പ​ത്ത​നം​തി​ട്ട: മി​നി സി​വി​ൽ സ്റ്റേ​ഷ​നി​ലെ ജ​ല​ക്ഷാ​മ​ത്തി​ന് പ​രി​ഹാ​ര​മാ​യി. മി​നി സി​വി​ൽ സ്റ്റേ​ഷ​നി​ലേ​ക്കു​ള്ള പൈ​പ്പ് ലൈ​നി​ൽ മീ​റ്റ​ർ ഭാ​ഗ​ത്ത് ചെ​ളി​യ​ടി​ഞ്ഞ് വെ​ള്ളം ത​ട​ഞ്ഞു നി​ന്ന​താ​ണ് ജ​ല​ക്ഷാ​മ​ത്തി​ന് കാ​ര​ണ​മാ​യ​ത്.

ജ​ല അ​ഥോ​റി​റ്റി ജീ​വ​ന​ക്കാ​ർ ഇ​ന്ന​ലെ മീ​റ്റ​ർ പ​രി​ശോ​ധി​ച്ച​പ്പോ​ഴാ​ണ് ചെ​ളി അ​ടി​ഞ്ഞു കി​ട​ക്കു​ന്ന​ത് ശ്ര​ദ്ധ​യി​ൽ​പ്പെ​ട്ട​ത്. ഈ ​ഭാ​ഗം വൃ​ത്തി​യാ​ക്കി​യ ശേ​ഷം വെ​ള്ളം ടാ​ങ്കി​ലേ​ക്ക് തു​റ​ന്നു​വി​ട്ടു. മി​നി സി​വി​ൽ സ്റ്റേ​ഷ​നി​ലെ ശു​ചി​മു​റി​ക​ളി​ലേ​ക്കു​ള്ള പൈ​പ്പു ലൈ​നി​ൽ ചോ​ർ​ച്ച​യു​ള്ള​താ​യും സം​ശ​യ​മു​ണ്ട്.

ഇ​തി​ന്‍റെ അ​റ്റ​കു​റ്റ​പ്പ​ണി​ക​ൾ ന​ട​ത്തേ​ണ്ട​ത് താ​ലൂ​ക്ക് ഓ​ഫീ​സ് അ​ധി​കൃ​ത​രാ​ണ്.ഒ​രു ദി​വ​സം 800 ലി​റ്റ​ർ വെ​ള്ള​മാ​ണ് ഒ​രു പൈ​പ്പ് ലൈ​നി​ലൂ​ടെ മി​നി സി​വി​ൽ സ്റ്റേ​ഷ​നിലെ ടാ​ങ്കി​ലേ​ക്ക് എ​ത്തു​ന്ന​ത്. ര​ണ്ട് ലൈ​നു​ക​ളാ​ണു​ള്ള​ത്. ഒ​ന്നി​ട​വി​ട്ട ദി​വ​സ​ങ്ങ​ളി​ലാ​ണ് വെ​ള​ളം പ​മ്പ് ചെ​യ്യു​ന്ന​ത്. ഇ​ത് വ​ലി​യ ടാ​ങ്കി​ൽ സം​ഭ​രി​ച്ച ശേ​ഷ​മാ​ണ് ശു​ചി​മു​റി​ക​ളി​ലേ​ക്ക് എ​ത്തു​ന്ന​ത്.

പൈ​പ്പ് ലൈ​നു​ക​ൾ വ​ഴി വെ​ള്ളം ല​ഭി​ക്കാ​തി​രു​ന്ന​തി​നെ​ത്തു​ട​ർ​ന്ന് ക​ഴി​ഞ്ഞ ദി​വ​സം ജീ​വ​ന​ക്കാ​ർ ഒ​രു മ​ണി​ക്കൂ​റി​ലേ​റെ ജോ​ലി നി​ർ​ത്തി​വ​ച്ച് പ്ര​തി​ഷേ​ധി​ച്ചി​രു​ന്നു. ഇ​തേ തു​ട​ർ​ന്ന് ജ​ല അ​ഥോ​റി​റ്റി ഉ​ദ്യോ​ഗ​സ്ഥ​രെ​ത്തി പ​രി​ശോ​ധ​ന ന​ട​ത്തി.

വെ​ള്ളം പ​തി​വു​പോ​ലെ പ​മ്പ് ചെ​യ്തി​ട്ടു​ണ്ടെ​ന്നും പൈ​പ്പ് ലൈ​നി​ലെ ത​ക​രാ​ർ കാ​ര​ണ​മാ​ണ് ശു​ചി​മു​റി​ക​ളി​ൽ എ​ത്താ​തി​രു​ന്ന​തെ​ന്നു സം​ശ​യി​ച്ചി​രു​ന്ന​താ​യി അ​ധി​കൃ​ത​ർ പ​റ​ഞ്ഞു.