ന്യൂ​ഡ​ൽ​ഹി: മ​ണി​പ്പു​രി​ൽ സ​മാ​ധാ​ന​ച​ർ​ച്ച​യ്ക്ക് തു​ട​ക്ക​മി​ട്ട് കേ​ന്ദ്ര ആ​ഭ്യ​ന്ത​ര മ​ന്ത്ര​ല​യം. ആ​ഭ്യ​ന്ത​ര ക​ലാ​പം രൂ​ക്ഷ​മാ​യി തു​ട​രു​ന്ന സാ​ഹ​ച​ര്യ​ത്തി​ൽ മ​ണി​പ്പു​രി​ലെ ഭ​ര​ണ, പ്ര​തി​പ​ക്ഷ എം​എ​ൽ​എ​മാ​രെ ഒ​രു​മി​ച്ചി​രു​ത്തി​യു​ള്ള സ​മാ​ധാ​ന ച​ർ​ച്ച​യ്ക്കാ​ണ് കേ​ന്ദ്ര സ​ർ​ക്കാ​ർ ഇ​ന്ന​ലെ തു​ട​ക്ക​മി​ട്ട​ത്.

മെ​യ്തെ​യ്, കു​ക്കി, നാ​ഗ തു​ട​ങ്ങി എ​ല്ലാ വി​ഭാ​ഗ​ത്തി​ലെ​യും എം​എ​ൽ​എ​മാ​രെ ച​ർ​ച്ച​യ്ക്ക് വി​ളി​ച്ചി​രു​ന്നു. 2023 മേ​യി​ൽ ക​ലാ​പം തു​ട​ങ്ങി​യ​തി​നു ശേ​ഷം ആ​ദ്യ​മാ​യാ​ണ് എ​ല്ലാ വി​ഭാ​ഗ​ക്കാ​രെ​യും ഒ​രു​മി​ച്ചി​രു​ത്തി കേ​ന്ദ്ര സ​ർ​ക്കാ​ർ ച​ർ​ച്ച​യ്ക്ക് ത​യാ​റാ​യ​ത്.

ഇ​ന്ന​ലെ ഡ​ൽ​ഹി​യി​ൽ ന​ട​ന്ന ച​ർ​ച്ച​യി​ൽ മ​ണി​പ്പു​ർ സ്പീ​ക്ക​ർ തോ​ക്ചോം സ​ത്യ​ബ്ര​ത സിം​ഗ്, എം​എ​ൽ​എ​മാ​രാ​യ ടോ​ങ്ബ്രാം റോ​ബി​ന്ദ്രോ, ബ​സ​ന്ത​കു​മാ​ർ സിം​ഗ് എ​ന്നി​വ​ർ മെ​യ്തെ​യ് വി​ഭാ​ഗ​ത്തെ പ്ര​തി​നി​ധീ​ക​രി​ച്ചും എം​എ​ൽ​എ​മാ​ര​യ ലെ​റ്റ്പാ​വോ ഹാ​ക്കി​പ്പ്, നെം​ച കി​പ്ഗ​ൻ എ​ന്നി​വ​ർ കു​ക്കി വി​ഭാ​ഗ​ത്തെ പ്ര​തി​നി​ധീ​ക​രി​ച്ചും പ​ങ്കെ​ടു​ത്തു.

കു​ക്കി വി​ഭാ​ഗ​ത്തി​ൽ​നി​ന്നു​ള്ള ര​ണ്ടു​പേ​രും മ​ന്ത്രി​മാ​രാ​ണ്. യോ​ഗ​ത്തി​ൽ നാ​ഗാ സ​മു​ദാ​യ​ത്തെ പ്ര​തി​നി​ധീ​ക​രി​ച്ച് മൂ​ന്ന് എം​എ​ൽ​എ​മാ​രും പ​ങ്കെ​ടു​ത്തു. കേ​ന്ദ്ര സ​ർ​ക്കാ​ർ നി​യ​മി​ച്ച മ​ധ്യ​സ്ഥ​നാ​യ എ.​കെ. മി​ശ്ര​യു​ടെ​യും ആ​ഭ്യ​ന്ത​ര വ​കു​പ്പി​ലെ ഉ​ന്ന​ത ഉ​ദ്യോ​ഗ​സ്ഥ​രു​ടെ​യും സാ​ന്നി​ധ്യ​ത്തി​ലാ​യി​ര​ന്നു ച​ർ​ച്ച.


കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ​യും മ​ണി​പ്പു​ർ മു​ഖ്യ​മ​ന്ത്രി എ​ൻ. ബി​രേ​ൻ സിം​ഗും യോ​ഗ​ത്തി​ൽ പ​ങ്കെ​ടു​ത്തി​ല്ല എ​ന്ന​ത് ശ്ര​ദ്ധേ​യ​മാ​യി. കു​ക്കി എം​എ​ൽ​എ​മാ​ർ ച​ർ​ച്ച​യി​ൽ പ​ങ്കെ​ടു​ക്ക​ണോ എ​ന്നു തീ​രു​മാ​നി​ക്കാ​ൻ തി​ങ്ക​ളാ​ഴ്ച ഡ​ൽ​ഹി​യി​ൽ യോ​ഗം ചേ​ർ​ന്നി​രു​ന്നു.

സം​ഘ​ർ​ഷ​ങ്ങ​ൾ തു​ട​ങ്ങി​യ​തി​നു ശേ​ഷം മൂ​ന്നു​വ​ട്ടം മ​ണി​പ്പു​രി​ൽ നി​യ​മ​സ​ഭ കൂ​ടി​യി​രു​ന്നെ​ങ്കി​ലും സു​ര​ക്ഷാ കാ​ര​ണ​ങ്ങ​ൾ ഉ​ന്ന​യി​ച്ച് കു​ക്കി നേ​താ​ക്ക​ൾ സ​ഭ​യി​ൽ പ​ങ്കെ​ടു​ക്കാ​തെ മാ​റി നി​ൽ​ക്കു​ക​യാ​ണു​ണ്ടാ​യ​ത്.

വി​ഷ​യ​ത്തി​ൽ ഇ​ട​പെ​ടാ​തി​രു​ന്ന കേ​ന്ദ്ര സ​ർ​ക്കാ​രി​നെ​തി​രേ രൂ​ക്ഷ വി​മ​ർ​ശ​ന​മാ​യി​രു​ന്നു കോ​ണ്‍ഗ്ര​സ് അ​ട​ക്ക​മു​ള്ള പ്ര​തി​പ​ക്ഷ പാ​ർ​ട്ടി​ക​ൾ ഉ​ന്ന​യി​ച്ച​ത്. സം​ഘ​ർ​ഷം തു​ട​ങ്ങി 17 മാ​സ​മാ​യി​ട്ടും പ്ര​ധാ​ന മ​ന്ത്രി മ​ണി​പ്പുർ സ​ന്ദ​ർ​ശി​ക്കാ​തി​രു​ന്ന​തി​നെ ലോ​ക്സ​ഭാ പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി​യ​ട​ക്ക​മു​ള്ള നേ​താ​ക്ക​ൾ രൂ​ക്ഷ​മാ​യി വി​മ​ർ​ശി​ച്ചി​രു​ന്നു.

നേ​ര​ത്തേ സ​മാ​ധാ​ന ശ്ര​മ​ങ്ങ​ളു​ടെ ഭാ​ഗ​മാ​യി ഗ​വ​ർ​ണ​ർ അ​നു​സൂ​യ ഉ​യി​കാ​യി​യു​ടെ അ​ധ്യ​ക്ഷ​ത​യി​ൽ 51 അം​ഗ സ​മാ​ധാ​ന ക​മ്മി​റ്റി രൂ​പീ​ക​രി​ച്ചി​രു​ന്നു. എ​ന്നാ​ൽ, ഇ​രു​ഭാ​ഗ​ത്തു നി​ന്നു​മു​ള്ള നേ​താ​ക്ക​ളു​ടെ തു​ട​ർ​ച്ച​യാ​യ വി​ട്ടുനി​ൽ​ക്ക​ലി​നെ തു​ട​ർ​ന്ന് ഈ ​ക​മ്മി​റ്റി പ​രാ​ജ​യ​പ്പെ​ടു​ക​യാ​ണു​ണ്ടാ​യ​ത്.