അ​ന്വേ​ഷ​ണം സി​ബി​ഐ​യ്ക്ക് വി​ട​ണ​മെ​ന്ന് ആവശ്യം
Friday, November 25, 2022 12:35 AM IST
മു​ത​ല​മ​ട : ച​പ്പ​ക്കാ​ട്ടി​ൽ 15 മാ​സം മു​ൻ​പ് കാ​ണാ​താ​യ ര​ണ്ട് യു​വാ​ക്ക​ളെ​ക്കു​റി​ച്ച് അ​ന്വേഷ​ണം സി​ബി​ഐ വി​ട​ണ​മെ​ന്നാ​വ​ശ്യ​പ്പെ​ട്ട് സ്ഥ​ല​ത്തെ പ​ഞ്ചാ​യ​ത്തം​ഗം സം​സ്ഥാ​ന പ​ട്ടി​ക​ജാ​തി, പ​ട്ടി​ക​വ​ർ​ഗ, പി​ന്നോ​ക്ക ക്ഷേ​മ മ​ന്ത്രി കെ. ​രാ​ധാ​കൃ​ഷ്ണ​നു പ​രാ​തി ന​ല്കി. മു​ത​ല​മ​ട ക്ഷേ​മ​കാ​ര്യ സ​മി​തി സ്ഥി​രം സ​മി​തി അ​ധ്യ​ക്ഷ ക​ൽ​പ്പ​ന ദേ​വി​യാ​ണ് പ​രാ​തി ന​ല്കി​യി​രി​ക്കു​ന്ന​ത്.
മു​ത​ല​മ​ട ച​പ്പ​ക്കാ​ട് സ്റ്റീ​ഫ​ൻ സാ​മു​വ​ൽ (29) മു​രു​കേ​ശ​ൻ (29) എ​ന്നി​വ​രാ​ണ് 2021 ആ​ഗ​സ്റ്റ് 30ന് ​കാ​ണാ​താ​യ​ത്.
കൊ​ല്ല​ങ്കോ​ട് പോ​ലീ​സ് ഒ​ന്പ​ത് മാ​സ​ത്തോ​ളം ഫ​യ​ർ​ഫോ​ഴ്സ്, വ​നം​വ​കു​പ്പ്, സ്കൂബാ​ടീം ഉ​ൾ​പ്പെ​ടെ​യു​ള്ള ജീ​വ​ന​ക്കാ​രെ ഉ​പ​യോ​ഗി​ച്ച് അ​ന്വേ​ഷ​ണം ന​ട​ത്തി​യെ​ങ്കി​ലും കാ​ണാ​താ​യ​വ​രെ​ക്കു​റി​ച്ച് ഒ​രു വി​വ​ര​വും ല​ഭി​ച്ചി​ല്ല.
കാ​ണാ​താ​യ​വ​രു​ടെ കു​ടും​ബ​ക്കാ​രും നാ​ട്ടു​കാ​രും അ​ന്വേ​ഷ​ണം ശ​ക്ത​മാ​ക്ക​ണ​മെ​ന്നാ​വ​ശ്യ​പ്പെ​ട്ട​തി​നെ തു​ട​ർ​ന്ന് ജി​ല്ലാ പോ​ലീ​സ് മേ​ധാ​വി അ​ന്വേ​ഷ​ണ ചു​മ​ത​ല ക്രൈം​ബ്രാ​ഞ്ച് ഡി​വൈ​എ​സ്പി സു​ന്ദ​ര​നു കൈ​മാ​റി.
എ​ന്നാ​ൽ ഡി​വൈ​എ​സ്പി​യു​ടെ നേ​തൃ​ത്വ​ത്തി​ൽ വീ​ണ്ടും യു​വാ​ക്ക​ൾ​ക്കു വേ​ണ്ടി തി​ര​ച്ചി​ൽ ന​ട​ത്തി​യി​രു​ന്നു. കൂ​ടാ​തെ സം​ഭ​വ​വു​മാ​യി ബ​ന്ധ​പ്പെ​ട്ടു നൂ​റി​ലേ​റെ​പ്പേ​രെ ചോ​ദ്യം ചെ​യ്തെ​ങ്കി​ലും അ​വി​ടേ​യും പ്ര​തീ​ക്ഷ​യ്ക്കു വ​ക​യി​ല്ലാ​തെ വീ​ണ്ടും അ​ന്വേ​ഷ​ണം വ​ഴി​മു​ട്ടി​യ നി​ല​യി​ലാ​യി.
ഇ​തി​നി​ടെ തെന്മല​യി​ൽ ഒ​രു ത​ല​യോ​ട്ടി ല​ഭി​ച്ച​തു കേ​ന്ദ്രീ​ക​രി​ച്ച് പോ​ലീ​സ് ന​ട​ത്തി​യ പ​രി​ശോ​ധ​ന​ക​ളും എ​വി​ടേ​യു​മെ​ത്തി​യില്ല. ​ത​ല​യോ​ട്ടി​യു​ടെ ഡി​എ​ൻ​എ പ​രി​ശോ​ധ​ന ഫ​ല​വും ആ​റു മാ​സ​മാ​യും വെ​ളി​ച്ചം ക​ണ്ടി​ല്ല.
ഈ ​സാ​ഹ​ച​ര്യ​ത്തി​ലാ​ണ് സാ​മൂ​വ​ൽ സ്റ്റീ​ഫ​ൻ, മു​രു​കേ​ശ​ൻ എ​ന്നി​വ​രു​ടെ അ​ന്വേ​ഷ​ണം സി​ബി​ഐ​യ്ക്കു വി​ട​ണ​മെ​ന്ന ആ​വ​ശ്യ​വു​മാ​യി പ​ഞ്ചാ​യ​ത്തം​ഗം മ​ന്ത്രിക്കു പ​രാ​തി ന​ല്കി​യി​രി​ക്കു​ന്ന​ത്. ഈ ​വി​ഷ​യം സ​ർ​ക്കാ​രി​ൽ അ​റി​യി​ച്ച് തു​ട​ർ​ന​ട​പ​ടി​ക്കു ശ്ര​മി​ക്കാ​മെ​ന്ന് മ​ന്ത്രി മ​റു​പ​ടി ന​ല്കി​യി​ട്ടു​മു​ണ്ട്.
Copyright @ 2022 , Rashtra Deepika Ltd.