പാ​മ​ത്ത​ട്ട് ക്വാ​റി അ​നു​മ​തി​ക്കാ​യി വീ​ണ്ടും ശ്ര​മം
Saturday, May 18, 2024 12:45 AM IST
കൊ​ന്ന​ക്കാ​ട്: ഏ​താ​നും വ​ർ​ഷ​ങ്ങ​ളാ​യി കോ​ട്ട​ഞ്ചേ​രി പാ​മ​ത്ത​ട്ട് മു​ട്ടോം​ക​ട​വ് മേ​ഖ​ല​ക​ളി​ലെ ജ​ന​ങ്ങ​ൾ​ക്കി​ട​യി​ൽ വ​ലി​യ പ്ര​തി​ഷേ​ധ​ങ്ങ​ൾ​ക്കി​ട​യാ​ക്കി​യ ഒ​ന്നാ​ണ് പാ​മ​ത്ത​ട്ടി​ൽ ക​രി​ങ്ക​ൽ ക്വാ​റി തു​ട​ങ്ങാ​നു​ള്ള നീ​ക്കം.
ക്വാ​റി​ക്കാ​യി ശ്ര​മി​ക്കു​ന്ന സം​രം​ഭ​ക​ന് മു​മ്പ് ഇ​ക്കാ​ര്യ​ത്തി​നാ​യി പാ​രി​സ്ഥി​തി​കാ​നു​മ​തി ല​ഭി​ച്ചി​രു​ന്നു.​

എ​ന്നാ​ൽ ഡി​സ്ട്രി​ക് എ​ൻ​വ​യോ​ൺ​മെ​ന്‍റ് ഇം​പാ​ക്ട് അ​സ​സ്മെ​ന്‍റ് അ​തോ​റി​റ്റി ന​ൽ​കി​യ പ​രി​സ്ഥി​തി​കാ​നു​മ​തി​ക​ളു​ടെ അ​ടി​സ്ഥാ​ന​ത്തി​ൽ പ്ര​വ​ർ​ത്ത​നം തു​ട​ങ്ങാ​ത്ത ക്വാ​റി​ക​ളെ​ല്ലാം സം​സ്ഥാ​ന എ​ൻ​വ​യോ​ൺ​മെ​ന്‍റ് ഇം​പാ​ക്റ്റ് അ​സ​സ്മെ​ന്‍റ് അ​തോ​റി​റ്റി​ക്ക് പു​തി​യ അ​പേ​ക്ഷ ന​ൽ​കി ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി പാ​രി​സ്ഥി​തി​കാ​നു​മ​തി ല​ഭി​ച്ചാ​ൽ മാ​ത്ര​മേ മു​ന്നോ​ട്ടു​പോ​കാ​വൂ എ​ന്ന് ജി​ല്ലാ​ത​ല സം​വി​ധാ​ന​ത്തെ പി​രി​ച്ചു​വി​ട്ട ഗ്രീ​ൻ ട്രി​ബ്യൂ​ണ​ൽ വി​ധി​യെ​ത്തു​ട​ർ​ന്ന് സ​ർ​ക്കാ​ർ ഉ​ത്ത​ര​വു​ണ്ടാ​യി​രു​ന്നു.

അ​തി​ന്‍റെ അ​ടി​സ്ഥാ​ന​ത്തി​ൽ പു​തി​യ പാ​രി​സ്ഥി​തി​കാ​നു​മ​തി​ക്കാ​യി പാ​മ​ത്ത​ട്ടി​ലെ ക്വാ​റി സം​രം​ഭ​ക​ൻ സം​സ്ഥാ​ന അ​ഥോ​റി​റ്റി​ക്ക് അ​പേ​ക്ഷ സ​മ​ർ​പ്പി​ച്ചി​ട്ടു​ണ്ടെ​ങ്കി​ലും ഇ​തു​വ​രെ തീ​രു​മാ​ന​മാ​യി​ട്ടി​ല്ല.

എ​ന്നാ​ൽ പ്രാ​യോ​ഗി​ക​മാ​യി ഇ​പ്പോ​ൾ അ​സാ​ധു​വാ​യ പാ​രി​സ്ഥി​തി​കാ​നു​മ​തി ഉ​ണ്ടാ​യി​രു​ന്ന ഘ​ട്ട​ത്തി​ൽ ക്വാ​റി​ക്കാ​യി സ​മ്പാ​ദി​ച്ച എ​ക്സ്പ്ലോ​സീ​വ് ലൈ​സ​ൻ​സി​ന്‍റെ ബ​ല​ത്തി​ൽ ബ​ളാ​ൽ പ​ഞ്ചാ​യ​ത്തി​ൽ നി​ന്നു കോ​ട​തി ഇ​ട​പെ​ട​ലു​ക​ളു​ടെ സ​ഹാ​യ​ത്തോ​ടെ നേ​ടി​യെ​ടു​ത്ത പ്ര​വ​ർ​ത്താ​നാ​നു​മ​തി പു​തു​ക്കാ​നാ​ണ് ഇ​പ്പോ​ൾ ശ്ര​മം ന​ട​ക്കു​ന്ന​ത്.

​അ​തി​നാ​യി പ​ഞ്ചാ​യ​ത്ത് ഭ​ര​ണ​സ​മി​തി​ക്കു​മു​മ്പാ​കെ സ​മ​ർ​പ്പി​ച്ചി​ട്ടു​ള്ള അ​പേ​ക്ഷ ഇ​ന്ന​ത്തെ ഭ​ര​ണ​സ​മി​തി യോ​ഗ​ത്തി​ന്‍റെ അ​ജ​ണ്ട​യി​ൽ ഉ​ൾ​പ്പെ​ടു​ത്തി​യി​ട്ടു​ണ്ട്.

ക​ള​ക്ട​ർ മൂ​ന്നു​ത​വ​ണ എ​ൻ​ഒ​സി നി​ര​സി​ച്ചി​ട്ടും എ​ക്സ്പ്ലോ​സീ​വ് ലൈ​സ​ൻ​സ് ല​ഭ്യ​മാ​യ​ത് ബ​ന്ധ​പ്പെ​ട്ട ഒ​രു ച​ട്ട​ത്തി​ൽ തി​രി​മ​റി ന​ട​ത്തി​യ​താ​ണെ​ന്നു കാ​ണി​ച്ച് കോ​ട്ട​ഞ്ചേ​രി- പാ​മ​ത്ത​ട്ട് സം​ര​ക്ഷ​ണ സ​മി​തി ന​ൽ​കി​യ കേ​സ് ഹൈ​ക്കോ​ട​തി​യു​ടെ പ​രി​ഗ​ണ​ന​യി​ലാ​ണ്.​

നി​ല​വി​ൽ പ​രി​സ്ഥി​തി​കാ​നു​മ​തി ഇ​ല്ലാ​ത്ത​തും എ​ക്സ്പ്ലോ​സീ​വ് ലൈ​സ​ൻ​സ് കോ​ട​തി​യി​ൽ ചോ​ദ്യം ചെ​യ്യ​പ്പെ​ട്ടി​രി​ക്ക​യും ചെ​യ്തി​രി​ക്കു​ന്ന പാ​മ​ത്ത​ട്ട് ക്വാ​റി​ക്ക് ലൈ​സ​ൻ​സ് പു​തു​ക്കി ന​ൽ​ക​രു​തെ​ന്ന് പാ​മ​ത്ത​ട്ട് സം​ര​ക്ഷ​ണ സ​മി​തി നി​വേ​ദ​ന​ത്തി​ലൂ​ടെ പ​ഞ്ചാ​യ​ത്ത് ഭ​ര​ണ​സ​മി​തി​യോ​ട് ആ​വ​ശ്യ​പ്പെ​ട്ടി​ട്ടു​ണ്ടെ​ന്നും കോ​ട്ട​ഞ്ചേ​രി-​പാ​മ​ത്ത​ട്ട് സം​ര​ക്ഷ​ണ സ​മി​തി ചെ​യ​ർ​മാ​ൻ ജി​ജോ പി.​മാ​നു​വ​ൽ പ​റ​ഞ്ഞു.