പു​ന​ലൂ​ര്‍ : കേ​ന്ദ്ര വെ​യ​ര്‍​ഹൗ​സി​ംഗ് കോ​ര്‍​പറേ​ഷ​ര്‍ (സിഡ​ബ്ള്യു​സി) പു​ന​ലൂ​രി​ല്‍ നി​ര്‍​മി​ക്കു​ന്ന ഭ​ക്ഷ്യ​വ​സ്തു സം​ഭ​ര​ണ ശാ​ല​ക്കാ​യി മൈ​ല​യ്ക്ക​ല്‍ വാ​ര്‍​ഡി​ലെ വ​ട്ട​പ്പ​ട​യി​ല്‍ ന​ഗ​ര​സ​ഭ ന​ല്‍​കു​ന്ന ഭൂ​മി അ​ള​ന്നു​തി​രി​ക്കു​ന്ന​തി​നു​ള്ള ന​ട​പ​ടി ആ​രം​ഭി​ച്ചു. ഇ​തി​ന്‍റെ ഭാ​ഗ​മാ​യി സ​ര്‍​വേ ജീ​വ​ന​ക്കാ​ര്‍ ക​ഴി​ഞ്ഞ ദി​വ​സം ഭൂ​മി സ​ന്ദ​ര്‍​ശി​ച്ചു. ന​ഗ​ര​സ​ഭാ വൈ​സ് ചെ​യ​ർ​മാ​ന്‍ ഡി.​ദി​നേ​ശ​ന്‍, വാ​ര്‍​ഡ് കൗ​ണ്‍​സി​ല​ർ വി.​പി.​ഉ​ണ്ണി​കൃ​ഷ്ണ​ന്‍ എ​ന്നി​വ​ര്‍​ക്കൊ​പ്പ​മാ​ണ് ജീ​വ​ന​ക്കാ​ര്‍ സ്ഥ​ലം പ​രി​ശോ​ധി​ച്ച​ത്. എ​ന്നാ​ല്‍ സ്ഥ​ല​ത്ത് കാ​ടു​തെ​ളി​ക്കു​ക​യും ഏ​താ​നും മ​രം മു​റി​ച്ചു​നീ​ക്കു​ക​യും ചെ​യ്യേ​ണ്ട​തി​നാ​ല്‍ ഇ​തി​നു ശേ​ഷ​മേ സ​ര്‍​വേ തു​ട​ങ്ങൂ. ഇ​തി​നാ​യി താ​ലൂ​ക്ക് ഓ​ഫീ​സി​ല്‍ നി​ന്നും ന​ഗ​ര​സ​ഭ​ക്ക് ക​ത്ത് ന​ല്‍​കും.

ഒ​ന്ന​ര​വ​ര്‍​ഷം മു​ന്‍​പ് ആ​രം​ഭി​ച്ച പ​ദ്ധ​തി​ക്കാ​യി ഇ​തു​വ​രേ​യും ഭൂ​മി അ​ള​ന്നു​തി​രി​ച്ചു​ന​ല്‍​കാ​ത്ത​ത് സം​ബ​ന്ധി​ച്ച് ആ​ക്ഷേ​പം ഉ​യ​ർ​ന്നി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് ക​ഴി​ഞ്ഞ​ദി​വ​സം ന​ട​പ​ടി തു​ട​ങ്ങി​യ​ത്.

വ​ട്ട​പ്പ​ട​യി​ല്‍ ന​ഗ​ര​സ​ഭ​യു​ടെ ഉ​ട​മ​സ്ഥ​ത​​യി​ലു​ള്ള പ​ത്തേ​ക്ക​ര്‍ ഭൂ​മി​യി​ല്‍ നി​ന്നാ​ണ് സം​ഭ​ര​ണ​ശാ​ല​ക്ക് സ്ഥ​ലം ന​ല്‍​കു​ന്ന​ത്. 30 വ​ര്‍​ഷ​ത്തെ പാ​ട്ട​ത്തി​ന് ര​ണ്ട​ര ഏ​ക്ക​ര്‍ ഭൂ​മി വി​ട്ടു​ന​ല്‍​കാ​നാ​ണ് ധാ​ര​ണ. ഇ​തി​നു പു​റ​മേ ന​ഗ​ര​സ​ഭ​യു​ടെ ത​ന്നെ സ​മ​ഗ്ര കു​ടി​വെ​ള്ള പ​ദ്ധ​തി​യു​ടെ ശു​ദ്ധീ​ക​ര​ണ ശാ​ല നി​ര്‍​മി​ക്കു​ന്ന​തി​ന് ഒ​ന്ന​ര ഏ​ക്ക​റും സം​സ്ഥാ​ന ബ​ജ​റ്റി​ലെ പ്ര​ഖ്യാ​പ​ന​മാ​യ പെ​റ്റ് മീ​ല്‍ ഫാ​ക്ട​റി നി​ര്‍​മി​ക്കു​ന്ന​തി​ന് ര​ണ്ടേ​ക്ക​റും ന​ല്‍​കും. ഇ​തി​നു​ള്ള ഭൂ​മി​യും അ​ള​ന്നു​ന​ല്‍​കേ​ണ്ട​തു​ണ്ട്.

പി.​എ​സ്.​സു​പാ​ല്‍ എംഎ​ല്‍എമു​ന്‍​കൈ​യെ​ടു​ത്താ​ണ് പു​ന​ലൂ​രി​ല്‍ ഭ​ക്ഷ്യ സം​ഭ​ര​ണ​ശാ​ല നി​ര്‍​മി​ക്കു​ന്ന​തി​ന് ന​ട​പ​ടി​യു​ണ്ടാ​ക്കി​യ​ത്. ക​ഴി​ഞ്ഞ​കൊ​ല്ലം മാ​ര്‍​ച്ചി​ല്‍ സിഡ​ബ്ള്യുസിയി​ല്‍ നി​ന്നു​ള്ള സം​ഘം പു​ന​ലൂ​രി​ലെ​ത്തി സ്ഥ​ലം പ​രി​ശോ​ധി​ക്കു​ക​യും ഭൂ​മി പ​ദ്ധ​തി​ക്ക് അ​നു​യോ​ജ്യ​മാ​ണെ​ന്ന് അ​റി​യി​ക്കു​ക​യും ചെ​യ്തി​രു​ന്നു. ഒ​രു വ​ര്‍​ഷ​ത്തി​നു​ള്ളി​ല്‍ സം​ഭ​ര​ണ ശാ​ല പൂ​ര്‍​ത്തി​യാ​ക്കു​മെ​ന്നാ​ണ് അ​ധി​കൃ​ത​ര്‍ ഉ​റ​പ്പു​ന​ല്‍​കി​യി​രു​ന്ന​ത്. 10,000 മെ​ട്രി​ക് ട​ണ്‍ ഭ​ക്ഷ്യ​വ​സ്തു​ക്ക​ള്‍ സം​ഭ​രി​ക്കു​ന്ന​തി​നാ​യി 12-മു​ത​ല്‍ 15 കോ​ടി രൂ​പ​വ​രെ മു​ട​ക്കി​യാ​ണ് പു​ന​ലൂ​രി​ല്‍ സം​ഭ​ര​ണ ശാ​ല നി​ര്‍​മി​ക്കു​ന്ന​ത്. സിഡ​ബ്‌​ള്യുസി​യു​ടെ കൊ​ല്ലം ജി​ല്ല​യി​ലെ​ത്ത​ന്നെ ആ​ദ്യ സം​രം​ഭ​മാ​ണി​ത്.