ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: പ്ര​ധാ​ന​മ​ന്ത്രി നരേന്ദ്ര മോ​ദി നാ​ളെ​യും മ​റ്റ​ന്നാ​ളും സൗ​ദി അ​റേ​ബ്യ സ​ന്ദ​ർ​ശി​ക്കും.അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് അ​ടു​ത്ത മാ​സം പ​കു​തി​യോ​ടെ സൗ​ദി സ​ന്ദ​ർ​ശി​ക്കു​ന്ന​തി​നു മു​ന്നോ​ടി​യാ​യു​ള്ള മോ​ദി​യു​ടെ ജി​ദ്ദ​യി​ലേ​ക്കു​ള്ള യാ​ത്ര​യ്ക്കു പ്രാ​ധാ​ന്യ​മേ​റെ​യു​ണ്ട്. ട്രം​പ് ര​ണ്ടാ​മ​തും പ്ര​സി​ഡ​ന്‍റാ​യ ശേ​ഷ​മു​ള്ള ആ​ദ്യ വി​ദേ​ശ സ​ന്ദ​ർ​ശ​ന​മാ​ണു സൗ​ദി​യി​ലേ​ക്കു ന​ട​ത്തു​ക.

സൗ​ദി അ​റേ​ബ്യ​ൻ കി​രീ​ടാ​വ​കാ​ശി മു​ഹ​മ്മ​ദ് ബി​ൻ സ​ൽ​മാ​നു​മാ​യി പ്ര​ധാ​ന​മ​ന്ത്രി മോ​ദി ജി​ദ്ദ​യി​ൽ ന​ട​ത്തു​ന്ന കൂ​ടി​ക്കാ​ഴ്ച​യി​ൽ വ്യാ​പാ​രം, നി​ക്ഷേ​പം, ഊ​ർ​ജ സ​ഹ​ക​ര​ണം, പ്ര​തി​രോ​ധ ബ​ന്ധ​ങ്ങ​ൾ, ഇ​ന്ത്യ-മി​ഡി​ൽ ഈ​സ്റ്റ്-യൂ​റോ​പ്പ് ഇ​ട​നാ​ഴി (ഐ​എം​ഇ​ഇ​സി) എ​ന്നി​വ​യ്ക്കു പു​റ​മെ ട്രം​പി​ന്‍റെ പ​ക​രചു​ങ്കം ഉ​യ​ർ​ത്തു​ന്ന പ്ര​ശ്ന​ങ്ങ​ളും പ​ശ്ചി​മേ​ഷ്യ​യി​ലെ ഇ​സ്ര​യേ​ൽ-ഹ​മാ​സ്-ഹി​സ്ബു​ള്ള യു​ദ്ധ​വും റ​ഷ്യ-യു​ക്രെ​യ്ൻ യു​ദ്ധ​വു​മെ​ല്ലാം ച​ർ​ച്ച​യാ​യേ​ക്കും. ഇ​റാ​ന്‍റെ ആ​ണ​വ പ​ദ്ധ​തി​യും റ​ഷ്യ- യു​ക്രെ​യ്ൻ യു​ദ്ധ​വും അ​വ​സാ​നി​പ്പി​ക്കു​ന്ന​തി​നാ​യി അ​മേ​രി​ക്ക ശ്ര​മി​ക്കു​ന്ന സ​മ​യ​ത്താ​ണ് മോ​ദി​യു​ടെ സൗ​ദി സ​ന്ദ​ർ​ശ​നം.


2016നും 2019​നും ശേ​ഷം മോ​ദി​യു​ടെ മൂ​ന്നാം ടേ​മി​ലെ ആ​ദ്യ സൗ​ദി സ​ന്ദ​ർ​ശ​ന​മാ​ണു നാ​ള​ത്തേ​ത്. ല​ക്ഷ​ക്ക​ണ​ക്കി​നു മ​ല​യാ​ളി​ക​ൾ ഉ​ൾ​പ്പെ​ടെ ലോ​ക​ത്തി​ലെത​ന്നെ ഏ​റ്റ​വു​മ​ധി​കം ഇ​ന്ത്യ​ൻ പ്ര​വാ​സി​ക​ളു​ള്ള രാ​ജ്യ​മാ​ണു സൗ​ദി.

സൗ​ദി കി​രീ​ടാ​വ​കാ​ശി​യു​മാ​യു​ള്ള മോ​ദി​യു​ടെ കൂ​ടി​ക്കാ​ഴ്ച ഇ​ന്ത്യ​ക്ക് പ​ല​ത​ര​ത്തി​ൽ നി​ർ​ണാ​യ​ക​മാ​ണെ​ന്നു വി​ദേ​ശ​കാ​ര്യ സെ​ക്ര​ട്ട​റി വി​ക്രം മി​ശ്ര ചൂ​ണ്ടി​ക്കാ​ട്ടി.

നേ​ര​ത്തെ ര​ണ്ടു ത​വ​ണ മോ​ദി സൗ​ദി​യും 2019 ഫെ​ബ്രു​വ​രി​യി​ൽ മു​ഹ​മ്മ​ദ് ബി​ൻ സ​ൽ​മാ​ൻ രാ​ജ​കു​മാ​ര​ൻ ഇ​ന്ത്യ​യും സ​ന്ദ​ർ​ശി​ച്ച​തി​ന്‍റെ തു​ട​ർ​ച്ച​യാ​ണ് മോ​ദി​യു​ടെ നാ​ള​ത്തെ സ​ന്ദ​ർ​ശ​നം.