ന്യൂഡൽഹി: മുൻ വർഷങ്ങളിലേതു പോലെ ഈ വർഷവും ജപമാല മാസമായ ഒക്ടോബറിൽ രൂപത മാതൃവേദിയുടെ നേതൃത്വത്തിൽ പരി. അമ്മയുടെ തിരുസ്വരൂപം എല്ലാ ഇടവകകളിലും സ്വീകരിച്ചു കൊണ്ടു നടത്തിയ ജപമാല പ്രദക്ഷിണം സമാപിച്ചു.
സെപ്റ്റംബർ 30ന് കുര്യാക്കോസ് ഭരണിക്കുളങ്ങര പിതാവ് വെഞ്ചിരിച്ച് രൂപതാ മാതൃവേദി ഭാരവാഹികൾക്കു കൈമാറിയ മാതാവിന്‍റെ രൂപം ഒക്ടോബർ ഒന്നിന് കരോൾബാഗ് സെന്‍റ് അഗസ്റ്റിൻ ഫൊറോനാ ദേവാലയത്തിൽ നിന്ന് ആരംഭിച്ച് ഒക്ടോബർ 31ന് ജനക്പുരി സെന്‍റ് തോമസ് ദേവാലയത്തിൽ ഇടവക വികാരി റവ ഫാ.ഡേവിസ് കള്ളിയത്ത് പറമ്പിലും മാതൃവേദി രൂപത ഡയറക്ടർ, റവ. ഫാ. നോബി കാലച്ചിറയും ചേർന്ന് അർപ്പിച്ച ആഘോഷമായ ദിവ്യബലിയോടുകൂടി സമാപിച്ചു.