3 ക്യാച്ച് കപ്പ് : Deepika.com Sports News |

Click here for detailed news of all items

3 ക്യാച്ച് കപ്പ്

Monday, July 1, 2024 2:07 AM IST

മൂന്ന് നിർണായക ക്യാച്ചുകൾ, മൂന്ന് ലോകകപ്പ് ട്രോഫി... ഐസിസി ലോകകപ്പ് ചരിത്രത്തിൽ ഇന്ത്യയുടെ കിരീടങ്ങളിൽ ക്യാച്ചുകൾക്ക് നിർണായക സ്ഥാനമുണ്ട്. 1983 ഏകദിന ലോകകപ്പ് ഫൈനലിൽ വെസ്റ്റ് ഇൻഡീസ് സൂപ്പർ താരം വിവ് റിച്ചാർഡ്സിന്‍റെ ക്യാച്ച് പിന്നോട്ട് ഓടിയെടുത്ത കപിൽ ദേവായിരുന്നു അന്ന് ഇന്ത്യൻ ജയത്തിൽ നിർണായകമായത്.

27 പന്തിൽ 33 റണ്‍സുമായി ക്രീസിൽ തകർത്തടിച്ചു നിൽക്കുന്പോളായിരുന്നു മദൻ ലാലിന്‍റെ പന്തിൽ കപിലിന്‍റെ അസാമാന്യമായ ക്യാച്ചിലൂടെ റിച്ചാർഡ്സ് പുറത്തായത്. അതോടെ ജയം ഇന്ത്യക്കൊപ്പം.

2007 പ്രഥമ ട്വന്‍റി-20 ലോകകപ്പ് ഫൈനലിൽ പാക്കിസ്ഥാനെ അഞ്ചു റണ്‍സിനു കീഴടക്കിയപ്പോൾ മലയാളി താരം എസ്. ശ്രീശാന്തിന്‍റെ ക്യാച്ചിലായിരുന്നു മത്സരം അവസാനിച്ചത്.

1983 ഫൈനലിൽ കപിൽ ദേവ് എടുത്തതിനേക്കാൾ മികച്ചൊരു ക്യാച്ചാണ് 2024 ട്വന്‍റി-20 ലോകകപ്പ് കിരീടം ഇന്ത്യക്കു സമ്മാനിച്ചത്. 17 പന്തിൽ 21 റണ്‍സ് നേടിയ ഡേവിഡ് മില്ലർ ലോംഗ് ഓഫിലേക്ക് ഉയർത്തി അടിച്ച പന്ത്, ബൗണ്ടറി ലൈൻ കടക്കാതെ തടഞ്ഞശേഷം രണ്ടാം ശ്രമത്തിലൂടെ സൂര്യകുമാർ യാദവ് കൈപ്പിടിയിലൊതുക്കി. ലോകകപ്പ് ഇന്ത്യൻ കൈപ്പിടിയിലൊതുങ്ങിയ മുഹൂർത്തമായിരുന്നു അത്. ഹാർദിക് പാണ്ഡ്യ എറിഞ്ഞ 20-ാം ഓവറിന്‍റെ ആദ്യ പന്തിലായിരുന്നു സൂര്യകുമാറിന്‍റെ അസാമാന്യ ക്യാച്ച്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.