മഹാരാഷ്‌ട്ര നിയമസഭാ തെരഞ്ഞെടുപ്പ് അടുത്തിരിക്കേ കൂടുതൽ ബിജെപി, എൻസിപി (അജിത് പവാർ) പാർട്ടികളിൽനിന്നു കൂടുതൽ നേതാക്കൾ പ്രതിപക്ഷമുന്നണിയിലെത്തുമെന്ന് ശരദ് പവാർ പറഞ്ഞു.
മുൻ ലെജിസ്ലേറ്റീവ് കൗൺസിൽ ചെയർമാനും അജിത് പവാർ പക്ഷ നേതാവുമായ രാംരാജെ നായിക് നിംബാൽക്കർ അടുത്തയാഴ്ച എൻസിപിയിൽ (ശരദ് പവാർ) ചേരുമെന്നാണു റിപ്പോർട്ട്. അവിഭക്ത എൻസിപി നേതാവായിരുന്നു നിംബാൽക്കർ. ശരദ് പവാറിനെ വിട്ടുപോയതിൽ താൻ ഖേദിക്കുന്നുവെന്നു കഴിഞ്ഞദിവസം നിംബാൽക്കർ പറഞ്ഞിരുന്നു.