മഴനിയമത്തിന്‍റെ പിതാവില്ലാതെ കാർമേഘങ്ങൾക്കു കീഴിൽ... : Deepika.com Sports News |

Click here for detailed news of all items

മഴനിയമത്തിന്‍റെ പിതാവില്ലാതെ കാർമേഘങ്ങൾക്കു കീഴിൽ...

Thursday, June 27, 2024 12:36 AM IST

ഐസിസി ക്രിക്കറ്റിൽ ഉപയോഗിക്കുന്ന മഴനിയമമായ ഡക്‌വർത്ത് ലൂയിസ് നിയമത്തിന്‍റെ പിതാക്കന്മാരിൽ ഒരാളായ ഫ്രാങ്ക് ഡക്ക്‌വർത്ത് (84) ഇഹലോകം വെടിഞ്ഞശേഷം നടക്കുന്ന ആദ്യ ലോകകപ്പ് സെമി ഫൈനലാണ് ദക്ഷിണാഫ്രിക്ക x അഫ്ഗാനിസ്ഥാൻ.

സ്റ്റാറ്റിസ്റ്റീഷനായിരുന്ന ഫ്രാങ്ക് ഡക്‌വർത്തും ക്രിക്കറ്റ് കളിക്കാരനായിരുന്ന ടോണി ലൂയിസും ചേർന്നായിരുന്നു ഡക്‌വർത്ത് ലൂയിസ് നിയമം ഉണ്ടാക്കിയത്. മഴ തടസപ്പെടുത്തുന്ന ക്രിക്കറ്റ് മത്സരങ്ങളിൽ ഫലം കണ്ടെത്താൻ ഐസിസി ഉപയോഗിക്കുന്നത് ഡക്‌വർത്ത്-ലൂയിസ്-സ്റ്റേണ്‍ (ഡിഎൽഎസ്) മെത്തേഡാണ്.

1997ലാണ് ഡക്‌വർത്ത് ലൂയിസ് നിയമം ഉപയോഗിക്കാൻ തുടങ്ങിയത്. ഐസിസി 1999 മുതൽ ഈ നിയമം ഔദ്യോഗികമായി സ്വീകരിച്ചു. 2014വരെ ഡക്‌വർത്ത് ഐസിസിയുടെ സ്റ്റാറ്റിസ്റ്റീഷനായിരുന്നു.

ഐസിസി ട്വന്‍റി-20 ലോകകപ്പ് സെമി ഫൈനൽ മത്സരങ്ങൾ അരങ്ങേറുന്നത് മഴ ഭീഷണിക്കിടെയാണ്. മഴനിയമത്തിന്‍റെ പിതാക്കന്മാരിൽ പ്രധാനിയില്ലാതെ കാർമേഘങ്ങൾക്കു കീഴിൽ ഇന്ത്യൻ സമയം രാവിലെ ആറിനും രാത്രി എട്ടിനും രണ്ട് സെമി ഫൈനൽ പോരാട്ടങ്ങൾ അരങ്ങേറും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.