ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: രാ​ഹു​ൽ​ ഗാ​ന്ധി​യെ അ​യോ​ഗ്യ​നാ​ക്കി​യ ലോ​ക്സ​ഭാ സെ​ക്ര​ട്ടേ​റി​യ​റ്റി​ന്‍റെ വി​ജ്ഞാ​പ​നം ഹൈ​ബി ഈ​ഡ​നും ടി.​എ​ൻ. പ്ര​താ​പ​നും ഇ​ന്ന​ലെ ലോ​ക്സ​ഭ​യി​ൽ കീ​റി​യെ​റി​ഞ്ഞു. ക​റു​ത്ത വ​സ്ത്ര​ങ്ങ​ൾ ധ​രി​ച്ചെ​ത്തി​യ പ്ര​തി​പ​ക്ഷ എം​പി​മാ​ർ പ്ല​ക്കാ​ർ​ഡു​ക​ളും ക​ട​ലാ​സു​ക​ളും സ്പീ​ക്ക​ർ​ക്കു​ നേ​രേ​യും സ​ഭ​യി​ലും കീ​റി​യെ​റി​ഞ്ഞ​തോ​ടെ ഇ​ന്ന​ലെ രാ​വി​ലെ ഒ​രു മി​നി​റ്റു​പോ​ലും തി​ക​യ്ക്കാ​തെ ലോ​ക്സ​ഭ പി​രി​ഞ്ഞു.

രാ​ജ്യ​സ​ഭ ഉ​ച്ച​ക​ഴി​ഞ്ഞ് ര​ണ്ടി​നും ലോ​ക്സ​ഭ വൈ​കു​ന്നേ​രം നാ​ലി​നും ചേ​ർ​ന്നു പ്ര​തി​പ​ക്ഷ പ്ര​തി​ഷേ​ധ​ത്തി​നി​ട​യി​ൽ തി​ര​ക്കി​ട്ടു ധ​ന​ബി​ല്ലു​ക​ൾ പാ​സാ​ക്കി പി​രി​ഞ്ഞു. പ്ര​തി​പ​ക്ഷ​ത്തി​ന്‍റെ “മോ​ദി-അ​ദാ​നി ഭാ​യ്, ഭാ​യ്'' മു​ദ്രാ​വാ​ക്യ​ങ്ങ​ൾ​ക്കി​ട​യി​ൽ ധ​ന​മ​ന്ത്രി നി​ർ​മ​ല സീ​താ​രാ​മ​ൻ അം​ഗീ​ക​രി​ച്ച 45 ഭേ​ദ​ഗ​തി​ക​ളോ​ടെ​യാ​ണു 2023ലെ ​ധ​ന​ബി​ൽ പാ​സാ​ക്കി​യ​ത്.

ച​ർ​ച്ച കൂ​ടാ​തെ അ​ത്യാ​വ​ശ്യ ബി​ല്ലു​ക​ൾ​കൂ​ടി പാ​സാ​ക്കി​യ​ശേ​ഷം പാ​ർ​ല​മെ​ന്‍റി​ന്‍റെ ഇ​രു​സ​ഭ​ക​ളും വെ​ട്ടി​ച്ചു​രു​ക്കി ഇ​ന്ന് അ​നി​ശ്ചി​ത​കാ​ല​ത്തേ​ക്കു പി​രി​യാ​ൻ കേ​ന്ദ്ര​സ​ർ​ക്കാ​ർ ആ​ലോ​ചി​ക്കു​ന്നു​ണ്ട്. ഏ​പ്രി​ൽ ഏ​ഴു​വ​രെ സ​മ്മേ​ള​നം ചേ​രാ​നാ​യി​രു​ന്നു മു​ൻ​ തീ​രു​മാ​നം. പ്ര​തി​പ​ക്ഷ​ക​ക്ഷി​ക​ൾ ഒ​റ്റ​ക്കെ​ട്ടാ​യി പ്ര​തി​ഷേ​ധം ക​ടു​പ്പി​ച്ച​തോ​ടെ സ​ർ​ക്കാ​ർ വെ​ട്ടി​ലാ​യി​രു​ന്നു.

ഇ​ന്ന​ലെ ലോ​ക്സ​ഭ​യി​ൽ ച​ട്ട​ലം​ഘ​ന​ത്തി​നു നേ​തൃ​ത്വം ന​ൽ​കി​യ ഹൈ​ബി, പ്ര​താ​പ​ൻ എ​ന്നി​വ​രെ സ​സ്പെ​ൻ​ഡ് ചെ​യ്യാ​ൻ സ​ർ​ക്കാ​ർ ആ​ലോ​ചി​ച്ചെ​ങ്കി​ലും വൈ​കു​ന്നേ​രം ലോ​ക്സ​ഭ വീ​ണ്ടും സ​മ്മേ​ളി​ച്ച​പ്പോ​ൾ അ​ത്ത​ര​മൊ​രു പ്ര​മേ​യം അ​വ​ത​രി​പ്പി​ച്ചി​ല്ല. ഏ​തെ​ങ്കി​ലും അം​ഗ​ങ്ങ​ളെ സ​സ്പെ​ൻ​ഡ് ചെ​യ്യ​ണ​മെ​ങ്കി​ൽ ഇ​തു​സം​ബ​ന്ധി​ച്ച പ്ര​മേ​യം സ​ഭ പാ​സാ​ക്ക​ണ​മെ​ന്ന​താ​ണു ച​ട്ടം. ഇ​ത​നു​സ​രി​ച്ച് ഇ​ന്നു രാ​വി​ലെ പ്ര​മേ​യം അ​വ​ത​രി​പ്പി​ക്കു​ന്ന കാ​ര്യ​വും സ​ർ​ക്കാ​ർ പ​രി​ഗ​ണി​ക്കു​ന്നു​ണ്ട്. സ​മ്മേ​ള​ന​ത്തി​ന്‍റെ ശേ​ഷി​ക്കു​ന്ന ദി​വ​സ​ങ്ങ​ളി​ലേ​ക്കാ​യി​രി​ക്കും സ​സ്പെ​ൻ​ഡ് ചെ​യ്യു​ക.

അ​ദാ​നി പ്ര​ശ്ന​ത്തി​ലെ ജെ​പി​സി ആ​വ​ശ്യ​ത്തി​നു പി​ന്നാ​ലെ രാ​ഹു​ൽ​ ഗാ​ന്ധി​യെ ലോ​ക്സ​ഭ​യി​ൽ​നി​ന്നു തി​ടു​ക്ക​ത്തി​ൽ അ​യോ​ഗ്യ​നാ​ക്കി​യ​തി​നെ​തി​രേ പ്ര​തി​പ​ക്ഷ പാ​ർ​ട്ടി​ക​ളെ​ല്ലാം യോ​ജി​ച്ച പ്ര​തി​ഷേ​ധം തു​ട​ങ്ങി​യ​തു കേ​ന്ദ്ര​സ​ർ​ക്കാ​രി​നെ വെ​ട്ടി​ലാ​ക്കി. അ​ദാ​നി വി​ഷ​യ​ത്തി​ൽ പ്ര​ധാ​ന​മ​ന്ത്രി എ​ന്തി​നാ​ണു ജെ​പി​സി​യെ ഭ​യ​പ്പെ​ടു​ന്ന​തെ​ന്ന് പ്ര​തി​പ​ക്ഷ നേ​താ​ക്ക​ൾ ചോ​ദി​ച്ചു.

രാ​ഹു​ൽ​ ഗാ​ന്ധി​യെ അ​യോ​ഗ്യ​നാ​ക്കി​യ​തി​ൽ പ്ര​തി​ഷേ​ധി​ച്ച് ക​റു​പ്പ​ണി​ഞ്ഞാ​ണ് പ്ര​തി​പ​ക്ഷ എം​പി​മാ​ർ ഇ​ന്ന​ലെ പാ​ർ​ല​മെ​ന്‍റി​ന്‍റെ ഇ​രുസ​ഭ​ക​ളി​ലു​മെ​ത്തി​യ​ത്. സോ​ണി​യാ​ഗാ​ന്ധി അ​ട​ക്ക​മു​ള്ള​വ​ർ രാ​വി​ലെ​ത​ന്നെ സ​ഭ​യി​ലെ​ത്തി. രാ​ഹു​ലി​നെ അ​യോ​ഗ്യ​നാ​ക്കി പ്ര​തി​പ​ക്ഷ​ത്തെ നി​ശ​ബ്‌​ദ​മാ​ക്കാ​ൻ അ​നു​വ​ദി​ക്കി​ല്ലെ​ന്നു രാ​ജ്യ​സ​ഭ​യി​ൽ പ്ര​തി​പ​ക്ഷ​നേ​താ​വ് മ​ല്ലി​കാ​ർ​ജു​ൻ ഖാ​ർ​ഗെ പ​റ​ഞ്ഞു. അ​ദാ​നി​പ്ര​ശ്ന​ത്തി​ൽ ജെ​പി​സി അ​ന്വേ​ഷ​ണ​ത്തെ​യും രാ​ഹു​ൽ​ ഗാ​ന്ധി​യെ​യും മോ​ദി​സ​ർ​ക്കാ​ർ ഭ​യ​ക്കു​ക​യാ​ണ​ന്ന് അ​ദ്ദേ​ഹം ആ​ക്ഷേ​പി​ച്ചു.


നി​യ​മ​വി​രു​ദ്ധ​മാ​യി വ​ൻ​തോ​തി​ൽ പ​ണം സ​ന്പാ​ദി​ച്ച അ​ദാ​നി​ക്കെ​തി​രേ ജെ​പി​സി അ​ന്വേ​ഷ​ണം കൂ​ടി​യേ തീ​രൂ. ജ​നാ​ധി​പ​ത്യ​വും ഭ​ര​ണ​ഘ​ട​ന​യും സം​ര​ക്ഷി​ക്കാ​നു​ള്ള പോ​രാ​ട്ടം തു​ട​രു​മെ​ന്ന് പ്ര​തി​പ​ക്ഷ നേ​താ​ക്ക​ളെ​ല്ലാം വ്യ​ക്ത​മാ​ക്കി.

ലോ​ക്സ​ഭ​യും രാ​ജ്യ​സ​ഭ​യും രാ​വി​ലെ ചേ​ർ​ന്ന​യു​ട​ൻ പ്ര​തി​പ​ക്ഷ പ്ര​തി​ഷേ​ധ​ത്തി​ൽ പി​രി​യു​ക​യാ​യി​രു​ന്നു. രാ​ജ്യ​സ​ഭ ഉ​ച്ച​ക​ഴി​ഞ്ഞ് ര​ണ്ടു​വ​രെ​യും ലോ​ക്സ​ഭ വൈ​കു​ന്നേ​രം നാ​ലു വ​രെ​യു​മാ​ണു പി​രി​ഞ്ഞ​ത്. ""മോ​ദി- അ​ദാ​നി ഷെ​യിം'' വി​ളി​ക​ളി​ൽ മ​റ്റു ന​ട​പ​ടി​ക​ളെ​ല്ലാം റ​ദ്ദാ​ക്കി.

സ​ഭ പി​രി​ഞ്ഞ​യു​ട​ൻ സോ​ണി​യാ ഗാ​ന്ധി​യു​ടെ​യും കോ​ണ്‍ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ​യു​ടെ​യും നേ​തൃ​ത്വ​ത്തി​ൽ പ്ര​തി​പ​ക്ഷ എം​പി​മാ​ർ പാ​ർ​ല​മെ​ന്‍റി​ലെ ഗാ​ന്ധി പ്ര​തി​മ​യ്ക്കു മു​ന്നി​ൽ ധ​ർ​ണ ന​ട​ത്തി. തു​ട​ർ​ന്ന് ഖാ​ർ​ഗെ​യു​ടെ നേ​തൃ​ത്വ​ത്തി​ൽ പാ​ർ​ല​മെ​ന്‍റി​ൽ​നി​ന്നു വി​ജ​യ് ചൗ​ക്കി​ലേ​ക്ക് എം​പി​മാ​ർ പ്ര​തി​ഷേ​ധ മാ​ർ​ച്ചും ന​ട​ത്തി.

സ്തം​ഭ​നം മൂ​ന്നാം ആ​ഴ്ച

ബ​ജ​റ്റ് സ​മ്മേ​ള​ന​ത്തി​ന്‍റെ ര​ണ്ടാം​ഘ​ട്ടം ക​ഴി​ഞ്ഞ 13ന് ​ആ​രം​ഭി​ച്ച​തു​ മു​ത​ൽ മൂ​ന്നാം ആ​ഴ്ച​യി​ലും സ്തം​ഭ​നം തു​ട​രു​ക​യാ​ണ്. അ​ദാ​നി- ഹി​ൻ​ഡ​ൻ​ബ​ർ​ഗ് വി​ഷ​യ​ത്തി​ൽ ജെ​പി​സി അ​ന്വേ​ഷ​ണം ആ​വ​ശ്യ​പ്പെ​ട്ടു പ്ര​തി​പ​ക്ഷ​വും ജ​നാ​ധി​പ​ത്യം ഭീ​ഷ​ണി​യി​ലാ​ണെ​ന്ന രാ​ഹു​ൽ​ഗാ​ന്ധി​യു​ടെ പ​രാ​മ​ർ​ശ​ത്തി​ൽ മാ​പ്പ് ആ​വ​ശ്യ​പ്പെ​ട്ടു ഭ​ര​ണ​പ​ക്ഷ​വും ആ​ദ്യ ര​ണ്ടാ​ഴ്ച സ​ഭ സ്തം​ഭി​പ്പി​ച്ചു. രാ​ഹു​ലി​നെ അ​യോ​ഗ്യ​നാ​ക്കി​യ​തോ​ടെ പ്ര​തി​പ​ക്ഷം ഒ​ത്തൊ​രു​മി​ച്ച് പ്ര​തി​ഷേ​ധം ക​ടു​പ്പി​ക്കു​ക​യാ​യി​രു​ന്നു.

മ​ന്ത്രി​മാ​രു​മാ​യി മോ​ദി​യു​ടെ ച​ർ​ച്ച

രാ​ഹു​ൽ​ ഗാ​ന്ധി​യെ ലോ​ക്സ​ഭ​യി​ൽ​നി​ന്ന് അ​യോ​ഗ്യ​നാ​ക്കി​യ​തി​നെത്തു​ട​ർ​ന്നു പ്ര​തി​പ​ക്ഷം ഒ​റ്റ​ക്കെ​ട്ടാ​യി സ​ർ​ക്കാ​രി​നെ​തി​രേ തി​രി​ഞ്ഞ സാ​ഹ​ച​ര്യം വി​ല​യി​രു​ത്താ​ൻ പ്ര​ധാ​ന​മ​ന്ത്രി ന​രേ​ന്ദ്ര​ മോ​ദി മു​തി​ർ​ന്ന മ​ന്ത്രി​മാ​രു​മാ​യി ച​ർ​ച്ച ന​ട​ത്തി.

ഇ​ന്ന​ലെ രാ​വി​ലെ സ​ഭാ​ ന​ട​പ​ടി​ക​ൾ തു​ട​ങ്ങു​ന്ന​തി​നു തൊ​ട്ടു​മു​ന്പാ​യി പാ​ർ​ല​മെ​ന്‍റി​ലെ ഓ​ഫീ​സി​ൽ ന​ട​ന്ന യോ​ഗ​ത്തി​ൽ മ​ന്ത്രി​മാ​രാ​യ അ​മി​ത് ഷാ, ​പി​യൂ​ഷ് ഗോ​യ​ൽ, നി​ർ​മ​ല സീ​താ​രാ​മ​ൻ, കി​ര​ണ്‍ റി​ജി​ജു, പ്ര​ഹ്ലാ​ദ് ജോ​ഷി, അ​നു​രാ​ഗ് താ​ക്കൂ​ർ തു​ട​ങ്ങി​യ​വ​ർ പ​ങ്കെ​ടു​ത്തു. ധ​ന​ബി​ൽ പാ​സാ​ക്കു​ന്ന​തി​നാ​യി രാ​ജ്യ​സ​ഭ​യി​ൽ ഉ​ച്ച​ക​ഴി​ഞ്ഞ് ഹാ​ജ​രാ​ക​ണ​മെ​ന്നാ​വ​ശ്യ​പ്പെ​ട്ടു ബി​ജെ​പി എം​പി​മാ​ർ​ക്ക് ഇ​ന്ന​ലെ വി​പ്പ് ന​ൽ​കി​യി​രു​ന്നു.