സുൽത്താൻപുർ ലോക്സഭാ മണ്ഡലത്തിനു കീഴിലെ അഞ്ചു നിയമസഭാ മണ്ഡലങ്ങളിൽ നാലെണ്ണം ബിജെപി വിജയിച്ചവയാണ്. ഒരു മണ്ഡലത്തിൽ സമാജ് വാദി പാർട്ടി വിജയിച്ചു. സഞ്ജയ് നിഷാദിനെ മന്ത്രിയാക്കിയതോടെ സുൽത്താൻപുരിലെ രണ്ടു ലക്ഷം നിഷാദ്(മത്സ്യത്തൊഴിലാളി) വിഭാഗത്തിന്റെ വോട്ട് ഉറപ്പിച്ചെന്നു ബിജെപി വിലയിരുത്തുന്നു
എട്ടു തവണ മേനക ലോക്സഭാംഗമായിട്ടുണ്ട്. പിലിഭിത്തിൽനിന്ന് ആറു തവണയും അവൻല, സുൽത്താൻപുർ മണ്ഡലങ്ങളിൽനിന്ന് ഓരോ തവണയുമാണ് മേനക തെരഞ്ഞെടുക്കപ്പെട്ടത്. ഇത്തവണ വിജയിച്ചാൽ ലോക്സഭയിലെ ഏറ്റവും സീനിയർ അംഗം എന്ന പദവി മേനകയ്ക്കു സ്വന്തമാകും.
1989ലും 1996ലും ജനതാ ദൾ ടിക്കറ്റിൽ വിജയിച്ച മേനക 1998, 1999 തെരഞ്ഞെടുപ്പുകളിൽ സ്വതന്ത്രയായി വിജയിച്ചു. രണ്ടു തവണയും ബിജെപിയുടെ പിന്തുണയുണ്ടായിരുന്നു. 2004ലാണ് ആദ്യമായി ബിജെപി ടിക്കറ്റിൽ വിജയിക്കുന്നത്.
2009, 2014, 2019 തെരഞ്ഞെടുപ്പുകളിലും ബിജെപി ടിക്കറ്റിൽ വിജയിച്ചു. 1984ൽ അമേഠിയിൽ രാജീവ് ഗാന്ധിയോടും 1991ൽ പിലിഭിത്തിൽ ബിജെപി സ്ഥാനാർഥി പരശുറാമിനോടും മേനക തോറ്റു.