നീ​ലേ​ശ്വ​രം താ​ത്കാ​ലി​ക ബ​സ് സ്റ്റാ​ൻ​ഡി​ലെ ചെ​ളി​ക്കു​ളം ഗ്രാ​വ​ലി​ട്ട് നി​ക​ത്തി
Thursday, May 23, 2024 12:44 AM IST
നീ​ലേ​ശ്വ​രം: ആ​ദ്യ​മ​ഴ​യി​ൽ ത​ന്നെ ചെ​ളി​ക്കു​ള​മാ​യ നീ​ലേ​ശ്വ​ര​ത്തെ താ​ത്കാ​ലി​ക ബ​സ് സ്റ്റാ​ൻ​ഡ് യാ​ർ​ഡ് ഗ്രാ​വ​ലി​ട്ട് നി​ക​ത്തി. ചൊ​വ്വാ​ഴ്ച രാ​ത്രി വൈ​കി ബ​സു​ക​ളും യാ​ത്ര​ക്കാ​രു​മെ​ല്ലാം ഒ​ഴി​ഞ്ഞു​പോ​യ​തി​നു ശേ​ഷ​മാ​ണ് ന​ഗ​ര​സ​ഭ​യു​ടെ ആ​ഭി​മു​ഖ്യ​ത്തി​ൽ യു​ദ്ധ​കാ​ലാ​ടി​സ്ഥാ​ന​ത്തി​ൽ ഗ്രാ​വ​ലി​റ​ക്കി​യ​ത്. ഇ​റ​ക്കി​യ​തി​നൊ​പ്പം​ത​ന്നെ ജെ​സി​ബി ഉ​പ​യോ​ഗി​ച്ച് ചെ​ളി​ക്കു മു​ക​ളി​ൽ നി​ര​ത്തി ഉ​റ​പ്പി​ക്കു​ക​യും ചെ​യ്തു. പൊ​തു​മ​രാ​മ​ത്ത് സ്ഥി​രം സ​മി​തി അ​ധ്യ​ക്ഷ​ൻ കെ.​പി.​ര​വീ​ന്ദ്ര​ൻ നേ​രി​ട്ടെ​ത്തി പ്ര​വൃ​ത്തി​ക​ൾ​ക്ക് മേ​ൽ​നോ​ട്ടം വ​ഹി​ച്ചു.

രാ​ജാ​റോ​ഡി​ലെ പെ​ട്രോ​ൾ​പ​മ്പി​ന് എ​തി​ർ​വ​ശ​ത്തു​ള്ള ച​തു​പ്പു​നി​ലം മ​ണ്ണി​ട്ടു​നി​ക​ത്തി​യാ​ണ് താ​ത്കാ​ലി​ക ബ​സ് സ്റ്റാ​ൻ​ഡ് യാ​ർ​ഡ് ഒ​രു​ക്കി​യി​രു​ന്ന​ത്. ആ​ദ്യ​മ​ഴ​യി​ൽ ത​ന്നെ ഈ ​മ​ണ്ണും വെ​ള്ള​വും കൂ​ടി​ക്കു​ഴ​ഞ്ഞ് യാ​ർ​ഡ് മു​ഴു​വ​നും ചെ​ളി​ക്കു​ള​മാ​യി മാ​റു​ക​യാ​യി​രു​ന്നു.

ഇ​തി​നു മു​ക​ളി​ലൂ​ടെ ക​യ​റി​യി​റ​ങ്ങു​ന്ന ബ​സു​ക​ൾ വീ​ണ്ടും റോ​ഡി​ലേ​ക്ക് പ്ര​വേ​ശി​ക്കു​മ്പോ​ൾ രാ​ജാ​റോ​ഡ് മു​ഴു​വ​നാ​യും ചെ​ളി​യി​ൽ മു​ങ്ങു​ന്ന അ​വ​സ്ഥ​യാ​യി​രു​ന്നു. ഇ​തോ​ടെ ഇ​രു​ച​ക്ര​വാ​ഹ​ന​ങ്ങ​ൾ തെ​ന്നി​വീ​ണ് അ​പ​ക​ട​ത്തി​ൽ പെ​ടു​ന്ന സാ​ഹ​ച​ര്യ​വു​മു​ണ്ടാ​യി.

ബ​സ് സ്റ്റാ​ൻ​ഡ് യാ​ർ​ഡി​ലെ​ത്തു​ന്ന യാ​ത്ര​ക്കാ​രും ഏ​തു​നി​മി​ഷ​വും ചെ​ളി​യി​ൽ തെ​ന്നി​വീ​ഴാ​വു​ന്ന സ്ഥി​തി​യാ​യി​രു​ന്നു.