നി​രീ​ക്ഷ​ണ കാ​മ​റ​ക​ളി​ൽ പു​ലി​യു​ടെ ദൃ​ശ്യ​ങ്ങ​ൾ ക​ണ്ടെ​ത്തി​യി​ല്ല
Friday, June 21, 2024 1:47 AM IST
പു​ത്തൂ​ർ: പു​ലി ഭീ​തി​യെ തു​ട​ർ​ന്ന് മാ​ന്ദാ​മം​ഗ​ലം - മ​രോ​ട്ടി​ച്ചാ​ൽ മേ​ഖ​ല​യി​ൽ വ​നം​വ​കു​പ്പി​ന്‍റെ തു​ട​രു​ന്ന നി​രീ​ക്ഷ​ണം തു​ട​രു​ന്നു. വ​നം വ​കു​പ്പ് സ്ഥാ​പി​ച്ച ആറ് നി​രീ​ക്ഷ​ണ കാ​മ​റ​ക​ളി​ലും പു​ലി​യു​ടെ ദൃ​ശ്യ​ങ്ങ​ൾ പ​തി​ഞ്ഞി​ട്ടി​ല്ല.

ക​ഴി​ഞ്ഞ ര​ണ്ടാ​ഴ്ച​യാ​യി മാ​ന്ദാ​മം​ഗ​ലം - മു​രു​ക്കുംപാ​റ, മ​രോ​ട്ടി​ച്ചാ​ൽ ചു​ള്ളി​ക്കാ​വ് പ്ര​ദേ​ശ​ങ്ങ​ളിൽ പു​ലി ഭീ​തി തു​ട​രു​കയാണ്.​ ഏഴിന് ​ചു​ള്ളി​ക്കാ​വ് സ്വ​ദേ​ശി ചാ​ക്കോ​യു​ടെ വീ​ട്ടി​ലെ ആ​ടി​നെ പ​റ​മ്പി​ൽ ച​ത്ത നി​ല​യി​ൽ കാ​ണു​കയുണ്ടായി. സം​ഭ​വം ന​ട​ന്ന് ര​ണ്ട് ദി​വ​സ​ത്തി​നു ശേ​ഷ​മാ​ണ് ആ​ടി​നെ കൊ​ന്ന​ത് പു​ലി​യാ​ണെ​ന്ന് വ​നം വ​കു​പ്പ് സ്ഥി​രീ​ക​രി​ക്കു​ന്ന​ത്. ഇ​തോ​ടെ പ്ര​ദേ​ശം ഭീ​തി​യി​ലാ​യി.

ഒമ്പതിന് ​രാ​ത്രി ചാ​ക്കോ​യു​ടെ പ​റ​മ്പി​ൽ പു​ലി​യെ ​ക​ണ്ടതോ​ടെ വ​നം വ​കു​പ്പ് നി​രീ​ക്ഷ​ണ കാ​മ​റ സ്ഥാ​പി​ച്ചു. മൂ​ന്ന് ദി​വ​സ​ത്തി​ന് ശേ​ഷം മാ​ന്ദാ​മം​ഗ​ലം മ​രു​ക്കുംപാ​റ​യി​ൽ ബൈ​ക്ക് യാ​ത്രി​ക​നും സ്കൂ​ട്ട​ർ യാ​ത്രി​ക​യും പു​ലി​യെ ക​ണ്ടു​വെ​ന്ന അ​ഭ്യൂ​ഹം പ​ര​ന്ന​തോ​ടെ വീ​ണ്ടും ആ​ശ​ങ്ക വ​ർ​ധി​ച്ചു. വ​നം വ​കു​പ്പും നാ​ട്ടു​കാ​രും തെര​ച്ചി​ൽ ന​ട​ത്തി​യെ​ങ്കി​ലും അ​സ്വാ​ഭാ​വി​ക​മാ​യി ഒ​ന്നും ക​ണ്ടെ​ത്താ​നാ​യി​ല്ല. റ​വ​ന്യു മ​ന്ത്രി കെ. ​രാ​ജ​ൻ സ​ഥ​ലം സ​ന്ദ​ർ​ശി​ക്കു​ക​യും സ​ർ​വ​ക​ക്ഷി യോ​ഗം ചേ​രു​ക​യും ​ചെ​യ്തു.

സ​ർ​വ​ക​ക്ഷി യോ​ഗ നി​ർ​ദേ​ശ പ്ര​കാ​രമാണ് വ​നംവ​കു​പ്പ് പ്ര​ദേ​ശ​ത്ത് ആ​റ് നി​രീ​ക്ഷ​ണ കാ​മ​റ​ സ്ഥാ​പി​ച്ച​ത്. ദി​വ​സ​ങ്ങ​ൾ പി​ന്നി​ട്ടി​ട്ടും നി​രീ​ക്ഷ​ണ കാമറയിൽ പു​ലി​യെ ക​ണ്ടെ​ത്താ​നാ​യി​ല്ലെ​ന്ന് വ​നം വ​കു​പ്പ് ഉ​ദ്യോ​ഗ​സ്ഥ​ർ അ​റി​യി​ച്ചു. രാ​ത്രി​കാ​ല പ​ട്രോ​ളി​ങ്ങും തു​ട​രു​ന്നു​ണ്ട്.

നി​ല​വി​ലു​ള്ള കാ​മ​റ​ക​ൾ മ​റ്റ് സ​ഥ​ല​ങ്ങ​ളി​ലേ​ക്ക് മാ​റ്റി സ്ഥാ​പി​ച്ച ശേ​ഷം എ​ന്താ​നും ദി​വ​സം കൂ​ടി തു​ട​രാ​നാ​ണ് അ​ധി​കൃ​ത​രു​ടെ നീ​ക്കം.

Copyright @ 2022 , Rashtra Deepika Ltd.