മാ​ന്ന​ന്നൂ​ർ റെ​യി​ൽ​വേ സ്റ്റേ​ഷ​നി​ൽ ന​വീ​ക​ര​ണ പ്രവൃത്തി​കൾക്ക് വേഗമേറുന്നു
Sunday, June 16, 2024 3:43 AM IST
ഒ​റ്റ​പ്പാ​ലം: മാ​ന്ന​ന്നൂ​ർ റെ​യി​ൽ​വേ സ്റ്റേ​ഷ​നി​ൽ ഫൂ​ട്ട് ഓ​വ​ർ ബ്രി​ജ് നി​ർ​മാ​ണ​വും ഒ​ന്നാം ന​മ്പ​ർ പ്ലാ​റ്റ് ഫോ​റം വി​പു​ലീ​ക​ര​ണ​വും പു​രോ​ഗ​മി​ക്കു​ന്നു. ഏ​റെ കാ​ല​ത്തെ കാ​ത്തി​രി​പ്പി​നൊ​ടു​വി​ലാ​ണ് മാ​ന്ന​നൂ​ർ റെ​യി​ൽ​വേ സ്റ്റേ​ഷ​നി​ൽ വി​ക​സ​ന പ്ര​വൃ​ത്തി​ക​ൾ ന​ട​ക്കു​ന്ന​ത്.

ഒ​റ്റ​പ്പാ​ലം, ഷൊ​ർ​ണൂ​ർ റെ​യി​ൽ​വേ സ്റ്റേ​ഷ​നു​ക​ൾ​ക്കി​ട​യി​ലാ​ണ് മാ​ന്ന​നൂ​ർ റെ​യി​ൽ​വേ സ്റ്റേ​ഷ​ൻ. ഇ​വി​ടെ നി​ര​വ​ധി വ​ർ​ഷ​ങ്ങ​ൾ​ക്കു ശേ​ഷ​മാ​ണു വി​ക​സ​ന പ​ദ്ധ​തി​ക​ൾ ന​ട​പ്പാ​ക്കു​ന്ന​ത്.

ഫ ൂ​ട്ട് ഓ​വ​ർ ബ്രി​ജ് നി​ർ​മാ​ണം അ​ന്തി​മ​ഘ​ട്ട​ത്തി​ലെ​ത്തി​യി​ട്ടു​ണ്ട്. ര​ണ്ടു‌​പ്ലാ​റ്റ്ഫോ​മു​ക​ളു​ള്ള റെ​യി​ൽ​വേ സ്റ്റേ​ഷ​നി​ൽ യാ​ത്ര​ക്കാ​ർ ഇ​തു​വ​രെ റെ​യി​ൽ​വേ ട്രാ​ക്ക് ശ്ര​മ​ക​ര​മാ​യി കു​റു​കെ ക​ട​ന്നാ​ണു മ​റു​വ​ശ​ത്ത് എ​ത്തി​യി​രു​ന്ന​ത്. റെ​യി​ൽ​വേ ഡി​വി​ഷ​നി​ൽ മാ​ന്ന​നൂ​ർ ഉ​ൾ​പ്പെ​ടെ മൂ​ന്നു സ്റ്റേ​ഷ​നു​ക​ളി​ലാ​ണു ഫൂ​ട്ട് ഓ​വ​ർ ബ്രി​ജ് നി​ർ​മാ​ണം.

മൂ​ന്നി​ട​ത്തേ​ക്കു​മാ​യി 85 ല​ക്ഷം രൂ​പ​യാ​ണു ചെ​ല​വ്. ഉ​യ​ര​വും വീ​തി​യും കു​റ​ഞ്ഞ നി​ല​യി​ലാ​യി​രു​ന്ന ഒ​ന്നാം ന​മ്പ​ർ പ്ലാ​റ്റ് ഫോ​മാ​ണു വി​പു​ലീ​ക​രി​ച്ചു യാ​ത്ര​ക്കാ​ർ​ക്കു സ​ഹാ​യ​ക​മാ​യ നി​ല​യി​ലേ​ക്കു വി​ക​സി​പ്പി​ക്കു​ന്ന​ത്.

നേ​ര​ത്തെ സ്റ്റേ​ഷ​നി​ലെ​ത്തു​ന്ന യാ​ത്ര​ക്കാ​ർ​ക്കു ട്രെ​യി​ൻ ക​യ​റാ​നും ഇ​റ​ങ്ങാ​നും നേ​രി​ട്ടി​രു​ന്ന പ്ര​യാ​സ​മാ​ണു പ്ലാ​റ്റ്ഫോം വി​പു​ലീ​ക​ര​ണ​ത്തോ​ടെ പ​രി​ഹ​രി​ക്ക​പ്പെ​ടു​ന്ന​ത്. മാ​ന്ന​നൂ​ർ ഉ​ൾ​പ്പെ​ടെ ഡി​വി​ഷ​നി​ൽ എട്ട് സ്റ്റേ​ഷ​നു​ക​ളി​ലാ​യി 45 ല​ക്ഷം രൂ​പ വി​നി​യോ​ഗി​ച്ചാ​ണു പ്ലാ​റ്റ്ഫോം വി​പു​ലീ​ക​ര​ണം. മാ​ന്ന​നൂ​രി​ൽ ജീ​വ​ന​ക്കാ​രു​ടെ പ​ഴ​യ ക്വാ​ർ​ട്ടേ​ഴ്സു​ക​ൾ പൊ​ളി​ച്ചു​നീ​ക്കി​യാ​ണു പ്ലാ​റ്റ്ഫോം വീ​തി കൂ​ട്ടു​ന്ന​ത്. പാ​സ​ഞ്ച​ർ ട്രെ​യി​നു​ക​ൾ​ക്കു സ്റ്റോ​പ്പു​ള്ള സ്റ്റേ​ഷ​നാ​ണു മാ​ന്ന​നൂ​ർ. പ​ല​പ്പോ​ഴും സി​ഗ്ന​ൽ ല​ഭി​ക്കാ​തെ തീ​വ​ണ്ടി​ക​ൾ മാ​ന്ന​ന്നൂ​രി​ലാ​ണ് പി​ടി​ച്ചി​ടു​ന്ന പ​തി​വു​ള്ള​ത്.

Copyright @ 2022 , Rashtra Deepika Ltd.