കാ​സ​ര്‍​ഗോ​ഡ്: പോ​ലീ​സ് പി​ന്തു​ട​രു​ന്ന​തി​നി​ടെ കാ​ര്‍ മ​റി​ഞ്ഞ് വി​ദ്യാ​ര്‍​ഥി മ​രി​ച്ച സം​ഭ​വ​ത്തി​ല്‍ പോ​ലീ​സി​നെ പ്ര​തി​യാ​ക്കി കോ​ട​തി നേ​രി​ട്ട് കേ​സെ​ടു​ത്തു. കു​മ്പ​ള പേ​രാ​ല്‍ ക​ണ്ണൂ​ര്‍ കു​ന്നി​ല്‍ ഹൗ​സി​ലെ പ​രേ​ത​നാ​യ അ​ബ്ദു​ല്ല​-സ​ഫി​യ ദന്പതികളുടെ മ​ക​നും അം​ഗ​ഡി​മൊ​ഗ​ര്‍ ജി​എ​ച്ച്എ​സ്എ​സി​ലെ പ്ല​സ് ടു ​വി​ദ്യാ​ര്‍​ഥി​യു​മാ​യ മു​ഹ​മ്മ​ദ് ഫ​ര്‍​ഹാ​സ് (17) മ​രിച്ച സം​ഭ​വ​ത്തി​ലാ​ണ് കോ​ട​തി​യു​ടെ ഇ​ട​പെ​ട​ല്‍.ഡ്യൂ​ട്ടി​യി​ല്‍ ഉ​ണ്ടാ​യി​രു​ന്ന എ​സ്‌​ഐ എ​സ്.​ആ​ര്‍. ര​ജി​ത്, സി​പി​ഒ​മാ​രാ​യ ടി. ​ദീ​പു, പി. ​ര​ഞ്ജി​ത് എ​ന്നി​വ​ര്‍​ക്കെ​തി​രെ​യാ​ണ് ന​ര​ഹ​ത്യ​യ്ക്ക് കാ​സ​ര്‍​ഗോ​ഡ് ജു​ഡീ​ഷ​ല്‍ ഒ​ന്നാം ക്ലാ​സ് കോ​ട​തി (ര​ണ്ട്) കേ​സെ​ടു​ത്ത​ത്.

വി​ദ്യാ​ര്‍​ഥി​യു​ടെ മാ​താ​വ് സ​ഫി​യ​യു​ടെ പ​രാ​തി പ​രി​ഗ​ണി​ച്ചാ​ണ് കോ​ട​തി​യു​ടെ ഈ ​ന​ട​പ​ടി. സ​ഫി​യ​യു​ടെ മൊ​ഴി കോ​ട​തി ഇ​ന്ന​ലെ രേ​ഖ​പ്പെ​ടു​ത്തി​യി​രു​ന്നു. കേ​സി​ല്‍ അ​ന്വേ​ഷ​ണം ആ​വ​ശ്യ​പ്പെ​ട്ടു മു​ഖ്യ​മ​ന്ത്രി​ക്കും ക​ള​ക്ട​ര്‍​ക്കും ജി​ല്ലാ പോ​ലീ​സ് മേ​ധാ​വി​ക്കും മ​നു​ഷ്യാ​വ​കാ​ശ ക​മ്മീ​ഷ​നും ബാ​ലാ​വ​കാ​ശ ക​മ്മീ​ഷ​നും സ​ഫി​യ പ​രാ​തി ന​ല്‍​കി​യി​രു​ന്നു.

ക​ഴി​ഞ്ഞ ഓ​ഗ​സ്റ്റ് 25ന് ​സ്‌​കൂ​ളി​ല്‍ ഓ​ണ പ​രി​പാ​ടി ന​ട​ന്ന ദി​വ​സം ഉ​ച്ച​യ്ക്കാ​യിരുന്നു അ​പ​ക​ടം. സ്‌​കൂ​ളി​ലെ ഓ​ണാ​ഘോ​ഷ​ത്തി​ന്‍റെ ഭാ​ഗ​മാ​യി ഫ​ര്‍​ഹാ​സും സു​ഹൃ​ത്തു​ക്ക​ളും കാ​റി​ല്‍ സ്‌​കൂ​ളി​ല്‍ എ​ത്തി​യി​രു​ന്നു. ഇ​തി​നി​ടെ ഖ​ത്തീ​ബ് ന​ഗ​ര്‍ എ​ന്ന സ്ഥ​ല​ത്ത് നി​ര്‍​ത്തി​യി​ട്ടി​രു​ന്ന കാ​ര്‍ പ​രി​ശോ​ധി​ക്കാ​ന്‍ എ​ത്തി​യ​പ്പോ​ള്‍ വി​ദ്യാ​ര്‍​ഥി​ക​ള്‍ കാ​ര്‍ ഓ​ടി​ച്ചു പോ​വു​ക​യാ​യി​രു​ന്നു​വെ​ന്നാ​ണ് പോ​ലീ​സ് പ​റ​യു​ന്ന​ത്.

എ​ന്നാ​ല്‍ പോ​ലീ​സു​കാ​ര്‍ ആ​ക്രോ​ശി​ക്കു​ക​യും കാ​റി​ന്‍റെ ഡോ​റി​ലേ​ക്ക് ച​വി​ട്ടു​ക​യും ചെ​യ്ത​പ്പോ​ള്‍ കു​ട്ടി​ക​ള്‍ പേ​ടി​ച്ചാ​ണ് കാ​ര്‍ ഓ​ടി​ച്ചു​പോ​യ​തെ​ന്നാ​ണ് വീ​ട്ടു​കാ​ര്‍ ആ​രോ​പി​ക്കു​ന്ന​ത്. പോ​ലീ​സ് വാ​ഹ​നം പി​ന്തു​ട​ര്‍​ന്ന​തി​നെ തു​ട​ര്‍​ന്ന് ക​ള​ത്തൂ​ര്‍ പ​ള്ള​ത്ത് വെ​ച്ചാ​ണ് ഫ​ര്‍​ഹാ​സും മൂ​ന്ന് സ​ഹ​പാ​ഠി​ക​ളും സ​ഞ്ച​രി​ച്ച കാ​ര്‍ ത​ല​കീ​ഴാ​യി മ​റി​ഞ്ഞ​ത്. അ​പ​ക​ട​ത്തി​ല്‍ ഗു​രു​ത​ര​മാ​യി പ​രിക്കേ​റ്റ് മം​ഗ​ളൂ​രു​വിലെ ആ​ശു​പ​ത്രി​യി​ല്‍ തീ​വ്ര​പ​രി​ച​ര​ണ വി​ഭാ​ഗ​ത്തി​ല്‍ ചി​കി​ത്സ​യി​ല്‍ ക​ഴി​യു​ന്ന​തി​നി​ടെ​ 29നാ​ണ് ഫ​ര്‍​ഹാ​സ് മ​ര​ണ​ത്തി​ന് കീ​ഴ​ട​ങ്ങി​യ​ത്.

ഫ​ര്‍​ഹാ​സി​ന്‍റെ മ​ര​ണ​ത്തി​ല്‍ പ്ര​തി​ഷേ​ധം ശ​ക്ത​മാ​യ​തോ​ടെ എ​സ്‌​ഐ ര​ജി​ത്, സി​പി​ഒ ദീ​പു, ര​ഞ്ജി​ത് എ​ന്നി​വ​രെ അ​ന്വേ​ഷ​ണ​ത്തി​ന്‍റെ ഭാ​ഗ​മാ​യാ​യി സ്ഥ​ലം മാ​റ്റി​യി​രു​ന്നു. ഇ​തു​സം​ബ​ന്ധി​ച്ച് ക്രൈം​ബ്രാ​ഞ്ച് അ​ന്വേ​ഷ​ണം ന​ട​ത്തി​യി​രു​ന്നു.

എ​ന്നാ​ല്‍, പോ​ലീ​സി​ന് വീ​ഴ്ച്ച ഉ​ണ്ടാ​യി​ട്ടി​ല്ലെ​ന്ന ത​ര​ത്തി​ലു​ള്ള റി​പ്പോ​ര്‍​ട്ടാ​ണ് ജി​ല്ലാ പോ​ലീ​സ് മേ​ധാ​വി​ക്ക് ന​ല്‍​കി​യ​ത്. പോ​ലീ​സ് പി​ന്തു​ട​രു​ന്ന​തി​ന്‍റെ സി​സി​ടി​വി ദൃ​ശ്യ​ങ്ങ​ള്‍ ഉ​ള്ള കാ​ര്യ​വും തെ​ളി​വാ​യി ഹ​ര്‍​ജി​യി​ല്‍ ചൂ​ണ്ടി​ക്കാ​ട്ടി​യി​ട്ടു​ണ്ട്. പ്ര​ഥ​മ​ദൃ​ഷ്ട്യ കേ​സു​ണ്ടെ​ന്ന് കോ​ട​തി​ക്ക് ബോ​ധ്യ​പ്പെ​ട്ടു. സാ​ക്ഷി​ക​ളു​ടെ മൊ​ഴി​യെ​ടു​ക്കു​ന്ന​തി​നാ​യി കേ​സ് ഇ​നി 2024 ജ​നു​വ​രി ആ​റി​ന് പ​രി​ഗ​ണി​ക്കും