പേരൂർക്കട: കോൺഗ്രസ് വട്ടിയൂർക്കാവ് ബ്ലോക്ക് കമ്മിറ്റിയുടെ നേതൃത്വത്തിൽ ജവഹർലാൽ നെഹ്റു അനുസ്മരണം നടത്തി. ബ്ലോക്ക് പ്രസിഡന്‍റ് വെള്ളൈക്കടവ് വേണുമാറിന്‍റെ അധ്യക്ഷതയിൽ ആർ.രാജൻകുരുക്കൾ, വി. ഗിരിധര ഗോപൻ, എൻ.എസ്.ഷാജികുമാർ, പരമേശ്വരൻ നായർ, വട്ടിയൂർക്കാവ് ഉദയകുമാർ, വഴയില സുരേഷ്, ആർ. മനോജ്‌കുമാർ, ശശിധരൻ നായർ, തൊഴുവൻകോട് വിജയകുമാർ, ഹസീന, തിട്ടമംഗലം മുരളി, തുടങ്ങിയവർ പങ്കെടുത്തു.
ജവഹർലാൽ നെഹ്റുവിന്റെ ഛായാചിത്രത്തിൽ പുഷ്പാർച്ചനയും ഉണ്ടായിരുന്നു.
വെള്ളറട: കോണ്‍ഗ്രസ് മാരായമുട്ടം മണ്ഡലം കമ്മറ്റിയുടെ നേതൃത്വത്തില്‍ ജവാഹര്‍ലാല്‍ നെഹ്റുവിന്റെ 135 ാമത് ജന്മദിനം ആഘോഷിച്ചു.
മാരായമുട്ടം ജന്ഷനില്‍ നടന്ന അനുസ്മര പ്രഭക്ഷണം മണ്ഡലം പ്രസിഡന്‍റ് ബിനില്‍ മണലുവിള അധ്യക്ഷനായി. കര്‍ഷക കോണ്‍ഗ്രസ് സംസ്ഥാന വൈസ് പ്രസിഡന്‍റ് എം .എസ്. അനില്‍ ഉദ്ഘാടനം ചെയ്തു.
തത്തിയൂര്‍ വാര്‍ഡ് മെമ്പര്‍ കാക്കണം മധു, സേവാദള്‍ നിയോജക മണ്ഡലം പ്രസിഡന്‍റ് തത്തിയുര്‍ സുരേന്ദ്രന്‍, യൂത്ത് കോണ്‍ഗ്രസ് ബ്ലോക്ക് സെക്രട്ടറി കൊല്ലയില്‍ ശ്യംലാല്‍, മണ്ഡലം വൈസ് പ്രസിഡന്‍റ്മാരായ തത്തിയൂര്‍ സുഗതന്‍, ശ്രീരാഗം ശ്രീകുമാര്‍, മണ്ഡലം ഭാരവാഹികളായ കാക്കണം ബിജുലാല്‍, ജീബു കാക്കണം, സദന്‍ അരുവിപുറം, രാജിവ് വടകര, തുളസിരധന്‍ ആശാരി, വടകര ക്ലമെന്‍റ്, കേട്ടയ്ക്കല്‍ വിനോദ് തുടങ്ങിയവര്‍ പ്രസംഗിച്ചു.
വെള്ളറട: യൂത്ത് കോണ്‍ഗ്രസ് കുന്നത്തുകാല്‍ മണ്ഡലം കമ്മിറ്റി നെഹ്റു അനുസ്മരണവും പുഷ്പാര്‍ച്ചനയും നടത്തി. യൂത്ത് കോണ്‍ഗ്രസ് മണ്ഡലം പ്രസിഡന്‍റ് സതീഷ് കോട്ടുക്കോണത്തിന്‍റെ അധ്യക്ഷതയില്‍ പാറശാല ബ്ലോക്ക് കോണ്‍ഗ്രസ് പ്രസിഡന്‍റ് അഡ്വ. ജോണ്‍ ഉദ്ഘാടനം ചെയ്തു.
കുന്നത്തുകാല്‍ സഹകരണ ബാങ്ക് പ്രസിഡന്‍റ് കാരക്കോണം ഗോപന്‍, മണ്ഡലം പ്രസിഡന്‍റ് തത്തലം രാജു, ചാവടി അനില്‍കുമാര്‍, ഷിബു നിലാമുട, കെ. എം. മണികണ്ഠന്‍, ബി.വി. അനീഷ് , ഷാജി വിന്‍സന്‍റ്, സലിം, ബി. റോസ്മേരി , വിജി നാറാണി, ഗോപി, രാജദാസ, സത്യരാജ്, ഡാര്‍ലിംഗ് എന്‍.ഷാജി തുടങ്ങിയവര്‍ പങ്കെടുത്തു.
നെയ്യാറ്റിന്‍കര : ഗാന്ധി മിത്ര മണ്ഡലത്തിന്‍റെയും പി. ഗോപിനാഥൻനായർ നാഷണൽ ഫൗണ്ടേഷന്‍റെയും ആഭിമുഖ്യത്തിൽ ജവഹർലാൽ നെഹൃവിന്‍റെ ജന്മ ജയന്തി ദിനാചരണം സംഘടിപ്പിച്ചു.
നെയ്യാറ്റിൻകര ഗാന്ധി സ്മൃതി മണ്ഡപത്തിൽ നടന്ന ചടങ്ങ് കെൽപാം ചെയർമാൻ എസ്. സുരേഷ് കുമാർ ഉദ്ഘാടനം ചെയ്തു. ഗാന്ധിമിത്രമണ്ഡലം ചെയർമാൻ അഡ്വ. ബി. ജയചന്ദ്രൻനായർ അധ്യക്ഷനായി. എൻ.സുശീലൻനായർ, എൻ.ആർ.സി. നായർ, ബിനു മരുതത്തൂർ, കെ.കെ.ശ്രീകുമാർ, തിരുമംഗലം സന്തോഷ്, ജി.ജെ. കൃഷ്ണകുമാർ, വഴിമുക്ക് അനസ് എന്നിവർ സംബന്ധിച്ചു.
പാറശാല: പാറശാല മണ്ഡലം കോണ്‍ഗ്രസ് കമ്മിറ്റിയുടെ നേത്രത്വത്തില്‍ പാറശാല ജംഗ്ഷനില്‍ ജവഹര്‍ലാല്‍ നെഹ്റുവിന്റെ ഛായാ ചിത്രത്തില്‍ പുഷ്പാര്‍ച്ചനയും അനുസ്മരണവും നടത്തി. മുൻ എംഎൽഎ എ.ടി. ജോര്‍ജ് ഉദ്ഘാടനം ചെയ്തു.
കോണ്‍ഗ്രസ് മണ്ഡലം പ്രസിഡന്‍റ് ജെ. കെ. ജസ്റ്റിന്‍രാജ് അധ്യക്ഷത വഹിച്ചു. കെപിസിസി ജനറല്‍ സെക്രട്ടറി ആര്‍. വത്സലന്‍, നേതാക്കളായ അരീഫ് ഖാന്‍, വേലപ്പന്‍ നായര്‍, സെയ്ദലി, ലെല്‍വിന്‍ ജോയ് തുടങ്ങിയവര്‍ പ്രസംഗിച്ചു.
നെടുമങ്ങാട്: നെടുമങ്ങാട് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ നെഹ്റുവിന്റെ ഛായ ചിത്രത്തിനു മുന്നിൽ പുഷ്പാർച്ചന നടത്തി. മണ്ഡലം കോൺഗ്രസ് പ്രസിഡന്‍റ് സി. മഹേഷ് ചന്ദ്രൻ അധ്യക്ഷത വഹിച്ചു. ഡിസിസി ജനറൽ സെക്രട്ടറി നെട്ടിറച്ചിറ ജയൻ, നെട്ടിറച്ചിറ രഘു, രാജശേഖരൻ നായർ തുടങ്ങിയവർ പ്രസംഗിച്ചു.