മുഹ​മ്മ: കാ​യി​പ്പു​റം കൂ​ബ്ലിക്കാ​ട് മേ​ഖ​ല​യി​ൽ കു​റു​വാസം​ഘം ക​വ​ർ​ച്ച​യ്ക്ക് എ​ത്തി​യ​ത് നാ​ടി​നെ ഭീ​തി​യി​ലാ​ക്കി. തു​രു​ത്ത​ൻ ക​വ​ല​യ്ക്കു കി​ഴ​ക്ക് കൂ​ബ്ലിക്കാ​ട് പീടിക വെ​ളി​യി​ൽ രാ​ധാ​മ​ണി​യു​ടെ വീ​ട്ടി​ലാ​ണ് ക​വ​ർ​ച്ചാശ്ര​മം ന​ട​ന്ന​ത്. രാ​ത്രി പ​തി​നൊ​ന്നോടെ യാ​ണ് സം​ഭ​വം.

രാ​ധാ​മ​ണി​യു​ടെ ബ​ന്ധു​വാ​യ വി​ഷ്ണു​പ്രിയ​യാ​ണ് മോ​ഷ്ടാ​വി​നെ ക​ണ്ട​ത്. വീ​ട്ടു​കാ​ർ അ​ക​ത്തി​രി​ന്ന​പ്പോ​ൾ വീ​ടി​നോ​ട് ചേ​ർ​ന്നു​ള്ള പൈ​പ്പി​ൽനി​ന്ന് വെ​ള്ളം ചീ​റ്റു​ന്ന ശ​ബ്ദം കേ​ട്ടി​രി​ന്നു. അ​ൽ​പ്പം ക​ഴി​ഞ്ഞ​പ്പോ​ൾ കു​റ്റി​യി​ട്ടി​രി​ന്ന വാ​തി​ൽ തു​റ​ക്കാ​നു​ള്ള ശ്ര​മം ന​ട​ത്തു​ന്ന ശ​ബ്ദ​വും കേ​ട്ടു. വീ​ട്ടു​കാ​ർ ഭ​യ​ച​കി​ത​രാ​യി ഇ​രി​ക്കു​മ്പോ​ഴാ​ണ് ജ​നാ​ല​യു​ടെ ക​ർ​ട്ട​ൻ നീ​ക്കി യു​വാ​വ് നോ​ക്കു​ന്ന​ത് ക​ണ്ട​ത്. വീ​ട്ടു​കാ​ർ ഉ​റ​ക്കെ നി​ല​വി​ളി​ച്ച​പ്പോ​ൾ ഓ​ടി ര​ക്ഷ​പ്പെടു​ക​യാ​യി​രു​ന്നു. റോ​ഡ​രികി​ലാ​ണ് രാ​ധാ​മ​ണി​യു​ടെ വീ​ട്. രാ​ധാ​മ​ണി​യു​ടെ ര​ണ്ടു വീ​ടി​ന് തെ​ക്ക് ഭാ​ഗ​ത്തു​ള്ള ഇ​ട​പ്പറ​മ്പി​ൽ ന​ളി​നി​യു​ടെ വീ​ട്ടി​ലെ പൈ​പ്പും തു​റ​ന്നി​ട്ടു. വീ​ട്ടു​കാ​ർ സ്ഥ​ല​ത്ത് ഇ​ല്ലാ​തി​രു​ന്ന​തി​നാ​ൽ വാ​തി​ൽ തു​റ​ന്നി​ല്ല.

ര​ണ്ടു ദി​വ​സം മു​ൻ​പ് കാ​ഴ്ച​യി​ൽ മ​ല​യാ​ളി​ക​ള​ല്ലാ​ത്ത ര​ണ്ടു യു​വാ​ക്ക​ൾ റോ​ഡി​ലൂ​ടെ നി​രീ​ക്ഷ​ണം ന​ട​ത്തി പോ​യി​രി​ന്ന​താ​യി വി​ഷ്ണു​പ്രി​യ പ​റ​യു​ന്നു. ബാ​ഗും തൂ​ക്കി​യാ​ണ് ഇ​വ​ർ സ​ഞ്ച​രി​ച്ചി​രി​ന്ന​ത്. ഇ​വ​രെ ക​ണ്ടാ​ൽ തി​രി​ച്ച​റി​യാ​ൻ ക​ഴി​യു​മെ​ന്നും വി​ഷ്ണു​പ്രി​യ പ​റ​യു​ന്നു. കാ​യ​ൽ തീ​ര​ത്തു​ള്ള റി​സോ​ർ​ട്ടു​ക​ളി​ൽ ജോ​ലി​ക്കെ​ത്തി​യ ഇതരസം​സ്ഥാ​ന​ക്കാരാ​ണോ എ​ന്ന​റി​യാ​ൻ പോ​ലീ​സ് ശ്ര​മി​ച്ചെ​ങ്കി​ലും അ​വ​ർ അ​ല്ലെ​ന്ന് ബോ​ധ്യ​മാ​യി​ട്ടു​ണ്ട്.

ചൊ​വ്വാ​ഴ്ച രാ​ത്രി ത​ണ്ണീ​ർ​മു​ക്കം വാ​താ​പ​റ​മ്പ് ക്ഷേ​ത്ര​ത്തി​നു സ​മീ​പ​വും കു​റു​വാസം​ഘ​ത്തെ ക​ണ്ട​താ​യി വാ​ർ​ത്ത പ​ര​ന്നി​രി​ന്നു. വാ​താപ്പറ​മ്പ് അ​യ്യ​പ്പ​ക്ഷേ​ത്ര​ത്തി​ൽ രാ​ത്രി വൈ​ദ്യു​തി മു​ട​ങ്ങി​യ നേ​ര​ത്താ​ണ് ഇതര​സം​സ്ഥാ​ന​ക്കാ​ർ എ​ന്നു തോ​ന്നു​ന്ന നാ​ലം​ഗ സം​ഘം എ​ത്തി​യ​ത്. മ​ഴ​യ​ത്ത് ക​യ​റി​വ​ന്ന ഇ​വ​രെ ക​ണ്ട് സ്ത്രീക​ൾ ശ​ബ്ദ​മു​ണ്ടാ​ക്കി​യ​പ്പോ​ൾ ഓ​ടി ര​ക്ഷ​പ്പെ​ടു​ക​യാ​യി​രു​ന്നു. തു​ട​ർ​ന്ന് കു​റ​വാസം​ഘ​ത്തെ ക​ണ്ട​തി​നാ​ൽ ജ​നം ജാ​ഗ​രൂ​ക​രാ​ക​ണ​മെ​ന്ന് കാ​ണി​ച്ച് പ​ഞ്ചാ​യ​ത്തം​ഗം സോ​ഷ്യ​ൽ മീ​ഡി​യാ​യി​ൽ ഇ​ട്ട സ​ന്ദേ​ശ​വും വ്യാ​പ​ക​മാ​യി പ്ര​ച​രി​ച്ചു.

പോ​ലീ​സ് നി​രീ​ക്ഷ​ണം ശ​ക്ത​മാ​ക്കി​യി​ട്ടു​ണ്ട്. 14 അം​ഗ കു​റു​വാസം​ഘ​ത്തി​ൽ സ​ന്തോ​ഷ് ശെ​ൽ​വ​നെ മാ​ത്ര​മാ​ണ് പി​ടി​കൂ​ടി​യി​ട്ടു​ള്ള​ത്. ക​ള​ർ​കോ​ട്, കോ​മ​ള​പു​രം, മ​ണ്ണ​ഞ്ചേ​രി മേ​ഖ​ല​ക​ളി​ൽ സി​സി​ടി​വി ദൃ​ശ്യ​ങ്ങ​ളി​ൽ പ​തി​ഞ്ഞ സ​ന്തോ​ഷ് ശെ​ൽ​വ​ന്‍റെ കൂ​ട്ടാ​ളി​ക​ളെ തി​രി​ച്ച​റി​ഞ്ഞി​ട്ടു​ണ്ടെ​ങ്കി​ലും ഇ​വ​ർ ത​മി​ഴ്നാ​ട്ടി​ലേ​ക്ക് ക​ട​ന്ന​താ​യാ​ണ് പോ​ലീ​സി​ന്‍റെ നി​ഗ​മ​നം.