സഹ​ക​ര​ണ പ്ര​സ്ഥാ​ന​ങ്ങ​ൾ നാ​ടി​ന്‍റെ ന​ട്ടെ​ല്ല്: മ​ന്ത്രി കെ. രാ​ജ​ൻ
Monday, June 17, 2024 1:40 AM IST
കൊ​ര​ട്ടി: കേ​ര​ള ജ​ന​ത ഹൃ​ദ​യ​ത്തോ​ടു ചേ​ർ​ത്തുപി​ടി​ച്ച കൊ​ര​ട്ടി സ​ഹ​ക​ര​ണ ബാ​ങ്ക് പോ​ലെ​യു​ള്ള ന​ക്ഷ​ത്ര ശോ​ഭ​യു​ള്ള സ​ഹ​ക​ര​ണ പ്ര​സ്ഥാ​ന​ങ്ങ​ളെ ക​ഴു​ത്ത് ഞെ​രി​ച്ച് കൊ​ല്ലാ​നു​ള്ള മൂ​ല​ധ​ന​ശ​ക്തി​ക​ളു​ടെ ബോ​ധ​പൂ​ർ​വ​മാ​യ ശ്ര​മ​ങ്ങ​ൾ വി​ല​പ്പോ​വി​ല്ലെ​ന്ന് മ​ന്ത്രി കെ.​ രാ​ജ​ൻ. കൊ​ര​ട്ടി സ​ർ​വീ​സ് സ​ഹ​ക​ര​ണ ബാ​ങ്കി​ന്‍റെ ന​വീ​ക​രി​ച്ച ചി​റ​ങ്ങ​ര ബ്രാ​ഞ്ചി​ന്‍റെ​യും പു​തു​താ​യി ആ​രം​ഭി​ച്ച കൊ​ര​ട്ടി മാ​ർ​ട്ടി​ന്‍റെ​യും ഉ​ദ്ഘാ​ട​നം നി​ർ​വ​ഹി​ച്ചു സം​സാ​രി​ക്കു​ക​യാ​യി​രു​ന്നു മ​ന്ത്രി. ബാ​ങ്ക് ന​ട​പ്പി​ലാ​ക്കു​ന്ന ആ​ശ്വാ​സ് പെ​ൻ​ഷ​ൻ പ​ദ്ധ​തി​യു​ടെ ഉ​ദ്ഘാ​ട​ന​വും അ​ദ്ദേ​ഹം നി​ർ​വ​ഹി​ച്ചു.

സ​ഹ​ക​ര​ണ സം​ഘ​ങ്ങ​ൾ​ക്ക് ചി​ല​യി​ട​ങ്ങ​ളി​ൽ സം​ഭ​വി​ക്കു​ന്ന അ​പ​ച​യ​ങ്ങ​ൾ സ​ർ​ക്കാ​ർ ഗൗ​ര​ത്തോ​ടെ​യാ​ണ് കാ​ണു​ന്ന​ത്. അ​പ​ച​യ​ങ്ങ​ൾ​ക്ക് വ​ഴി​പ്പെ​ടാ​തെ​യും സാ​മാ​ന്യ​വ​ൽ​ക്ക​രി​ക്കാ​തെ​യും തെ​റ്റെ​ന്ന് ക​ണ്ട് തി​രു​ത്താ​ൻ ത​യാ​റാ​കു​ക​യാ​ണ് വേ​ണ്ട​തെ​ന്നും മ​ന്ത്രി ഓ​ർ​മി​പ്പി​ച്ചു.

സ​ഹ​ക​ര​ണ സം​ഘ​ങ്ങ​ളി​ലെ ഒ​രോ ചെ​റി​യ സം​ഖ്യ​യു​ടെ നി​ക്ഷേ​പ​ങ്ങ​ളി​ലും സാ​ധാ​ര​ണ​ക്കാ​ര​ന്‍റെ വി​യ​ർ​പ്പും ഗ​ന്ധ​വു​മു​ണ്ടെ​ന്ന് മ​ന​സി​ലാ​ക്കി സാ​മൂ​ഹ്യ പ്ര​തി​ബ​ദ്ധ​ത​യി​ലൂ​ന്നി​യ പ്ര​വ​ർ​ത്ത​ന​ങ്ങ​ളി​ലൂ​ടെ നാ​ടി​ന്‍റെ ന​ട്ടെ​ല്ലാ​യി മാ​റാ​ൻ സ​ഹ​ക​ര​ണ സം​ഘ​ങ്ങ​ളു​ടെ നേ​തൃ​നി​ര​യി​ലു​ള്ള​വ​ർ ശ്ര​മി​ക്ക​ണ​മെ​ന്നും മ​ന്ത്രി പ​റ​ഞ്ഞു.

ബാ​ങ്കിം​ഗ് രം​ഗ​ത്തെ കു​ത്ത​ക​വ​ത്്ക​ര​ണം ദേ​ശ​സാ​ൽ​കൃ​ത ബാ​ങ്കു​ക​ളെ പോ​ലും അ​പ​ക​ട​ക​ര​മാ​യി പി​ന്തു​ട​രു​മ്പോ​ൾ നാ​ടി​ന്‍റെ സ്പ​ന്ദ​ന​ങ്ങ​ൾ​ക്കൊ​പ്പം ബ​ദ​ലാ​യി മാ​റാ​ൻ സ​ഹ​ക​ര​ണ ബാ​ങ്കു​ക​ൾ​ക്ക് ക​ഴി​യ​ണ​മെ​ന്നും മ​ന്ത്രി അ​ഭി​പ്രാ​യ​പ്പെ​ട്ടു.

വി​വി​ധ ഫാ​ർ​മേ​ഴ്സ് പ്രൊ​ഡ്യൂ​സേ​ഴ്സ് ഓ​ർ​ഗ​നൈ​സേ​ഷ​ൻ, കു​ടും​ബ​ശ്രീ, മ​റ്റ് സ​ഹ​ക​ര​ണ സ്ഥാ​പ​ന​ങ്ങ​ളു​ടെ ക​ർ​ഷ​ക ത​നി​മ​യാ​ർ​ന്ന ഉ​ൽ​പ്പ​ന്ന​ങ്ങ​ൾ ഇ​ട​നി​ല​ക്കാ​രി​ല്ലാ​തെ കൊ​ര​ട്ടി മാ​ർ​ട്ടി​ലൂ​ടെ ജ​ന​ങ്ങ​ൾ​ക്ക് ല​ഭ്യ​മാ​ക്കു​ന്ന പ​ദ്ധ​തി അ​ഭി​ന​ന്ദ​നാ​ർ​ഹ​മെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

ബാ​ങ്ക് പ്ര​സി​ഡ​ന്‍റ് കെ.​പി.​തോ​മ​സ് അ​ധ്യ​ക്ഷ​നാ​യി.
ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ്് പി.​സി.​ബി​ജു, ജി​ല്ലാ പ​ഞ്ചാ​യ​ത്ത് അം​ഗം ലീ​ല സു​ബ്ര​മ​ണ്യ​ൻ, ബ്ലോ​ക്ക് പ​ഞ്ചാ​യ​ത്ത് അം​ഗം സി​ന്ധു ര​വി, വാ​ർ​ഡ് മെ​മ്പ​ർ പി.​എ​സ്.​സു​മേ​ഷ്, ബാ​ങ്ക് സെ​ക്ര​ട്ട​റി എ​ൻ.​ജി. സ​നി​ൽ​കു​മാ​ർ, ബാ​ങ്ക് വൈ​സ് പ്ര​സി​ഡ​ന്‍റ് എം.​കെ.​ സു​ഭാ​ഷ്, ബോ​ർ​ഡ് മെ​മ്പ​ർ അ​ഡ്വ.​കെ.​എ.​ ജോ​ജി, വി​വി​ധ രാ​ഷ്ട്രീ​യ പാ​ർ​ട്ടി പ്ര​തി​നി​ധി​ക​ൾ എ​ന്നി​വ​ർ പ്ര​സം​ഗി​ച്ചു.

Copyright @ 2022 , Rashtra Deepika Ltd.