നെ​ന്മാ​റ: ബൈക്കിൽ കാട്ടു​പ​ന്നി​യി​ടി​ച്ച് ക​ർ​ഷ​ക​ന് പ​രി​ക്കേ​റ്റു. അ​യി​ലൂ​ർ തി​രു​വ​ഴി​യാ​ട് ഇ​ട​ശേരി പ​റ​മ്പ് കെ. ​ജ​യ​രാ​ജ​നാ​ണ് കാ​ട്ടു​പ​ന്നി​യു​ടെ ആ​ക്ര​മ​ണ​ത്തി​ൽ ഗു​രു​ത​ര പ​രി​ക്കേ​റ്റ​ത്. ക​ഴി​ഞ്ഞ​ദി​വ​സം നെ​ൽ​പാട​ത്ത് ത​ളി​ക്കു​ന്ന​തി​നാ​യി കീ​ട​നാ​ശി​നി വാ​ങ്ങാ​ൻ ഇ​രു​ച​ക്ര വാ​ഹ​ന​ത്തി​ൽ വീ​ട്ടി​ൽ നി​ന്നും നെ​ന്മാ​റ​യി​ലേ​ക്ക് പോ​കു​ന്ന വ​ഴി​യി​ൽ തി​രു​വ​ഴി​യാ​ട് പു​ഴപാ​ല​ത്തി​ന് സ​മീ​പം റോ​ഡി​ന് സ​മീ​പ​ത്തു നി​ന്നും ഓ​ടി​വ​ന്ന കാ​ട്ടു​പ​ന്നി ഇ​രു​ച​ക്ര വാ​ഹ​ന​ത്തി​ൽ ഇ​ടി​ച്ച് ജ​യ​രാ​ജ​നെ ആ​ക്ര​മി​ക്കു​ക​യാ​യി​രു​ന്നു.

രാവിലെ 8.45 നാ​യി​രു​ന്നു സം​ഭ​വം. തൊ​ട്ടുപി​റ​കെ വ​ന്ന മ​റ്റു വാ​ഹ​ന യാ​ത്ര​ക്കാ​രാ​ണ് പ​രി​ക്കേ​റ്റ് കി​ട​ന്ന ജ​യ​രാ​ജ​നെ നെ​ന്മാ​റ​യി​ലെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ച​ത്. തെ​റി​ച്ച് റോ​ഡി​ൽ വീ​ണ ജ​യ​രാ​ജ​ന്‍റെ തോ​ളെ​ല്ലി​നും വാ​രി​യെ​ല്ലി​നും വ​ല​തുകൈ ​എ​ല്ലി​നും പൊ​ട്ട​ലും ന​ട്ടെ​ല്ലി​ന് ക്ഷ​ത​വും ഏ​റ്റി​ട്ടു​ണ്ട്. കാ​ൽമു​ട്ടു​ക​ൾ​ക്കും പ​രി​ക്കേറ്റി​ട്ടു​ണ്ട്. ജ​യ​രാ​ജ​ന്‍റെ ഇ​രു​ച​ക്ര വാ​ഹ​ന​ത്തി​ന്‍റെ മു​ൻ​വ​ശ​വും ച​ക്ര​ങ്ങ​ൾ​ക്കും കേ​ടുപ​റ്റി.

ദീ​ർ​ഘ​നാ​ള​ത്തെ ചി​കി​ത്സ വേ​ണ്ടി​വ​രു​മെ​ന്ന് ആ​ശു​പ​ത്രി വൃ​ത്ത​ങ്ങ​ൾ അ​റി​യി​ച്ചു. തി​രു​വ​ഴി​യാ​ട് സെ​ക്ഷ​ൻ ഫോ​റ​സ്റ്റ് ഓ​ഫീ​സി​ൽ വി​വ​രം അ​റി​യി​ച്ച​തി​നെ തു​ട​ർ​ന്ന് ചി​കി​ത്സാ സ​ഹാ​യ​ത്തി​നാ​യി ഓ​ൺ​ലൈ​ൻ മു​ഖേ​ന അ​പേ​ക്ഷ ന​ൽ​കാ​ൻ നി​ർ​ദേശി​ച്ചു. വ​ന​മേ​ഖ​ല​യി​ൽനി​ന്ന് കി​ലോ​മീ​റ്റ​റു​ക​ൾ അ​ക​ലെ​യു​ള്ള തി​രു​വ​ഴി​യാ​ട് പു​ഴ​പ്പാ​ല​ത്ത് പ​ക​ൽ സ​മ​യ​ത്ത് ഇ​തി​നു​മു​മ്പും കാ​ട്ടു​പ​ന്നി ആ​ക്ര​മ​ണം ഉ​ണ്ടാ​യി​ട്ടു​ണ്ട്.

തി​രു​വ​ഴി​യാ​ട് ന​ര​സിം​ഹ​മൂ​ർ​ത്തി ക്ഷേ​ത്ര​ത്തി​ലെ പൂ​ജാ​രി​യെ ര​ണ്ടു​മാ​സം മു​മ്പാ​ണ് ഇ​തി​ന​ടു​ത്ത സ്ഥ​ല​ത്ത് വെ​ച്ച് കാ​ട്ടു​പ​ന്നി ആ​ക്ര​മി​ച്ച​ത്. പ​ക​ൽ സ​മ​യ​ത്ത് പോ​ലും കാ​ട്ടു​പ​ന്നി​ക​ൾ അ​ക്ര​മാ​സ​ക്ത​രാ​യി ജ​ന​ജീ​വി​ത​ത്തി​ന് ഭീ​ഷ​ണി ഉ​യ​ർ​ത്തി​യി​ട്ടും പ്ര​ദേ​ശ​ത്തെ കാ​ട്ടു​പ​ന്നി​ക​ളെ വെ​ടി​വെ​ച്ചു കൊ​ല്ലാ​നു​ള്ള ന​ട​പ​ടി​ക​ൾ മു​ന്നോ​ട്ടു പോ​കു​ന്നി​ല്ലെ​ന്ന് പ്ര​ദേ​ശ​വാ​സി​ക​ൾ പ​രാ​തി​പ്പെ​ട്ടു.

ഇ​വി​ടെ​നി​ന്ന് അ​ല്പം അ​ക​ലെ​യു​ള്ള ഒ​ലി​പ്പാ​റ​യി​ലാ​ണ് ക​ഴി​ഞ്ഞ​വ​ർ​ഷം കാ​ട്ടു​പ​ന്നി കു​ത്തി ടാ​പ്പിം​ഗ് തൊ​ഴി​ലാ​ളി മ​ത്താ​യി മ​രി​ച്ചത്.