കഞ്ചാവുകടത്ത് കേസിലെ പ്രതിയും സഹായിയും അറസ്റ്റിൽ
Saturday, November 16, 2024 6:11 AM IST
വെ​ഞ്ഞാ​റ​മൂ​ട്: ക​ഞ്ചാ​വ് ക​ട​ത്തി​യ കേ​സി​ലെ പ്ര​ധാ​ന പ്ര​തി​യും ഒ​ളി​വി​ൽ ക​ഴി​യാ​ൻ സ​ഹാ​യി​ച്ച യുവാവും അ​റ​സ്റ്റി​ലാ​യി. ചി​റ​യി​ൻ​കീ​ഴ് വ​ലി​യ​ചി​റ എ​എ​സ് ഭ​വ​നി​ൽ വി​നീ​ഷ്, ഒ​ളി​വി​ൽ ക​ഴി​യാ​ൻ സ​ഹാ​യി​ച്ചു അ​നൂ​പ് എ​ന്നി​വ​രാ​ണ് അ​റ​സ്റ്റി​ലാ​യ​ത്.

2022 ലാ​യിരുന്നു കേ​സി​നാ​സ്ദ​മാ​യ സം​ഭ​വം. വെ​ഞ്ഞാ​റ​മൂ​ട് പോ​ലീ​സ് സ്റ്റേ​ഷ​നുസ​മീ​പ​ത്ത് ഒ​രു വീ​ട്ടി​ൽ നി​ന്നും 200 കി​ലോ ക​ഞ്ചാ​വ് പി​ടി​ച്ചി​രു​ന്നു. എ​ന്നാ​ൽ അ​ന്നു പ്ര​തി​ക​ളെ പി​ടി​കൂ​ടാ​ൻ ക​ഴി​ഞ്ഞി​രു​ന്നി​ല്ല. ക​ഴി​ഞ്ഞ ര​ണ്ടു വ​ർ​ഷ​​മാ​യി അ​ന്വേ​ഷ​ണ സം​ഘ​ത്തി​നു പി​ടി​കൊ​ടു​ക്കാ​തെ വ​ട​ക്കേ ഇ​ന്ത്യ​യി​ലെ വി​വി​ധ സ്ഥ​ല​ങ്ങ​ളി​ലും ത​മി​ഴ്നാ​ട്, ക​ര്‍​ണാ​ട​ക​എന്നിവിടങ്ങളിലെയും വി​വി​ധ സ്ഥ​ല​ങ്ങ​ളി​ലു​മാ​യി ഒ​ളി​വി​ൽ ക​ഴി​ഞ്ഞു വ​രു​ക​യാ​യി​രു​ന്നു.

ഒ​ളി​വി​ലാ​യി​രി​ക്കെ കേ​ര​ള​ത്തി​ലേ​ക്ക് മാ​ര​ക​മാ​യ രാ​സ ല​ഹ​രി വ​സ്തു​ക്ക​ൾ ക​ട​ത്തു​ന്ന സം​ഘ​ത്തി​ലും ഇയാൾ പ്രവർത്തിച്ചിരുന്നു. ക​ഴി​ഞ്ഞ വ​ർ​ഷം ചി​റ​യി​ൻ​കീ​ഴ് പോ ലീ​സ് സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത എം​ഡിഎം​എ ക​ട​ത്തിലെ ഒ​ന്നാം പ്ര​തി​യാ​ണ് ഇ​യാ​ള്‍. അ​ന്വേ​ഷ​ണ സം​ഘ​ത്തി​ന്‍റെ പി​ടി​യി​ൽപെ​ടാ​തി​രി​ക്കാ​ൻ മൊ​ബൈ​ൽ ഫോ​ൺ, സോ​ഷ്യ​ൽ മീ​ഡി​യ അ​ക്കൗ​ണ്ടു​ക​ൾ എന്നിവയൊന്നും ഇയാൾ ഉ​പ​യോ​ഗി​ച്ചിരുന്നില്ല.

പ്ര​തി​ക​ളെ പി​ടി​കൂ​ടു​ന്ന​തി​നാ​യി റൂ​റ​ൽ നാ​ർ​ക്കോ​ട്ടി​ക് സെ​ൽ ഡി​വൈ​എ​സ്പി പ്ര​ദീ​പ്, വെ​ഞ്ഞാ​റ​മൂ​ട് പോലീ​സ് ഇ​ന്‍​സ്പെ​ക്ട​ര്‍ ​അ​നൂ​പ് കൃ​ഷ്ണ, സ​ബ് ഇ​ന്‍​സ്പെ​ക്ട​ര്‍ ഷാ​ൻ, ഡാ​ൻ​സാ​ഫ്‌ സ​ബ് ഇ​ന്‍​സ്പെ​ക്ട​ര്‍ ദീ​ലീ​പ്, എ​എ​സ്​ഐ രാ​ജീ​വ്, അ​നൂ​പ് റി​യാ​സ്, ദി​നോ​ർ എ​ന്നി​വ​ർ അ​ട​ങ്ങു​ന്ന സം​ഘം ക​ഴി​ഞ്ഞ ഒ​രു​മാ​സ​മാ​യി ത​മി​ഴ​നാ​ട്, ക​ർ​ണാ​ട​ക സം​സ്ഥാ​ന​ങ്ങ​ളി​ല്‍ ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് പ്ര​തി​യെ പി​ടി​കൂ​ടാ​നാ​യ​ത്. അ​റ​സ്റ്റി​ലാ​യ പ്ര​തി​ക​ളെ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍​ഡ് ചെ​യ്തു.
Copyright @ 2018 , Rashtra Deepika Ltd.