു​ഖം ബാ​ധി​ച്ച​വ​ർ പ​രാ​തി ന​ൽ​കാ​ത്ത​താ​ണ് തെ​റ്റ് ആ​വ​ർ​ത്തി​ക്കാ​ൻ ഇ​ട​യാ​ക്കു​ന്ന​ത്.

മു​ന്തി​യ നോ​ട്ട​ലു​ക​ളി​ലും ഫാ​സ്റ്റ് ഫു​ഡ് സ്ഥാ​പ​ന​ങ്ങ​ളി​ലു​മാ​ണ് പാ​കം ചെ​യ്ത് മി​ച്ചം വ​രു​ന്ന മാം​സം ഫ്രീസറിൽ സൂ​ക്ഷി​ച്ച് ര​ണ്ടാം ദി​വ​സം ചൂ​ടാ​ക്കി ന​ൽ​കു​ന്ന​ത്. ആ​രോ​ഗ്യ വ​കു​പ്പ് ജീ​വ​ന​ക്കാ​ർ മ​ഴ​ക്കാ​ല ആ​രം​ഭ​ത്തി​നു മു​ന്പാ​യി നാ​മ​മാ​ത്ര​മാ​യി പ​രി​ശോ​ധ​ന​ക​ൾ ന​ട​ത്തു​ക​യും പി​ന്നീ​ട് അ​ത് ഒ​ഴി​വാ​ക്കു​ക​യും ചെ​യ്തു.

പി​ടി​കൂ​ടു​ന്ന സ്ഥാ​പ​ന ഉ​ട​മ​ക​ളി​ൽ നി​ന്നും 1000 രൂ​പ​യോ താ​ഴെ​യോ ആ​ണ് പി​ഴ ഈ​ടാ​ക്കു​ന്ന​ത്. ഇ​ത്ത​രം സം​ഭ​വ​ങ്ങ​ൾ കു​റ്റ​കൃ​ത്യം ചെ​യ്യു​ന്ന​വ​ർ​ക്ക് വീ​ണ്ടും ആ​വ​ർ​ത്തി​ക്കാ​ൻ പ്ര​ചോ​ദ​ന​മാ​കു​ന്നു​ണ്ട്. ചി​ല വ്യാ​പാ​ര​സ്ഥാ​പ​ന ഉ​ട​മ​ക​ൾ​ക്ക് പ​രി​ശോ​ധ​നാ വി​വ​രം നേ​ര​ത്തെേ ല​ഭി​ക്കു​ന്ന​താ​യും ആ​ക്ഷേ​പ​മു​ണ്ട്. പ​ഴ​കി​യ മാം​സ​വി​ൽ​പ​ന ന​ട​ത്തു​ന്ന​വ​രി​ൽ നി​ന്നും ഈ​ടാ​ക്കു​ന്ന പി​ഴ​സം​ഖ്യ 10,000 ആ​ക്കി ഉ​യ​ർ​ത്ത​ണ​മെ​ന്നും ഒ​രാ​ഴ്ച​ത്തേ​ക്ക് പ്ര​വ​ർ​ത്ത​ന അ​നു​മ​തി ത​ട​യ​ണ​മെ​ന്നും ആ​വ​ശ്യ​മു​ണ്ട്. പു​തു​ന​ഗ​രം, ക​രി​പ്പാ​ലി ഉ​ൾ​പ്പെ​ടെ സ്ഥ​ല​ങ്ങ​ൾ ച​ത്ത മൃ​ഗ​ങ്ങ​ളു​ടെ ഇ​റ​ച്ചി സൂ​ക്ഷി​ച്ച​ത് പു​തു​ന​ഗ​രം പോ​ലീ​സ് പി​ടി​കൂ​ടി കേ​സെ​ടു​ത്തി​രു​ന്നു.

ക​രി​പ്പാ​ലി​ക്കു സ​മീ​പം ഇ​രു​ച​ക്ര വാ​ഹ​ന​ത്തി​ൽ അ​തി​ർ​ത്തി​ക്ക​പ്പു​റ​ത്തു നി​ന്നും മാം​സം കൊ​ണ്ടു​വ​ന്ന​ത് നാ​ട്ടു​കാ​ർ ത​ട​ഞ്ഞ​തി​നെ തു​ട​ർ​ന്ന് മാം​സം റോ​ഡി​ൽ ഉ​പേ​ക്ഷി​ച്ച് ര​ക്ഷ​പ്പെ​ട്ട സം​ഭ​വം ന​ട​ന്നി​രു​ന്നു. നാ​ട്ടു​കാ​ർ അ​റി​യി​ച്ച​തി​നെ തു​ട​ർ​ന്ന് എ​ത്തി​യ പോ​ലീ​സ് പി​ന്നീ​ട് വ്യാ​പാ​രി​യെ പി​ടി​കൂ​ടി റോ​ഡി​ൽ ത​ള്ളി​യ മാം​സം എ​ടു​പ്പി​ച്ചി​രു​ന്നു. ഇ​ത്ത​ര​ത്തി​ൽ നി​യ​മ​ന​ട​പ​ടി​ക​ളി​ൽ അ​ക​പ്പെ​ടു​ന്ന വ്യാ​പാ​രി​ക​ളെ ര​ക്ഷ​പ്പെ​ടു​ത്താ​ൽ ചി​ല ഇ​ട​നി​ല​ക്കാ​രും പ്ര​വ​ർ​ത്തി​ക്കു​ന്നു​ണ്ട്.