ചാ​ല​ക്കു​ടി​യി​ലൊ​രു സ്റ്റേ​ഡി​യം, ചാ​ത്തു​ണ്ണി​യാശാന്‍റെ ദുഃ​ഖം
Thursday, June 13, 2024 1:14 AM IST
സി.​കെ. പോ​ൾ

ചാ​ല​ക്കു​ടി: ഒ​രു​പാ​ടു​ത​വ​ണ പ്ര​തി​ഭ തെ​ളി​യി​ച്ചി​ട്ടും ഇ​ന്ത്യ​ൻ ടീ​മി​ന്‍റെ കോ​ച്ചാ​ക്കി​യി​ല്ലെ​ന്ന​തും ദ്രോ​ണാ​ചാ​ര്യ അ​വാ​ർ​ഡ് ല​ഭി​ച്ചി​ല്ലെ​ന്ന​തു​മാ​യി​രു​ന്നി​ല്ല ഫു​ട്ബോ​ൾ ആ​ചാ​ര്യ​ൻ ടി.​കെ. ചാ​ത്തു​ണ്ണി​യു​ടെ ഏ​റ്റ​വും വ​ലി​യ ദുഃ​ഖം. ചാ​ല​ക്കു​ടി​യി​ൽ ഒ​രു ന​ല്ല സ​ർ​ക്കാ​ർ സ്റ്റേ​ഡി​യം ഇ​ല്ലാ​ത്ത​താ​യി​രു​ന്നു. മാ​റി​മാ​റി​വ​ന്ന ന​ഗ​ര​സ​ഭ​ക​ൾ വാ​ഗ്ദാ​നം ചെ​യ്തെ​ങ്കി​ലും ഒ​ന്നും ന​ട​ന്നി​ല്ല.

""തൃ​ശൂ​ർ കോ​ർ​പ​റേ​ഷ​ൻ സ്റ്റേ​ഡി​യ​ത്തി​ൽ പൊ​തു​ദ​ർ​ശ​ന​ത്തി​നു​വ​ച്ച് വ​ടൂ​ക്ക​ര ശ്മ​ശാ​ന​ത്തി​ലേ​ക്ക് അ​വ​സാ​ന​യാ​ത്ര ന​ട​ത്തേ​ണ്ടി​വ​രു​മ​ല്ലോ'' എ​ന്ന് ചാ​ത്തു​ണ്ണി ആ​ശ​ങ്ക​പ്പെ​ട്ടി​രു​ന്നു. അ​തു​ത​ന്നെ സം​ഭ​വി​ച്ചു.

ദേ​ശീ​യ​പാ​ത​യ്ക്കു​വേ​ണ്ടി കീ​റി​മു​റി​ക്ക​പ്പെ​ട്ട ഗ​വ. ബോ​യ്സ് ഹൈ​സ്കൂ​ൾ ഗ്രൗ​ണ്ടി​നു​പ​ക​രം പു​തി​യ സ്റ്റേ​ഡി​യം എ​ന്ന​ത് ഫു​ട്ബോ​ൾ​പ്രേ​മി​ക​ൾ​ക്കൊ​പ്പം എ​ന്നും ചാ​ത്തു​ണ്ണി ക​ണ്ട സ്വ​പ്ന​മാ​യി​രു​ന്നു.

ഫു​ട്ബോ​ളി​ന്‍റെ നാ​ട് എ​ന്ന​റി​യ​പ്പെ​ട്ടി​രു​ന്ന ചാ​ല​ക്കു​ടി​യു​ടെ ഹൃ​ദ​യ​മാ​യി​രു​ന്നു ഗ​വ. ബോ​യ്സ് ഹൈ​സ്കൂ​ൾ ഗ്രൗ​ണ്ട്. നി​ര​വ​ധി ഫു​ട്ബോ​ൾ​താ​ര​ങ്ങ​ൾ​ക്കു ജ​ന്മം​ന​ൽ​കി​യ ഹൈ​സ്കൂ​ൾ ഗ്രൗ​ണ്ട് 1987 ലാ​ണ് ദേ​ശീ​യ​പാ​ത ബൈ​പാ​സി​നു​വേ​ണ്ടി അ​ക്വ​യ​ർ ചെ​യ്ത​ത്. അ​ന്നു ചാ​ത്തു​ണ്ണി​യു​ടെ നേ​തൃ​ത്വ​ത്തി​ൽ ഫു​ട്ബോ​ൾ ക​ളി​ക്കാ​രും നാ​ട്ടു​കാ​രും പ്ര​തി​ഷേ​ധ​വു​മാ​യി രം​ഗ​ത്തു​വ​ന്നെ​ങ്കി​ലും ഫ​ല​മു​ണ്ടാ​യി​ല്ല. പ​ക​രം ഗ്രൗ​ണ്ട് അ​നു​വ​ദി​ച്ചെ​ങ്കി​ലും ന​ഷ്ട​പ്പെ​ട്ട ഗ്രൗ​ണ്ടി​നു പ​ക​ര​മാ​യി​ല്ല. പു​തി​യ സ്റ്റേ​ഡി​യ​ത്തി​നു​വേ​ണ്ടി മു​റ​വി​ളി ഉ​യ​ർ​ന്നെ​ങ്കി​ലും അ​ധി​കാ​രി​ക​ൾ ചെ​വി​ക്കൊ​ണ്ട​തു​മി​ല്ല.

2015 ൽ ​പു​തി​യ സ്കൂ​ൾ​കെ​ട്ടി​ടം നി​ർ​മി​ക്കാ​ൻ തീ​രു​മാ​നി​ച്ച​പ്പോ​ൾ സ്കൂ​ൾ​കെ​ട്ടി​ട​ങ്ങ​ൾ പൊ​ളി​ച്ചു​മാ​റ്റു​ന്ന സ്ഥ​ല​വും നി​ല​വി​ലു​ള്ള ഗ്രൗ​ണ്ടും ചേ​ർ​ത്ത് ഇ​വി​ടെ അ​ന്ത​ർ​ദേ​ശി​യ​നി​ല​വാ​ര​ത്തി​ലു​ള്ള സ്റ്റേ​ഡി​യം നി​ർ​മി​ക്ക​ണ​മെ​ന്നും സ്കൂ​ൾ പു​തി​യ ഗ്രൗ​ണ്ടി​ൽ പ​ണി​യ​ണ​മെ​ന്നു​മു​ള്ള ആ​വ​ശ്യ​വു​മാ​യി ചാ​ത്തു​ണ്ണി രം​ഗ​ത്തു​വ​ന്നു.

ഇ​തി​നു​വേ​ണ്ടി അ​ദ്ദേ​ഹം ന​ഗ​ര​സ​ഭാ ഓ​ഫി​സി​നു മു​ന്പി​ൽ നി​രാ​ഹാ​ര​സ​മ​രം​വ​രെ ന​ട​ത്തി​യെ​ങ്കി​ലും അ​ധി​കാ​രി​ക​ൾ അ​വ​ഗ​ണി​ച്ചു. നി​ര​വ​ധി വേ​ദി​ക​ളി​ൽ ചാ​ത്തു​ണ്ണി ത​ന്‍റെ ദുഃ​ഖം പ​ങ്കു​വ​ച്ചി​രു​ന്നു.
പ്ര​തി​ഷേ​ധ​വു​മാ​യി പൊ​തു​വേ​ദി​ക​ളി​ൽ​നി​ന്നും അ​ദ്ദേ​ഹം വി​ട്ടു​നി​ന്നു. ഫു​ട്ബോ​ളി​ൽ ചാ​ല​ക്കു​ടി​യു​ടെ ന​ഷ്ട​പ്പെ​ട്ട പ്ര​താ​പം വീ​ണ്ടെ​ടു​ക്ക​ണ​മെ​ന്ന സ്വ​പ്നം ബാ​ക്കി​യാ​ക്കി​യാ​ണ് ചാ​ത്തു​ണ്ണി​യാ​ശാ​ന്‍ യാ​ത്ര​യാ​യ​ത്.

Copyright @ 2022 , Rashtra Deepika Ltd.