പേരയം പഞ്ചായത്തിൽ കർഷകർക്ക് പരിശീലനം നൽകി
1429114
Friday, June 14, 2024 12:01 AM IST
കുണ്ടറ : പേരയം കൃഷി ഭവന്റെയും ആത്മയുടെയും നേതൃത്ത്വത്തിൽ കർഷകർക്കായി സുഗന്ധവിളകൾ ഉപയോഗിച്ചുള്ള മൂല്യ വർധിത ഉൽപന്നങ്ങളുടെ നിർമാണം സംബന്ധിച്ച് പരിശീലനം നൽകി. പഞ്ചായത്ത് പ്രസിഡന്റ് അഡ്വ. അനീഷ് പടപ്പക്കര ഉദ്ഘാടനം ചെയ്തു. വൈസ് പ്രസിഡന്റ് റെയ്ച്ചൽ ജോൺസൺ അധ്യക്ഷത വഹിച്ചു.
പഞ്ചായത്ത് വികസന സ്ഥിരം സമിതി അധ്യക്ഷൻ ബി. സ്റ്റാഫോർഡ് , ക്ഷേമകാര്യ സ്ഥിരം സമിതി അധ്യക്ഷ എൻ. ഷേർളി, ആരോഗ്യ സ്ഥിരം സമിതി അധ്യക്ഷ ലത ബിജു, ഗ്രാമ പഞ്ചായത്തംഗംങ്ങളായ ആലീസ് ഷാജി, വിനോദ് പാപ്പച്ചൻ , കൃഷി ഓഫീസർ ടെസി റെയ്ച്ചൽ തോമസ് എന്നിവർ പ്രസംഗിച്ചു.