വൈ​ദ്യു​താ​ഘാ​ത​മേ​റ്റ് കാ​ട്ടു​കൊ​ന്പ​ൻ ചെ​രി​ഞ്ഞു
Friday, July 5, 2024 4:16 AM IST
കോ​ത​മം​ഗ​ലം: കോ​ട്ട​പ്പ​ടി ഉ​പ്പു​ക​ണ്ട​ത്ത് വൈ​ദ്യു​തി ലൈ​നി​ൽ​നി​ന്ന് ഷോ​ക്കേ​റ്റ് കാ​ട്ടു​കൊ​ന്പ​ൻ ചെരി​ഞ്ഞു. ഉ​പ്പു​ക​ണ്ട​ത്തി​ന് സ​മീ​പം കു​ട്ടം​കു​ള​ത്തെ കൃ​ഷി​യി​ട​ത്തി​ലാ​ണ് കാ​ട്ടു​കൊ​ന്പ​ന്‍റെ ജ​ഡം ക​ണ്ടെ​ത്തി​യ​ത്. കൃ​ഷി​യി​ട​ത്തി​ന് മു​ക​ളി​ലൂ​ടെ ക​ട​ന്നു​പോ​കു​ന്ന 220 കെ.​വി. വൈ​ദ്യു​തി ലൈ​നി​ൽ നി​ന്നും ഷോ​ക്കേ​റ്റ​താ​ണ് ആ​ന ചെ​രി​യാ​ൻ കാ​ര​ണം.

ആ​ന കു​ത്തി​മ​റി​ച്ചി​ട്ട പ​ന ലൈ​നി​ലേ​ക്ക് വീ​ഴു​ക​യും അ​തു​വ​ഴി വൈ​ദ്യു​തി പ്ര​വ​ഹി​ക്കു​ക​യു​മാ​യി​രു​ന്നു. പ​തി​ന​ഞ്ച് വ​യ​സി​ന് മു​ക​ളി​ലു​ള്ള കൊ​ന്പ​നാ​ണ് ചെ​രി​ഞ്ഞ​ത്. ഇ​ന്ന​ലെ രാ​വി​ലെ കൃ​ഷി​യി​ട​ത്തി​ലെ​ത്തി​യ​വ​രാ​ണ് ആ​ന​യു​ടെ ജ​ഡം ക​ണ്ട​ത്. തു​ട​ർ​ന്ന് വ​ന​പാ​ല​ക​രെ വി​വ​രം അ​റി​യി​ച്ചു. മേ​യ്ക്ക​പ്പാ​ല ഫോ​റ​സ്റ്റ് സ്റ്റേ​ഷ​ന്‍റെ പ​രി​ധി​യി​ൽ വ​രു​ന്ന പ്ര​ദേ​ശ​മാ​ണി​ത്. ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി തു​ട​ർ ന​ട​പ​ടി​ക​ൾ സ്വീ​ക​രി​ച്ചു.

ഉ​ച്ച​ക​ഴി​ഞ്ഞ് ര​ണ്ടോ​ടെ ആ​ന​യെ പോ​സ്റ്റു​മോ​ർ​ട്ട​ത്തി​നും സം​സ്ക​രി​ക്കു​ന്ന​തി​നു​മാ​യി ക്രെ​യി​ൻ ഉ​പ​യോ​ഗി​ച്ച് സ്ഥ​ല​ത്തു​നി​ന്ന് നീ​ക്കം ചെ​യ്തു. ഹൈ​ടെ​ൻ​ഷ​ൻ വൈ​ദ്യു​തി ലൈ​നി​ൽ നി​ന്നും ഷോ​ക്കേ​ൽ​ക്കാ​നി​ട​യാ​യ സാ​ഹ​ച​ര്യ​ത്തെ​ക്കു​റി​ച്ച് അ​ന്വേ​ഷി​ക്കു​മെ​ന്ന് ഉ​ദ്യോ​ഗ​സ്ഥ​ർ പ​റ​ഞ്ഞു.

വൈ​ദ്യു​തി ലൈ​നി​ന​ടു​ത്ത് ഉ​യ​ര​ത്തി​ലു​ള്ള മ​ര​ങ്ങ​ൾ വ​ള​ർ​ത്താ​ൻ പാ​ടി​ല്ലാ​ത്ത​താ​ണ്. ഇ​ക്കാ​ര്യ​ത്തി​ൽ വീ​ഴ്ച​യു​ണ്ടാ​യി​ട്ടു​ണ്ടോ​യെ​ന്ന് പ​രി​ശോ​ധി​ക്കും. കൊ​ന്പ​ൻ ച​രി​ഞ്ഞ​വി​വ​രം അ​റി​ഞ്ഞ് നൂ​റു​ക​ണ​ക്കി​ന് ആ​ളു​ക​ൾ സ്ഥ​ല​ത്തെ​ത്തി​യി​രു​ന്നു. കോ​ട്ട​പ്പാ​റ വ​ന​മേ​ഖ​ല​യി​ൽ നി​ന്നും പ​തി​വാ​യി നാ​ട്ടി​ലി​റ​ങ്ങു​ന്ന ആ​ന​ക​ളി​ലൊ​ന്നാ​ണ് ച​രി​ഞ്ഞ​ത്.

Copyright @ 2022 , Rashtra Deepika Ltd.