മ​റ​യൂ​ർ: സ്‌​കൂ​ൾ വി​ദ്യാ​ർ​ഥി​ക​ൾ സ​ഞ്ച​രി​ച്ച വാ​ഹ​ന​ത്തെ ഇ​ടി​ച്ച ശേ​ഷം ക​മാ​ൻഡർ ജീ​പ്പ് നി​ർ​ത്താ​തെ പോ​യ​താ​യി പ​രാ​തി. മ​ക്ക​ളെ സ്‌​കൂ​ളി​ൽ വി​ടാ​ൻ പോ​യ ബാ​ബു​ന​ഗ​ർ സ്വ​ദേ​ശി എ​ൻ. ജ​നാ​ർ​ദനന്‍റെ കാ​റി​ലാണ് വി​നോ​ദ സ​ഞ്ചാ​രി​ക​ളു​മാ​യി പോ​യ സ​ഫാ​രി ജീ​പ്പ് (കെ.​എ​ൽ.19 - എ . 4508) ​ഇ​ടി​ച്ച​തി​നു​ശേ​ഷം നി​ർ​ത്താ​തെ പോ​യ​ത്. കാ​റി​ൽ ജ​നാ​ർ​ദനന്‍റെ പ​തി​നൊ​ന്നും ഒ​മ്പ​തും വ​യ​സു​ള്ള കു​ട്ടി​ക​ൾ ഉ​ണ്ടാ​യി​രു​ന്നു.

വ്യാ​ഴാ​ഴ്ച രാ​വി​ലെ 9.15 നാ​ണ് സം​ഭ​വം. ജ​നാ​ർ​ദ​ന​ൻ കു​ട്ടി​ക​ളെ സ്കൂ​ളി​ൽ എ​ത്തി​ക്കു​ന്ന​തി​നാ​യി കാ​റി​ൽ സ​ഹാ​യ​ഗി​രി​ക്ക് സ​മീ​പം എ​ത്തി​യ​പ്പോ​ഴാ​ണ് അ​പ​ക​ടം. കാ​ർ ജീ​പ്പി​നു പിറ​കി​ലാ​യാ​ണ് സ​ഞ്ച​രി​ച്ചി​രു​ന്ന​ത്. ഈ ​സ​മ​യം ആം​ബു​ല​ൻ​സ് വ​ന്ന​തി​നെത്തുട​ർ​ന്ന് പെ​ട്ടെ​ന്ന് ഇ​രു വാ​ഹ​ന​ങ്ങ​ളും നി​ർ​ത്തി​യ​പ്പോ​ൾ കാ​ർ ജീ​പ്പി​ന്‍റെ പി​ൻ​ഭാ​ഗ​ത്തെ ന​മ്പ​ർ പ്ലേറ്റി​ൽ ഉ​ര​സി. ഇ​തി​ൽ പ്ര​കോ​പി​ത​നാ​യി ര​ണ്ടു​ത​വ​ണ ജീ​പ്പ് പിറ​കി​ലേ​ക്ക് എ​ടു​ത്ത് കാ​റി​ന്‍റെ ബ​മ്പ​റി​ൽ ഇ​ടി​പ്പിക്കു​ക​യാ​യി​രു​ന്നു​വെ​ന്ന് ജ​നാ​ർ​ദ​ന​ൻ പ​റ​ഞ്ഞു.

സം​ഭ​വ​വു​മാ​യി ബ​ന്ധ​പ്പെ​ട്ട് ജ​നാ​ർ​ദന​ൻ മ​റ​യൂ​ർ പോ​ലീ​സി​ൽ പ​രാ​തി ന​ൽ​കി. ഇ​ടി​യു​ടെ ആ​ഘാ​ത​ത്തി​ൽ കു​ട്ടി​ക​ൾ​ക്ക് ര​ണ്ടു​പേ​ർ​ക്കും ത​ല​യ്ക്കും കാ​ലി​നും പ​രി​ക്കേ​റ്റു . ഇ​വ​രെ സ​മീ​പ​ത്തെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ച് പ്രാ​ഥ​മി​ക ചി​കി​ത്സ ന​ൽ​കി.

വി​നോ​ദ​സ​ഞ്ചാ​രി​ക​ളു​ടെ പ്ര​ധാ​ന ആ​ക​ർ​ഷ​ണ​മാ​യ സ​ഫാ​രി ജീ​പ്പു​ക​ൾ നി​യ​ന്ത്ര​ണ​മി​ല്ലാ​തെ ചീ​റി​പ്പാ​യു​ന്ന​ത് അ​പ​ക​ടം സൃ​ഷ്ടി​ക്കു​ന്നെ​ന്നും ഇ​വ​യ്​ക്ക് നി​യ​ന്ത്ര​ണം ഏ​ർ​പ്പെ​ടു​ത്ത​ണ​മെ​ന്നും നാ​ട്ടു​കാ​ർ ആവശ്യപ്പെട്ടു.

ക​ഴി​ഞ്ഞ മേ​യി​ൽ മ​റ​യൂ​രി​ൽ ജീ​പ്പ് സ​വാ​രി ക​ഴി​ഞ്ഞ് സു​ഹൃ​ത്തു​ക്ക​ളു​മാ​യി പോ​യ ജീ​പ്പ് മ​റി​ഞ്ഞു​ണ്ടാ​യ അ​പ​ക​ട​ത്തി​ൽ മേ​ലാ​ടി സ്വ​ദേ​ശി ന​ന്ദു എ​ന്ന് വി​ളി​ക്കു​ന്ന നാ​ഗമ​ണി​ക​ണ്ഠ​ൻ മ​രിച്ചതിനെത്തു​ട​ർ​ന്ന് മോ​ട്ടോ​ർ വാ​ഹ​ന വ​കു​പ്പ് പ​രി​ശോ​ധ​ന ശ​ക്ത​മാ​ക്കി​യി​രു​ന്നു. ഇ​പ്പോ​ൾ പ​രി​ശോ​ധന നി​ല​ച്ച മ​ട്ടാ​ണ്. ഇ​താ​ണ് അ​പ​ക​ടം വ​ർ​ധിപ്പി​ക്കു​ന്ന​തെ​ന്നു നാ​ട്ടു​കാ​ർ ആ​രോ​പി​ച്ചു.